Haping-hapi na sa bago niya, Paolo… LJ, FEELING SOBRANG BLESSED SA AMAZING NA MISTER

ni Vinia Vivar @Frankly Speaking | Oct. 9, 2024

Photo: LJ Reyes - IG / NP

Matapos iwan ang showbiz at magpakasal sa kanyang non-showbiz husband na si Philip Evangelista sa US, masayang-masaya si LJ Reyes sa kanyang buhay ngayon.

Ibinahagi nga ng aktres sa kanyang latest Instagram (IG) post ang buhay niya ngayon kasama ang kanyang mister habang ipinagdiriwang nila ang kanilang unang wedding anniversary.

Kitang-kita naman talaga na super-happy siya ngayon at nagpapasalamat siya na natagpuan niya si Philip.

“If the past year is the glimpse of what forever looks like with you, it will be a blast!!! I definitely am so blessed that God had it planned for you to be the one I spend the rest of my life with! Thank you for everything! Thank you for the best life I can ever imagine! You are an amazing husband, father, son and friend! I will never get tired of celebrating our love every single day! I love you! Happy Anniversary!” ang caption ni LJ.

Matatandaang na-engaged si LJ Reyes kay Philip noong Mayo, 2023 at nagpakasal sila noong Oktubre ng parehong taon. 

Kasalukuyan silang naninirahan sa New York kasama ang dalawang anak ng dating aktres na sina Aki at Summer.

---

Inspirasyon daw sa lahat…

KC, TUWANG-TUWA NA BATI NA AT MAGSASAMA ULI SINA SHARON AT GABBY 

Inamin ni KC Concepcion na naging maganda ang epekto sa kanya nang makita niya ang pagbabati ng kanyang mga magulang na sina Gabby Concepcion at Sharon Cuneta sa Dear Heart (DH) concert noong nakaraang taon.

“Iba pa rin ang feeling ‘pag magkasundo ‘yung mga magulang mo, maganda ‘yung feeling for me. I love my mom and I love my dad. I love my family,” sey ni KC sa panayam ng ABS-CBN.

“It is a good example sa buhay ko. Itong parents ko na ‘di na nagsasama pero nakakagawa pa ng magandang bagay sa buhay nila,” dagdag pa niya.

Lalo pang nadagdagan ang happiness ni KC na magkakaroon pa ng tour sa US at Canada ang DH concert dahil ibig sabihin ay tuluy-tuloy pa rin ang pagsasama ng kanyang mga magulang kahit nga ba sa trabaho na lang.

“Napaka-happy ko na nagtatrabaho sila ulit together. Napakagandang feeling sa lahat. It talks about friendship, forgiveness, ‘di porke't naghiwalay, ibig sabihin kailangan ay magkaaway. It is an inspiration for all of us,” sey niya.

Samantala, sinabi rin ng dalaga na hindi niya iiwan ang showbiz at aniya, ang pagiging artista raw ay laging nasa puso niya.

“Ayokong iwan buhay-artista. Siyempre, mga fans, they are always there,” aniya.

“It is always in my heart. Artista for life. For now, online talaga ‘yung world ko. ‘Yung vlog ko, ‘yung YouTube (YT) ko, The KC Diaries. I have been working on my online businesses and I am working on two new things. I am really excited,” pahayag ni KC Concepcion.

Sabay irap at talikod daw ng anak ni Benjie… LOLIT, PINRANGKA NI KOBE NA ‘WAG BASTUSIN ANG GF NIYANG SI KYLINE

ni Vinia Vivar @Frankly Speaking | Oct. 8, 2024

Naloka ang veteran talent manager/entertainment columnist na si Lolit Solis sa sinabi at ginawa sa kanya ni Kobe Paras nang magkita sila kamakailan.

Kuwento ni ‘Nay Lolit sa kanyang Instagram (IG) account, sinabihan daw siya ni Kobe na huwag bastusin ang girlfriend niyang si Kyline Alcantara. Pagkatapos daw sabihin ito ay inirapan siya at tinalikuran.

“Salve, ‘wag mo nang itanong kung ano sinabi ni Kobe Paras tungkol kay Kyline Alcantara. Naloka talaga ako nang sagutin n’ya ako ng ‘Please, walang bastusan. Kyline is my girlfriend’ sabay talikod at irap sa ‘kin,” tsika ng talent manager.

Natawa na lang daw siya dahil proud na proud si Kobe kay Kyline.

“Talagang laugh ako dahil para bang sobra sa pagmamalaki si Kobe na girlfriend niya si Kyline. Sobrang lucky ni Kyline dahil proud na proud si Kobe Paras sa kanya, talagang para bang precious trophy na dapat ipagmalaki sa lahat,” aniya.

Kung bakit siya tinarayan nang ganito ni Kobe, ani ‘Nay Lolit ay dahil sa nasabi niya na level ni Sharon Cuneta or Kris Aquino ang bagay sa basketbolista.

“Na-okray tuloy ako ni Kobe nang sabihin ko na mas bagay sa kanya kung level Sharon Cuneta o Kris Aquino. At talagang ‘di s’ya nag-goodbye sa ‘kin, snob ako totally. Hahaha! Laugh na lang kami ni Benjie Paras, kaya nalimutan ko tuloy itanong bakit sila nandu’n,” kuwento ni ‘Nay Lolit.

Pero pinuri rin naman niya ang bunsong anak nina Benjie Paras at Jackie Forster sa pagiging prangka nito. 

“Gusto ko ‘yung ugali ni Kobe na very transparent sa feeling n’ya. Ipinakikita n’ya kung ano ang nararamdaman n’ya. Hahaha! Hitsurang ma-snob niya mga tao na feeling n’ya hindi n’ya kakampi,” aniya.

Ang nakakaaliw, nagbago na ang pananaw ni ‘Nay Lolit dahil bagay na raw sina Kobe at Kyline.

“But not for anything, bagay sila Kobe Paras at Kyline Alcantara. Sana nga magtagal at mag-ending sa altar ang relasyon nila. Kahit hindi nila ako invite, Hahaha! ‘Kaloka talaga (laughing emoji),” pagtatapos ni ‘Nay Lolit Solis.

Hahaha!

Sumakay sa super-bonggang Tesla Cybertruck… VICE, KA-LEVEL NA NINA KIM KARDASHIAN, LADY GAGA, ETC.

ni Vinia Vivar @Frankly Speaking | Oct. 7, 2024

Viral ngayon sa socmed (social media) at iba pang online sites ang bagong multi-million peso worth na sasakyan na pag-aari umano ni Vice Ganda.

Isang video ang nag-leak na kuha ng isang netizen at makikita rito na sumasakay si Vice Ganda sa futuristic luxury vehicle na Tesla Cybertruck. 

Sa video ay mapapanood din na napa-wow ang mga kasama niya habang sumasakay si Vice sa bagong bonggang sasakyan.

“Bye, guys,” sey ni Vice na kumakaway pa habang nasa sasakyan.

Sabi naman ng isang girl sa background, “Grabe! Ang yaman-yaman naman! Saan ba nakakabili n’yan?”

Ipinost din ng Kapamilya Online World sa Facebook (FB) ang mga larawan ni Vice Ganda and her new luxury vehicle na nagkakahalaga raw ng P17 M!

Super-bongga naman talaga ng hitsura ng sasakyan at para kang nasa ibang dimensiyon kapag nakasakay ka rito. 

Ayon nga sa tsika, if ever ay si Vice pa lang ang kauna-unahang mayroon nito sa Pilipinas.

Sa ibang bansa naman, ang mga celebrities na napabalitang may Cybertrucks ay sina Kim Kardashian, Lady Gaga, Justin Bieber, singer na si Pharrell Williams at tennis superstar Serena Williams.

Sa kasalukuyan ay wala namang kumpirmasyon si Vice na bumili nga siya ng Tesla Cybertruck pero pinagpipistahan na ito ngayon sa online world at naniniwala ang marami na kanya talaga ito.

---

SUPORTADO ni Marian Rivera ang fan-girling moment ng panganay na anak nila ni Dingdong Dantes na si Zia.

Big fan pala si Zia ni Olivia Rodrigo na as we all know ay katatapos lang ng concert sa Philippine Arena last Saturday (October 5) bilang bahagi ng Guts World Tour nito.

At siyempre, hindi pinalampas ni Zia ang concert at sinamahan pa siya ng inang si Marian.

Makikita nga sa Instagram (IG) account ni Yan ang short video kung saan ay kitang-kita ang happiness ni Zia habang pinapanood ang performance ng kanyang idolo.

At ang pinakabonggang pangyayari ay nang mapansin mismo ni Olivia si Zia na nakatayo sa kanyang seat at pagkatapos ay nag-“Hi!” siya sa bagets.

Priceless ang reaction ni Zia sa pagbati sa kanya ni Olivia. Masayang sabi niya sa ina, “Mommy, she said ‘Hi!’ to me.”

Caption ni Marian sa video, “Kung saan ka masaya, Anak. Nandito lang kami para suportahan ka! We love you! @oliviarodrigo Salamat pinasaya mo si Ate Zia (love emoji).”

Pati nga ang mga netizens ay masaya rin for Zia at pinuri rin nila ang pagiging supportive mom ni Marian sa fangirling moment ng anak.

“Zia looked so happy while watching the concert of Olivia Rodrigo. Zia is sooooo blessed to have very supportive parents (triple hearts),” sey ng isang netizen.

“The joy of Ate Zia’s face is so precious,” sey naman ng isa pa.