ni Vinia Vivar - @Frankly Speaking | October 03, 2021
Naglabas na ng official statement ang long-time manager ni Jennylyn Mercado na si Becky Aguila hinggil sa pinag-uusapang health condition ngayon ng Kapuso Ultimate Star.
Sa kanyang Facebook account kahapon ay ipinahayag ni Tita Becky na nasa maayos na kondisyon ang alaga.
“First of all, we would like to express our gratitude to everyone who showed their concern over our artist, Jennylyn Mercado. We would like to assure the public that she is in good condition and in good health.
“On behalf of Jennylyn, we would like to thank GMA Management, her Love. Die. Repeat. co-stars as well as the whole production group for their understanding and support. Thank you,” ang kabuuan ng statement.
Ini-repost din ni Jen ang statement na may caption na “Maraming salamat sa inyong lahat.”
Natuwa naman ang mga fans ni Jennylyn to know na in good health ang aktres at dalangin nila na magtuluy-tuloy ang magandang kalagayan nito.
Ilang araw na ngang usap-usapan ang tungkol sa health condition ni Jen na nagsimula nang mapabalitang na-pack-up ang taping ng Love. Die. Repeat na bago niyang serye sa GMA-7 with Xian Lim.
Reports had it na nagkaroon ng medical emergency si Jen habang nasa locked-in taping ng serye na kinailangan pa umanong sunduin ng ambulansiya.
Nagsimula na ring maglabasan ang mga sitsit na buntis siya na noong una ay blind item pa, hanggang sa napangalanan na siya.
Ang iba ngang netizens ay kino-congratulate na siya na parang sure na sure na sila na preggy si Jen sa first baby nila ng boyfriend na si Dennis Trillo.
In fairness, hindi pa man nga, eh, ang init na ng pagtanggap ng mga tao sa balitang preggy si Jen at happy sila for her and Dennis.
Of course if true, wala namang masama at good news pa nga ito kung tutuusin because sabi nga, a baby is always a blessing lalo pa nga’t matagal na rin ang relasyon nila ni Dennis at malalaki na ang kani-kanilang anak na sina Jazz and Calix.
