top of page
Search

ni Vinia Vivar - @Frankly Speaking | May 9, 2022



Nakaka-touch ang Mother’s Day greetings ni KC Concepcion sa inang si Sharon Cuneta, kahapon.


Ayon sa aktres, boses lang daw ng Mama niya ang kailangan niya para mapabilis ang kanyang recovery from COVID-19.


“Mama, happy Mother’s Day! Your voice is all I needed to jumpstart my recovery and win this battle against COVID. You are the salt to my pepper. You spice up my life in ways no one else can. I loved you the moment you made me, and I will love you forever and ever. Enjoy your special day today @reallysharoncuneta. xoxo, Tutti,” ang mensahe ni KC kay Sharon sa pagdiriwang ng Mother’s Day, kahapon.


Nadale rin ng COVID-19 si KC at ipinost naman niya ito sa kanyang Instagram Story, last Friday.


Medyo matindi ang tama ng virus kay KC dahil naapektuhan daw ang kanyang brain at kung hindi naagapan ay puwedeng maparalisa siya.


“I have my dearest doctor, the brilliant Dr. Albert Recio, to thank for acting urgently, and arresting a possible paralysis the other day due to a neurological effect COVID had on me.


“What I thought was a mild bout turned into something much more serious overnight. I felt a change in my motor skills and also knew it was hitting my brain… it’s like nothing I’d ever experienced before,” pahayag ni KC.


Good thing ay nabigyan siya agad ng tamang gamot ng kanyang doktor.


“Doc urgently prescribed me the exact meds I needed at exactly the right time and by anticipating the progress of COVID in my body, he put me on the road to recovery,” aniya.


That time na nag-post siya ay unti-unti na raw siyang nakaka-recover.


Kahapon sa kanyang IG Story ay nag-post si KC ng larawan niya habang nagte-test ng kanyang oxygen level at makikitang okay naman ang result.


“Hoping for a negative swab test next,” aniya.



 
 

ni Vinia Vivar - @Frankly Speaking | May 8, 2022



Speaking of Ariella, masayang-masaya ang beauty queen-turned-actress na nakapasok sa Bb. Pilipinas si Herlene Budol a.k.a. Hipon Girl.


“Actually, si Herlene, very close to my heart bilang nakasama ko sa Wowowin. I’m really, really proud of her,” sabi ni Ariella nang makatsikahan namin sa mediacon din ng Breathe Again.


Nakausap pa raw niya si Hipon Girl bago ito sumali sa Bb. Pilipinas.


“Nagkita kami sa studio. Sabi niya, ‘Ate, sasali ako sa Binibini, puwede ba ako?’ Sabi ko, ‘Oo naman 'no, basta magtanong ka sa akin kapag may question ka,’” kuwento pa ni Miss Universe-Philippines 2013.


Dahil nga komedyante si Hipon Girl, akala raw niya ay nagbibiro lang ito kaya nagulat na lang daw siya nang makita niyang sumali na nga ito.


“In fairness, sobrang nag-bloom siya,” sey pa ni Ara (nickname ni Ariella).


Naniniwala ang former MUP title-holder na kayang-kayang kumuha ng korona ni Hipon Girl kahit either Grand International or International or any title.


“Sabi ko nga, ‘Girl, kung ako sa ‘yo, parang gusto kong mag-grand international ka, tutal naman, 'di ba, ang peg nu’n, talagang ikaw na ikaw? Feeling ko, ilalaban mo ‘tong Pilipinas, saka maloloka sa 'yo si anchor.' So, itodo na natin, 'di ba?” aniya.


So, hindi siya naniniwalang “hipon” si Herlene?


“Ay, ngayon pa ba? No!” natatawa niyang sabi.


Pero aminado siyang nakatulong daw kay Herlene ang bansag na 'Hipon Girl' dahil talagang sumikat ito sa nasabing alyas.


“Talagang sobra ‘yung recall until now sa kanya,” she said.


Mensahe niya kay Herlene, basta kailangan daw ang tulong niya or may tanong ito ay willing na willing siya to help.


Anyway, since nabanggit nga niya si Willie, naitanong din kay Ara kung nagkikita pa ba sila ng TV host. Aniya ay huling kita nila noong finale episode ng Wowowin.


“Binisita ko lang nu'ng finale episode ng Wowowin. Doon po kami nagkita ni Hipon,” tsika ni Ara.


Hindi ba siya niyaya sa Villar network?


“Why not, 'di ba? Join lang nang join. Pero wala pa po nu'ng time na ‘yun, kasi hindi rin namin matanong kung… siyempre, nakakahiya. Wala pa, wala pa po,” saad ng aktres.


Anyway, sumabak na rin si Ariella sa pagpapa-sexy at may mga maiinit nga siyang eksena kina Ivan and Tony dito sa Breathe Again.


 
 

ni Vinia Vivar - @Frankly Speaking | May 7, 2022



Naging emosyonal si Ara Mina sa katatapos lamang na meeting de avance ng kanyang mister na si Dave Almarinez, who’s running for congressman of San Pedro City, Laguna ngayong Halalan 2022.


Napaiyak ang aktres habang nagsasalita sa stage last Thursday night dahil na rin sa mga ginagawa sa kanila ng mga kalaban.


“'Eto lang ang masasabi ko, kasi sobra na! Tama na! Tama na ang pang-aalipusta n’yo sa asawa ko!” ang naiiyak na sigaw ni Ara.


“Kahit ano'ng sabihin nila, walang katotohanan ‘yun! Pasensiya na, asawa ko. ‘Eto, galing sa puso ng isang asawa! Dahil nakikita ko bawat baba natin, nakikita ko ‘yung mga taong tinulungan mo,” umiiyak na niyang sabi.


Dagdag pa ng aktres ay nagugulat na lang daw siya kapag may lumalapit sa mister niyang mga tao na naiiyak dahil natulungan daw sila 10 or 15 years ago.


“Kaya ipaglalaban ko ang asawa ko!” sigaw pa niya.


Anyway, hindi na pala babalik si Ara sa FPJ’s Ang Probinsyano dahil pinatay na ang karakter niya. After the elections, ang pagtutuunan naman niya ng pansin ay ang pagkakaroon nila ng baby ni Dave.


Biro nga niya, naghahabol na rin siya sa oras dahil hindi na siya bumabata at malaki na rin naman ang panganay niyang si Amanda na anak niya sa dating karelasyong si Patrick Meneses.


 
 
RECOMMENDED
bottom of page