SHARON, NAGSALITA NA SA KUMALAT NA BUNTIS SA BATANG BF KAYA SINAKTAN NI SEN. KIKO

ni Vinia Vivar - @Frankly Speaking | May 30, 2021

Pinagtawanan na lang ng mag-asawang Sharon Cuneta at Sen. Kiko Pangilinan ang mga nakakalokang tsismis sa kanila recently.

Sa Instagram Live ni Megastar last Friday kung saan ay ka-join din niya ang mister na nandito sa Pilipinas at siya naman ay nasa US, inisa-isa nilang nilinaw ang mga issues na naglabasan.

Tsismis No. 1 ay binubugbog daw si Sharon ng asawa kaya siya umalis ng bansa. Pagdidiin ni Mega, wala raw itong katotohanan. Ni dulo ng daliri niya ay hindi raw nasasaling ni Sen. Kiko at never daw nitong magagawa na saktan siya.

Pangalawang tsika ay may boyfriend daw si Sharon na mas bata sa kanya kaya siya sinaktan ni Kiko. Tawa nang tawa ang mag-asawa.

“Ang pakiusap ko lang, sana naman, sabihin n’yo kung sino para makaakyat siya sa aking asawa na humingi ng permiso na lumigaw o makipagrelasyon sa akin,” natatawang sabi ni Sharon.

Biro pa ni Sharon, sana raw ay si Antonio Banderas o si Keanu Reeves na lang ito at iiwan daw niya talaga si Kiko.

At ang pangatlong tsika, buntis daw siya at ang batang boyfriend nga ang ama kaya siya sinaktan.

“Susmaryosep! Ano ba ‘yan?” natatawa ring sambit ng senador.

Dagdag pa ng mister ni Shawie, “Siguro, nakita nila ‘yung una, ay, hindi naman kapani-paniwala. Tapos ‘yung pangalawa, hindi pa rin kapani-paniwala. Ngayon, sumusubok pa rin, pangatlong kuwento na, baka sakaling maniwala. Ano ba ‘yan?”

Sey naman ni Sharon na hindi na halos makapagsalita sa katatawa, “Nakalimutan nila, hindi na ako 30’s. I’m sorry, kahit cute ako, 55 na po ako. At ayaw na namin ni Kiko. Okay na kami kay Miguel. Sa Disneyland lang po, pagod na pagod na kami.”

Sa huli ay nagpasalamat ang mag-asawa sa lahat ng nagmamahal at sumusuporta sa kanila. Ayon pa kay Sen. Kiko, talaga raw laging may lumalabas na issue sa kanila sa tuwing nalalapit ang eleksiyon.

“Everytime na lang na malapit ang eleksiyon, may tsismis. Para sirain tayo, tayo ang aatakehin, ‘yung ating pamilya, our marriage, our family life. Bumenta na ito, eh. But of course, we have to clarify this and explain it.

“Du’n sa ating mga nanonood, just to let you know, this happens all the time, itong mga paninira. So we all have to be vigilant,” pahayag ni Sen. Kiko.

Anyway, ibinalita ni Shawie na nagtatayo raw siya ng production company sa US ngayon kaya mananatili pa raw siya sa nasabing bansa. Sobrang busy daw niya roon, Zoom meetings left and right at may mga auditions pa raw siyang naka-schedule.

“And don’t worry because I still have commitments back home. I’m still doing a teleserye, actually, two. And ang dami kong gagawin pag-uwi, may pelikula pa ‘ko,” she said.

Sa mga todo-asang magga-gown uli siya… "P*KYU!" — JAKE ZYRUS

ni Vinia Vivar - @Frankly Speaking | May 21, 2021

Hindi na nakapagpigil si Jake Zyrus at naglabas na ng kanyang sama ng loob sa mga taong ikinukumpara siya sa dati niyang pagkataong si Charice Pempengco.

May bagong single kasi si Jake, ang Fix Me mula sa Star Music at out na ang music video nito sa YouTube.

Sa comment section ng music video ay may mga nagkomento na nami-miss nila si Charice.

“Nakaka-miss si Charice. Huhu. I miss your music," sey ng isang netizen.

"Hala, nagbabalik na siya. I hear Charice's voice. Yesss. Pagpupuyatan ko na naman siya sa mga songs niya," komento naman ng isang fan.

Obviously ay hindi ito nagustuhan ni Jake kaya naman naglabas siya sa kanyang Instagram Story ng mahabang rant tungkol dito at sa galit nga ay ilang beses siyang napamura ng “MF” o mother f*cker.

"I don't care if you want to listen to my Charice songs all damn day or if you hear my Charice voice in my falsettos, because of course you dumbass MF, boses ko pa rin 'yon. Nag-transition lang.

"Sabi ko, 'wag na patulan mga ganu'ng tao kasi nagiging feeling na, pero hindi, kasi bastos na talaga ang iba. Okay ako kung i-compliment mong naririnig mo kasi totoo naman 'yun.

“Pero para ipangalandakan mo na 'Charice is coming back', and also binabastos na ang pagkatao ko nang dahil lang doon, get yo MF transphobia ass away from me.

"Feeling alam ang sinasabi. Patalino effect. Entitled,” ang simula ng litanya ni Jake.

Dagdag pa ng singer na ngayon ay transman na, noon pa raw ay hindi siya komportable na binabanggit lagi sa kanya ng netizens si Charice.

"I've done some interviews where I'd say okay lang kahit sinasabi nilang nami-miss nila si Charice or sayang mga nangyari before and I'd just awkwardly smile and take it just because I wanted to please these MFs.

“Nakakalito na nga interviews ko, para kahit papa'no 'di masyado problematic at medyo pasok pa rin sa 'nyetang standards ng karamihan.

"I am not MF okay with this. Kasi the more na sinasabi kong 'Ah, oo, okay lang 'yun,' okay lang na nagkakamali silang tinatawag akong Charice or okay lang na tanggap nila ako as Jake, pero mas gusto nila ako pre-transitioned, the more na nagiging kampante ang ignoranteng palaka na bastusin kung ano ang naging desisyon ko sa buhay ko.

"Lagi na lang ako nag-iisip kung anong sasabihin ko sa mga interviews para balance lang ang maisip ng mga tao at para 'di sila ma-trigger at sabihin na wala akong utang na loob or the 'Kung 'di dahil sa amin or akin mentality'.

"Never again. Ilang beses na akong na-offend na hindi ako nagsasalita. Last na 'to. Tutal ke public or sa family or sa mga ex-friends ko, eh, mayabang at masama ang ugali ko, so be it.

"I know my MF heart. Bring it on,” aniya.

Kaya naman sobra raw ang respeto niya sa mga taong inirerespeto ang nakaraan at kasalukuyan niyang pagkatao at sey pa niya, "Hindi 'yung respeto sa nakaraan, bastusin ang kasalukuyan.”

Mensahe pa ng singer sa taong nang-insulto sa kanya, "Ayusin mo opinyon mo. Ay, hindi pala opinyon 'yan, insulto 'yan. Ignorante ka nga pala.”

He added, "Prepare ko sarili ko sa ibang sasabihing sila pa mabu-bully. LOL. Really tho, bless your hearts. Full of hate, convincing yourselves na tama ka just because sa mata ng tao normal ka? LUL. This goes out to some LGBTQ+ na bashers ko rin. Sa totoo lang tayo. 'Di talaga sa labels 'yan. Ugali ng tao talaga 'yan."

Bilang pangwakas ay nagpasalamat si Jake sa mga taong sumusuporta at rumerespeto sa kanya. May mensahe rin siya sa mga taong umaasa na magsusuot pa siya ng gown.

"Salamat sa mga inirerespeto ang mga nagawa ko before at nagagawa ko ngayon. Salamat kung naririnig n'yo (si) Charice (sa) voice ko, yet naa-appreciate din ang boses ko ngayon. Salamat sa mga nandiyan dahil sa mga nagagawa ko ngayon.

“P*kyu naman sa mga nandiyan lang dahil umaasang magga-gown ulit ako.

“Love you guys!”

Bano naman daw bilang gamer… ANDREA, AMINADONG KAYA LANG NAKA-472 K VIEWS ANG GAMING STREAM DAHIL

ARTISTA

ni Vinia Vivar - @Frankly Speaking | May 18, 2021

Hindi sukat-akalain ni Andrea Brillantes na napakaraming gamers ang nanood ng kanyang gaming stream sa "Mobile Legends: Bang Bang” recently.

Nang makita niya ang bilang ng views, nag-iiyak siya at ikinuwento sa kanyang video sa IG.

“Kasi ‘yung stream ko, umabot ng 472K views, ‘yung stream ko,” humahagulgol niyang sabi.

First time raw niyang sumali sa gaming stream at akala raw niya ay mga 30 thousand lang ang magiging views. Kaya nagulat siya na umabot ito sa 472,000.

Umiiyak pa rin niyang wika, “Gusto kong sabihin na nahihiya ako nang sobra pero thank you sa mga nanood pero nahihiya ako nang sobra kasi hindi ako player, tapos, lag pa ako.”

Dagdag pa niya na patuloy ang paghagulgol, “Siguro, pinagtatawanan na nila ako. Sinasabi na nila na bakit ba ako naglaro, ‘Buti na lang, artista ka.’ Tapos, tatlong part pa ‘yun.”

Gusto na nga naming matawa kay Blythe (real name ni Andrea) dahil para siya talagang batang umiiyak. Kunsabagay ay 18 years old pa lang naman ang aktres kaya bata pa talaga.

Nang mahimasmasan si Andrea ay seryoso siyang nagpasalamat sa mga nanood.

“Clarification lang po, sobra akong nagpapasalamat sa lahat ng nanood. Ang daming nanood, hindi ko talaga in-expect na ganu’n kadami. Pagkaalis ko ng stream, pagkatingin ko, nagulat ako nang sobra,” sey niya.

“Kaya ako umiyak kasi sobra akong nahihiya na ‘yun ang napanood n’yo kasi hindi ako talaga magaling, alam ko naman ‘yun. Na feeling ko lang, talagang pinagtatawanan ako ng mga tao, kasi iba ‘yung ways ng paglalaro ko, sampid lang ako. ‘Yun lang, ba-bye, thank you, hindi na ako iiyak,” sey pa niya.