Tanggap na olats bilang senador, Kris… HERBERT, MASAYANG NAG-BIRTHDAY KASAMA SI RUFFA

ni Vinia Vivar - @Frankly Speaking | May 14, 2022

Kahit hindi pinalad si Herbert Bautista na makasama sa Magic 12 Senators sa katatapos lang na eleksiyon, masaya naman siyang nagdiwang ng kanyang kaarawan, last May 12. Nag-post ang rumored girlfriend ni Bistek na si Ruffa Gutierrez, last Thursday (May 12), na masaya silang nagkakantahan sa videoke. Tawanan sila nang tawanan habang kumakanta ng Maybe This Time na tila akmang-akma sa kanila.

Caption ni Ruffa, “Happyyyy birthday @herbertbistekbautista” at “Cheers to life @herbertbistekbautista.”

Binati rin ni Ruffa si Bistek that day sa It’s Showtime pati na ng kanyang mga co-hosts. Tinanong ni Vice Ganda si Ruffa kung ano ang ibibigay nitong regalo kay Bistek at sagot ng aktres, “I’ll give him cochonillo, umorder na ‘ko. Happy birthday, Bistek!”

As we write ay nasa 98% na ang turn-over ng votes at nasa No. 14 si Bistek sa Senatorial race.

Mukhang tanggap na rin niya na hindi na siya makakapasok sa Magic 12 dahil sa kanyang Instagram post ay nagpasalamat siya sa lahat ng sumuporta at bumoto sa kanya. Aniya ay ipagpapatuloy pa rin niya ang pagsisikap para sa magandang bukas.

“Maraming salamat sa inyong patuloy na nag-uumapaw na suporta, tiwala, pagmamahal at pakikiisa para sa mga adhikain at pangarap natin sa bansa.

“Hindi naging madali ang laban na ito ngunit dahil kasama ko kayo patungo sa magandang kinabukasan, nanatili akong matatag sa ngalan ng ating bayan.

“Asahan n'yo pong walang katapusan ang ating pagsisikap tungo sa mas mapayapa at maunlad na Pilipinas.

“Mabuhay ang Pilipinas! Mabuhay ang Pamilyang Pilipino! Mabuhay tayong lahat!” ang pahayag ni Bistek.

Todo-bati sa bagong pangulo… AI AI, EXCITED NA SA PAGBABALIK NI BBM SA M'CAÑANG

ni Vinia Vivar - @Frankly Speaking | May 11, 2022

Sa kampo naman ni BBM, isa sa mga nagpahatid ng pagbati ay ang supporter at inaanak niyang si Toni Gonzaga.

“President @bongbongmarcos, Congrats Ninong Bong. . .” ang post ni Toni sa kanyang IG Story.

Nagpahatid na rin ng pag-congratulate si Ai Ai delas Alas kay BBM at sa ka-tandem nitong si Davao Mayor Sara Duterte na nangunguna rin sa bilangan sa pagka-bise-presidente.

Sa kanyang post ay nanawagan si Ai Ai ng pagkakaisa at looking forward na siya sa muling pagbabalik ni BBM sa Malacañang.

“Tayo’y magkaisa,” ang saad ni Ai Ai sa kanyang art card na ipinost.

“Congratulations sa ating bagong bise-presidente ng Republika ng Pilipinas VP INDAY SARA DUTERTE (at salamat din po sa inyong ama na si PP RODRIGO ROA DUTERTE.. isa sa magagaling na presidente ng ating bansa. Salamat po sa mga nagawa n'yo para sa 'ming mga Pilipino, lalo na sa mga OFWs natin... ) at siyempre pa, ang bagong presidente ng Republika ng Pilipinas, MR. PRESIDENT FERDINAND "Bongbong" MARCOS, JR..

“Nararamdaman ko na ang pagpapatuloy ninyo ng isang bagong PILIPINAS. Makakatikim na ang ating kababayan ng mga naranasan namin noong bata pa ako… nutriban, klim, love bus, Masagana 99, Kadiwa (mga murang bilihin na pagkain), bliss (pabahay na disente) Folk Arts, PICC, film center, HEART CENTER, kung saan parating naoospital ang nanay ko at konti lang ang binabayaran namin, Lung Center, Kidney Center, Bataan Powerplant, mga disiplinadong Pilipino 'pag may curfew. 'Pag wala ka sa bahay ng 12 (midnight), 'pag nahuli ka ng Metrocom, dadalhin ka sa Camp Crame magbubunot ka ng damo, hehe). Party pa more! Sige, hehe.

“At sana ma-experience rin sa NCR ang windmill, Mr. President. At napakarami pa sana, pero hindi pa huli ang lahat, heto na ang umagang kay ganda,” pahayag ni Ai Ai.

'Di naman daw nakakalalaki… CHIZ, TANGGAP NA MAS MALAKI ANG KITA SA KANYA NI HEART

ni Vinia Vivar - @Frankly Speaking | May 10, 2022

Sa bagong episode ng Adulting with Chiz YouTube vlog ni Heart Evangelista kasama ang mister na si Chiz Escudero ay nagbahagi sila ng ilang personal na bagay about their relationship.

Isa nga sa mga sinagot nila ay kung binibigyan ba ni Chiz ng allowance si Heart kahit na nga ba kumikita ng sariling pera ang aktres.

“Yes,” ang sagot ni Chiz.

Agree naman si Heart at papuri pa niya, “Such a good husband.”

Hirit naman ni Chiz, “For basics, not for the luxuries.”

Sabi uli ni Heart, “I know, I know.”

Pero minsan ay nakakagastos pa rin daw siya ng higit sa allowance na ibinibigay ng mister.

“Yes, he does give me allowance naman. For essentials like food, especially because I travel with a lot of people, ganyan. Gas. Saka may konting leeway naman siya. Pang-Zara-Zara lang ba. So, happy tayo diyan,” sabi ni Heart.

Inamin din ni Chiz na mas malaki ang kinikita ng kanyang misis kaysa sa kanya and for him, hindi naman daw ito sampal sa isang lalaki.

“Hindi dapat pinepersonal na ‘yan ngayon. Pero noong sinaunang panahon siguro, parang ‘ika nga, nakakalalaki ‘yung babae, parang ganu’n. Noon, may ganu’n pa. Pero ngayon, wala nang ganu’n,” ani Chiz.

Nabanggit nga rin nila na wala silang joint account dahil may pre-nuptial agreement nga sila.

Pagdating naman sa paggastos na noon pa naman ay very vocal sila na si Heart talaga ang mas mahilig mag-shopping at gumastos nang malaki, aminado si Chiz na malaki na rin ang in-improve ng misis.

“Yes, you’ve improved but not yet there,” he said.

Katwiran naman ni Heart, “Because I’m still working. If I’m not working as much, then I’ll adjust my lifestyle.”