Piktyur naka-pink t-shirt at lipstick, fake… FANS NI SARAH, NATUWA NA ‘DI NIYA INEENDORSO SI LENI

ni Vinia Vivar - @Frankly Speaking | April 28, 2022

Nag-trending agad ang balitang Kakampink si Sarah Geronimo matapos kumalat noong Lunes ang isang screenshot ng Instagram Story na diumano’y mula sa Viva Artists Agency, ang management ni Popstar Royalty.

Sa nag-viral na screenshot ng IG Story ay makikita ang kalahati ng mukha ng isang babae na obviously ay si Sarah. Naka-pink lipstick ito at kita rin ang t-shirt na suot na kulay pink. Sa itaas ay nakalagay ang logo ng VAA.

“Papunta pa lang tayo sa exciting part,” ang nakasaad sa ibaba ng larawan.

Nagbunyi agad ang mga Kakampink dahil tila pahiwatig ito na Kakampink si Sarah at sinusuportahan si Vice-President Leni Robredo sa pagka-pangulo ngayong May 9 elections. They also thought na legit ito since may logo ng VAA, pero fake news pala ito.

Last Monday night ay nagbigay agad ng official statement ang VAA hinggil dito na ipinost sa kanilang Instagram. Ayon sa talent management ay ‘altered’ ang nasabing screenshot at never silang nag-post ng ganito.

“A screenshot of an Instagram story is circulating online supposedly from the account of Viva Artists Agency ('VIVA').

“The post was altered and was never published on any official VIVA social media account,” pahayag ng VAA.

Sa caption ay pinaalalahanan din ng talent management ang lahat na i-follow sila sa kanilang official social media accounts.

“OFFICIAL statement from Viva Artists Agency. Please follow us on our official social media accounts,” caption ng VAA.

Natuwa naman ang ibang fans ni Sarah na hindi totoo ang balita dahil ayaw nilang makigulo pa sa pulitika ang kanilang idolo.

“SG has not endorsed anyone for a long time now. Let it stay that way. Iwas n'yo na siya sa gulo ng pulitika,” komento ng isang netizen.

Back in 2010 ay inendorso ni Sarah ang tandem nina Manny Villar and Loren Legarda for the presidential election, at ang senatorial bids nina Ed Angara in 2007 and Sonny Angara in 2013.

Basta hapi raw sila… RUFFA, 'DI NAGMAMADALING PAKASALAN NI BISTEK

ni Vinia Vivar - @Frankly Speaking | April 27, 2022

Ang saya ng tsikahan with Ruffa Gutierrez last Monday sa media launch ng kanyang new business venture, ang Gutz & Glow lifestyle brand with business partner Maricor Flores. Dahil ever since naman ay napakasarap interbyuhin ni Ruffa, game na game niyang sinagot ang lahat ng katanungan sa kanya kabilang na of course ang love life.

Well, as we all know ay nali-link ngayon si Ruffa kay senatorial candidate Herbert Bautista at inamin niyang ito ang nagpapa-glow sa kanya ngayon.

“Well, nagpapa-glow siya sa akin because he motivates me and he guides me. I think that’s really what I need right now, 'di ba? So, tama 'yung sinabi niya sa isang interview na we motivate each other and we are in a mature relationship,” simula ni Ruffa.

Nasabi raw niyang mature dahil si Bistek ang nag-encourage sa kanya na bumalik sa pag-aaral na sinunod naman niya. She took up Mass Communication at graduate na siya ngayon, imagine!

“So, with him encouraging me, I was able to finish and get a college degree. I’ll be graduating in July, and, you know, my kids are so proud of me.

“So, I think, ano, ang kailangan natin sa buhay natin ngayon para mag-glow tayo? 'Yung nagbibigay sa atin ng encouragement at hindi stress, 'di ba? With all the stressful things happening in our lives right now, he doesn’t give me stress. He just makes me glow and that’s what we need,” she said.

Diretso rin niyang inamin na kakaiba si Herbert sa lahat dahil he’s taking things slow.

“Naiiba si Herbert sa lahat, because he’s not the typical guy na he just wants to bring me to the bedroom, you know. He’s the type of guy who’s very slow, he’s very steady, he’s very respectful to my parents, he’s very respectful to my kids. Sometimes he comes to my house and seven hours kaming nag-aaral.

“Hindi makapaniwala 'yung mga Marites kong friends. ‘Ano ba'ng ginagawa n’yo d’yan?’ Akala, may ganap na. ‘Girl, 'wag kayong excited, nasa step 1 pa lang kami, 'wag n'yong pangunahan, 'di ba?’ Kasi 'yung mga tsismis, parang nasa step 20 na kami, eh, 'di ba? Nag-on na kami, nagbuntis na ako, nagpakasal, nanganak, nakunan, nagbi-build na kami ng bahay.

“We’re just in the process of getting to know each other, and you must remember, I’m a long-termer and my last relationship was seven years and I just want to take my time. I’m not into whirlwind romances. I’m a turtle. I want things slow and steady,” pahayag niya.

Pareho raw sila ng goal ni Bistek at mas naka-focus sila sa kani-kanilang karera and for that ay very thankful daw siya.

“Wala sa amin ‘yung ‘Oh, my God, let’s get married na.’ No, wala. We’re focusing on our goals individually,” aniya.

Ang sa kanila raw ay very relaxed and happy companionship. No pressure whatsoever.

“At sa mga Marites na nagsasabing walang balak magpakasal si Herbert, they didn’t even care and bother to ask me - may balak ba akong magpakasal? Ayokong magpakasal, 'di ba? Unless some guy comes into my life and sweeps me off my feet that would give me a better life than I have now,” paglilinaw pa niya.

Samantala, sobrang excited si Ruffa sa kanyang binuksang business na Gutz and Glow lifestyle brand na taong 2019 pa raw nila pinaplanong i-launch pero dahil sinigurado muna nila ang kalidad ng produkto ay na-delay hanggang sa biglang nagka-pandemic.

“I came up with a lifestyle brand because just as how our times have evolved, our needs have also changed. Coming up with a beauty line alone is not enough. So, lifestyle brands like Gutz and Glow represent who I am. Each product is handpicked by me. It has the touch and feel of Ruffa - my preference, my needs every day,” she explained.

Ang mga produkto ng Gutz & Glow ay Butt and Body Scrub, Disinfectant Hand Soap, Feminine Lightening Spray Mist, Luminous Hand Cream, Lustrous Hand Sanitizer, Blazing Hand Sanitizer, Makeup Remover Wipes and Intimate Feminine Wipes.

Ang mahalaga raw, nagmamahalan sila… CHIZ, PROUD NA KUNTENTO SI HEART SA 'SIZE' NIYA

ni Vinia Vivar - @Frankly Speaking | April 26, 2022

'Naaliw kami sa mga sagot ng mister ni Heart Evangelista na si Sorsogon Governor Chiz Escudero nang sumalang siya sa Fast Talk ni Boy Abunda sa The Boy Abunda Talk Channel sa YouTube.

Isa sa mga tanong ay, “Does size matter?”

Sagot ni Chiz, “Let’s ask Heart.”

Ang lakas ng tawa ni Kuya Boy.

Seriously, sey ng mister ni Heart ay hindi raw mahalaga ang size.

“Tingin ko, hindi. Kasi marami naman akong kaibigan, bagaman hindi ko naman nakita, alam ko, iba-iba ang hugis at haba nu’n. Magkakasama pa rin naman sila at hindi naman nagrereklamo ang kanilang mga asawa.

“At least, sa akin, hindi nagrereklamo.”

Tawa nang tawa si Kuya Boy.

When asked kung ano ang mahalaga, sagot ni Chiz, “Hindi ko alam, depende sa tao. Ang mahalaga siguro, nag-iibigan kayo at iniibig mo kung sino man ang katalik mo.”

Sex or wifi?

“Sa sex ako parati sa yugtong ito ng buhay ko,” natatawang sagot ng senatorial candidate.

Sex or chocolates?

“Still sex by far a better expression of love than eating sugar and glucose,” aniya.

Sex or Senado?

“Uy, mahirap na ‘yan, ha?” natatawang sabi ni Chiz. “Puwede bang pag-uwi galing Senado, sex?”

Hahaha!