Career at endorsements, tinamaan… SORRY NI ANTHONY SA CHEATING SCANDAL NILA NI MARIS, 'DI SAPAT

ni Vinia Vivar @Frankly Speaking | Dec. 8, 2024

Photo: Anthony Jennings sa interview - ABS CBN YT

Ang tindi ng epekto ngayon sa career nina Maris Racal at Anthony Jennings ng “cheating controversy” na kinasasangkutan nila. 

Bagama’t nag-sorry na nga sila pareho sa publiko at sa mga taong nasaktan nila, katakut-takot na backlash pa rin ang kanilang inaabot. Siyempre, hindi naman natin masisisi ang mga netizens na galit sa mga cheaters (sino ba naman ang hindi?).

Ilang endorsements na ang bumitaw sa MaThon dahil dito at hindi natin alam kung kailan ba huhupa ang malaking impact na ginawa ng kontrobersiyang ito sa kanilang career na papaakyat na nga sana.

Ang tanong nga ngayon ng marami, makakabangon pa ba sina Maris at Anthony mula sa matinding iskandalong ito? Anu-ano ba ang dapat nilang gawin para maka-recover?

Saan na ba papunta ang kanilang future ngayon?

Sa opinyon namin, with the right approach, makakabangon pa naman sila especially si Maris na matagal-tagal na rin sa industriya at napatunayan na rin ang kanyang talento.

Many celebrities have successfully bounced back from controversies after addressing the issue transparently, showing accountability and focusing on their craft. Maris has already taken the first step by apologizing and owning up to her mistake at malaking bagay ‘yun para ma-rebuild ang trust sa kanya ng mga tao.

Pero depende pa rin sa mga next actions niya, siyempre. She should avoid further controversies at kailangang makitaan din siya ng personal growth. Kailangan ding patuloy siyang makitaan ng high-quality performance in her acting and music career.

Scandals sometimes lead to reinvention and Maris could use this as a chance to rebrand her image, focusing on authenticity ang growth to rebuild her reputation.

Maris has a loyal fan base, at puwedeng ma-overshadow ng kanyang talent ang kontrobersiyang kinasangkutan.

As for Anthony Jennings, he should also come clean first. Hindi sapat ang pagso-sorry lang. He should address the controversy transparently. It might help na mabawasan ang backlash kung hindi man matitigil.

Puwede rin siyang mag-focus sa mga roles that will help rebuild his image, such as playing relatable or redemptive characters. At siguro, huwag muna siyang makipag-love team for now.

Makakatulong din ang suporta ng kanyang mga fans at management. Kung makikita ng industriya na may market pa rin siya, kukunin at kukunin pa rin siya.

And lastly, scandals often fade with time, especially kung ang artista ay makikitaan ng growth, maturity, professionalism, high-quality works and resilience.

---

IBINIDA ni Matteo Guidicelli na full support naman daw ang misis niyang si Sarah Geronimo sa pag-aaral niya sa Harvard Business School sa Boston kamakailan.

“She’s full support so I’m so happy. I can’t believe this is happening. A dream came true, actually to be in the Harvard area, not in my wildest dreams. I guess, we’re here,” saad ni Matteo sa kanyang latest vlog kung saan ay idinokumento niya ang kanyang journey sa Harvard wherein he took up a business program course.

“It’s my second time in Boston. The last time I was here was maybe more than 10 years ago, so it’s very, very new to me,” aniya.

Isa nga sa mga ikina-excite niya sa pag-aaral ay ang makasalamuha ang iba’t ibang nationalities around the world.

“Being part of a diverse group of 88 participants from 31 nationalities and 27 industries was both inspiring and eye-opening. Engaging with such accomplished peers and working through case studies with renowned professors and authors like Max Bazerman, Deepak Malhotra, and Guhan Subramanian was invaluable,” pagbabahagi niya.

Para sa aktor, isang unforgettable experience ang naging journey niya sa Harvard.

“This place has been very, very beautiful. Connections we made, professors we've listened to and learned from, amazing. Really top-notch and I really appreciated everything—the learning experience, the camaraderie we built with all the classmates, the beautiful Boston... 

“I wish to come back in the future and I highly recommend this to everybody out there. They have different courses, so many courses to choose from and it's really good,” pagmamalaki ni Matteo Guidicelli.

Gaganap na bagong Elsa sa movie… AICELLE, NEVER MAKAKALIMUTAN NA NIYAKAP NI NORA

ni Vinia Vivar @Frankly Speaking | Dec. 7, 2024

Photo: Aicelle Santos - Instagram

Hindi na makakalimutan ni Aicelle Santos ang experience niya sa kaisa-isang Superstar at National Artist na si Nora Aunor nang manood ito ng Isang Himala: The Musical noong taong 2018-2019.

“Yes po, nanood si Miss Nora Aunor sa ‘min, at naalala kong niyakap n’ya kami, nangingilid ang kanyang luha,” sabi ni Aicelle sa grand media launch ng Isang Himala (IH) held last Wednesday. 

“At may litrato ako, may ebidensiya, na magkahawak kami ng kamay, na kilig na kilig po ako. Ang naalala ko pa na sinabi n’ya, na nanumbalik lahat sa kanya nu’ng kanilang ginawa ang Himala,’” dagdag pa ng singer.

Ang IH ay isang musical play in 2018 na hango sa 1982 iconic film ni Ate Guy na Himala. Si Aicelle ang gumanap ng iconic role na Elsa. 

Ngayon ay isang pelikula na ang Isang Himala at isa sa official entries sa 50th Metro Manila Film Festival (MMFF).

Siyempre, hindi maiwasang magkaroon ng comparison sa pagganap ni Aicelle bilang Elsa sa iconic performance ni Ate Guy noon.

“Kung iisipin ko kung paano ba ipinerform ni Miss Nora ang role, tapos ikukumpara ko kung paano ko rin ba gagawin, kung gagayahin ko ba s’ya o iibahin? 

“Sa tingin ko po, hindi maganda, as an actor, na ‘yun ang pagbasehan ko - kung ano ang ginawa ng nauna sa ‘yo. Kaya lagi kong sinasabi na balikan ang script, balikan ang karakter, balikan ang mga kaeksena mo dahil ‘yun ang bubuo ng kuwento,” pahayag ni Aicelle.

“Doon mas makikita ng viewers kung sino ba talaga si Elsa, kung ano ang kaibahan sa musical noon at dito sa pelikula. Noong musical kasi, wala kaming mga lapel, at boom mic lang,” dagdag pa niya.

Sa naturang presscon ay inanunsiyo nga rin ng National Artist for Film and Broadcast Arts na si Ricky Lee na may espesyal na partisipasyon sa IH ang Superstar. Pero hindi na siya nagdetalye at panoorin na lang daw.

Matatandaang si Ricky ang orihinal na nagsulat ng script ng Himala at siya rin ang writer ng Isang Himala.

Directed by MMFF 2023 Best Director Pepe Diokno, kasama rin sa MMFF film sina Bituin Escalante, Kakki Teodoro, and David Ezra among others. Ipapalabas na ito ngayong December 25.

---

Nawalan ng projects after magreklamo ng rape…

SANDRO, GAME NANG UMARTE ULI

Sandro Muhlach - Instagram

Natutuwa naman si Niño Muhlach at medyo bumubuti na ang kondisyon ng anak niyang si Sandro Muhlach matapos magkaroon ng trauma dahil sa masakit na karanasan ng pang-aabuso.

“Up to now, he’s still going through therapy pero mabuti nga ngayon, nakakalabas na s’ya, nakakanood ng sine, nakaka-concert. Dahil na rin sa suporta ng girlfriend n’ya,” pagbibigay ng update ni Niño tungkol sa anak sa kanyang latest interview sa Fast Talk with Boy Abunda (FTWBA).

“Pero nu’ng una talaga, Tito Boy, alam mo ‘yun, mainitin ‘yung ulo n’ya, nakasarado lahat ng bintana sa kuwarto n’ya,” dagdag ng dating Child Wonder.

Hangga’t maaari rin daw ay hindi na nila pinag-uusapan ang nangyari dahil ayaw na ring balikan ni Sandro ang moment na ‘yun.

“Even ‘yung ‘pag pinag-uusapan namin ‘yung kaso with the lawyers, naaapektuhan pa rin s’ya, eh,” aniya.

Matatandaan ngang nitong nakaraang Oktubre ay sinampahan ng Department of Justice (DOJ) ang dalawang GMA independent contractors na sina Jojo Nones and Richard Cruz ng mga kasong rape through sexual assault at acts of lasciviousness dahil

sa umano’y pagsasamantalang ginawa ng mga ito kay Sandro.

Tinanong ni King of Talk Boy Abunda si Niño kung handa na ba siyang magpatawad at sagot ng aktor, kailangan pa ring pagbayaran ang ginawa ng dalawang akusado sa kanyang anak.

“Puwede namang magpatawad, madali ‘yun, eh. Pero kailangan nilang pagbayaran ang ginawa nila sa batas. Puwede namang nakakulong sila pero pinatawad ko sila, eh, ‘di ba?” aniya.

Sa ngayon daw ay naka-break sa showbiz si Sandro dahil nga sa nangyari at walang ginagawang proyekto. Pero nais na rin daw nitong bumalik sa pag-arte.

“Nagsabi s’ya sa ‘kin na, ‘Papa, parang gusto ko nang bumalik ulit,’ kasi nga ang tagal na n’yang nakatengga,” sey ni Niño Muhlach.

Ex, todo-deny noon sa dahilan ng hiwalayan nila… RICO, DEDMA HABANG DINUDUROG SINA MARIS AT ANTHONY SA NABULGAR NA RELASYON

ni Vinia Vivar @Frankly Speaking | Dec. 6, 2024

Photo: Rico Blanco, Maris Racal at Anthony Jennings - Instagram

Buhat nang lumabas ang pasabog ng ex-girlfriend ni Anthony Jennings na si Jam Villanueva, inaantay naman ngayon ang reaksiyon at pahayag ng ex-boyfriend ni Maris Racal na si Rico Blanco.

Ang daming netizens na nakatambay ngayon sa Instagram (IG) account ng OPM singer/composer at tinitingnan ang kanyang mga bagong post. Marami ring nag-iiwan ng message of support sa kanyang IG posts.

Matatandaan ngang inilabas ni Jam last Wesnesday ang mga screenshots ng

conversation nina Maris at Anthony na talaga namang ikina-shocked ng buong bayan at naging trending topics sa mga social media platforms. 

Hindi lang ang MaThon at si Jam ang nag-trending kundi maging si Rico kahit wala naman siyang kinalaman sa issue maliban nga sa ex-BF siya ni Maris. 

Pero NR (no reactions) naman si Rico hanggang ngayon sa issue at makikita nga sa kanyang mga posts na abala siya sa kanyang mga gigs.

“Some snaps from the last 10 days. Thank you Alaminos, Cainta, Bulacan, Manila. Up next @howlersmanila. See you on Saturday,” caption ng singer sa IG.

Sa comment section ay mababasa naman ang suporta at pagmamahal ng mga netizens sa kanya. Narito ang ilan sa mga nabasa namin:

“ILOVEYOU RICO!!!! HINDI MO DESERVE LOKOHIN NG HITO NA ‘YUN (crying face emojis).

“God saved you from the wrong person.”

“A true gentleman chooses silence and peace over chaos, not because he feels less, but because he values his dignity more than his heartache. You’re indeed a dying breed @ricoblanco100 Moving on is not about forgetting; it’s about freeing yourself.”

“Dodged a bullet right there. We love you, Rico!”

“You’re such a gentleman (clapping hands emoji), you never said anything to ruin her or her career. But karma was so fast!”

Magugunitang last July nang kumpirmahin ni Maris na hiwalay na sila ni Rico at sinabing walang third party involved sa kanilang breakup. Nilinaw din niyang walang kinalaman si Anthony sa kanilang split-up.

---

Buwis-buhay, tumalon, lumambitin… 

JULIA, BAGONG ACTION QUEEN

Bilang producer, sobrang proud si Sylvia Sanchez of Nathan Studios sa husay na ipinakita ni Julia Montes sa action-packed thriller film na Topakk, isa sa official entries sa 50th Metro Manila Film Festival (MMFF) which also stars Arjo Atayde.

“Honestly, mayroong nakita ang Nathan Studios na bagong action queen. Mark my word, si Julia, isang movie pa, ‘yan na ang magiging bagong action queen,” deklara ni Ibyang nang makatsikahan namin sa mediacon ng Topakk last Wednesday.

Makikita naman daw sa pelikula ang mga ginawa ni Julia na buwis-buhay talaga. At ayaw nga raw magpa-double ng aktres.

“Makikita n’yo du’n, may isang eksena na talagang tumalon s’ya, s’ya talaga ‘yun, na nakabitin s’ya, s’ya talaga ‘yun,” aniya pa.

Inanunsiyo nga rin ni Ibyang na ngayon pa lang ay may follow-up movie na ang Nathan Studios for Julia.

“Basta mark my word, next year si Julia ang bagong action star at gagawin namin, mayroon na kaming follow-up for Julia,” sabi ni Ibyang.      Flattered naman si Julia sa sinabi ng kanyang producer.

“Ang sarap sa pakiramdam. Sinasabi ko nga kay Tita (Sylvia) na sobrang sarap sa pakiramdam na may naniniwala sa ‘yo. So, this time, kung sinusugalan ako ni Tita, siyempre, susugalan ko kung ano ‘yung pinaniniwalaan sa ‘kin, so ie-embrace ko ‘tong action na ‘to,” pahayag ni Julia.

Excited na rin si Ibyang sa float ng Topakk sa MMFF Parade of Stars.

“May kakaiba. Kakaiba ‘yung float. May topak din ang float,” natatawa niyang sabi.

Natanong nga namin si Ibyang kung ano ang kanyang topak at aniya, “‘Pag nagutom. Tinotopak talaga ako ‘pag nagutom.”

Ano naman ang topak ni Arjo?

“Alam mo, honestly, hindi dahil anak ko ‘yan, hindi ko nakikitang nagalit ‘yan. Sa buong buhay n’ya, nakita ko lang s’ya, twice nagalit,” sagot ng actress-producer.

Ano naman ang topak ng manugang niyang si Maine Mendoza?

“Hindi ko alam, tanungin natin si Maine. Baka magkamali ako ng sagot,” natatawa niyang sabi.

“Basta I love Maine, mabait s’ya. Nami-misinterpret s’ya. I love my daughter-in-law, mabait s’ya,” dagdag pa niya.

Samantala, Topakk is an action-packed thriller showing on December 25, 2024. Ito ay mula sa direksiyon ni Richard Somes.

The ensemble cast also include Sid Lucero, Enchong Dee, Kokoy de Santos, Levy Ignacio, Bernard Palanca, Paolo Paraiso, Vin Abrenica, Cholo Barretto, Julio De Leon, Ivan Carapiet, Jeffrey Tam, Gerard Acao, Michael Roy, Maureen Mauricio, Elora Espano, Claire Ruiz, Anne Feo, Bong Cabrera, Manu Respall, Rosh Barman, Victor Medina, Ivan Rivera, Ian Lee, Nico Dans, Yian Gabriel, Raquel Pareno, Precious Laingo, Kayley Carrigan, and Geli Bulaong.

Ipinalabas na ang Topakk sa Cannes, Italy, Locarno, Switzerland at Austin, Texas kung saan ay umani ito nang katakut-takot na papuri.