Friend daw ng KOJC founder… SEN. ROBIN, NAPIPISIL GUMANAP NA QUIBOLOY

ni Vinia Vivar @Frankly Speaking | Oct. 2, 2024

Marami palang producers na nagkakainteres na isapelikula ang makulay na buhay ni Pastor Apollo Quiboloy at open naman daw ang leader ng Kingdom of Jesus Christ (KOJC) hinggil sa bagay na ito.

Nakatsikahan nga namin ang isa sa mga kaibigan ni Pastor Quiboloy na si Atty. Mark Tolentino, ang Anti-Fake News Task Force National President ng Kapisanan ng Social Media Broadcasters ng Pilipinas, Inc. (KSMBPI). 

Kasabay nito ang announcement ng KSMBPI sa pamamagitan ng founder at chairman nitong si Dr. Mike Aragon tungkol sa pagsisimula ng shooting ng kanilang first ever advocacy series na WPS o West Philippine Sea.

Sa tsikahan with Atty. Tolentino ay naitanong nga sa kanya ang tungkol sa pagsasapelikula ng buhay ni Pastor Quiboloy since madalas niya itong nakakausap. Aniya ay kasalukuyan pang pinag-aaralan ng sumukong pastor ang tungkol sa proyekto pati na rin ang mga artistang napipisil na gumanap dito.

Ayon kay Atty. Tolentino, may 10 pangalan daw na ibinigay kay Quiboloy na puwede niyang pagpilian para gumanap sa kanyang biopic.

Kabilang na nga raw diyan ang mga veteran actors na sina Roi Vinzon, Rey “PJ” Abellana at ang malapit na kaibigan ni Quiboloy na si Sen. Robin Padilla.

Samantala, kahapon (October 1) ay nagsimula na ngang gumiling ang camera para sa WPS digital series na pinagbibidahan nina Aljur Abrenica, AJ Raval, Jeric Raval, Ayanna Misola at magkapatid na Rannie and Lance Raymundo.

Kuwento ni Lance, magsu-shoot daw sila sa Intramuros, Manila at naka-lock-in daw sila for 6 days.

First time lang, super proud… MAYMAY, FEELING PRINSESA SA PAGRAMPA SA PARIS FASHION WEEK

ni Vinia Vivar @Frankly Speaking | Oct. 1, 2024

Masayang-masaya si Maymay Entrata sa kanyang debut appearance sa Paris Fashion Week (PFW). Ibinahagi ng Kapamilya singer/actress sa kanyang social media ang mga larawan niya habang rumarampa sa runway suot ang bonggang creations ng mga designers na sina Leo Almodal (from the Philippines) and Phan Huy (from Vietnam).

Sa isang reel na kanyang ipinost, Maymay slayed the runway in her fabulous gown by Almodal. “Thank you po @leoalmodal for your creations that made me feel like a princess,” caption ni Maymay.

Ipinost din niya ang reel kung saan ay makikitang suot naman niya ang design ni Phan Huy na talaga namang super-bongga rin at bagay na bagay sa kanya.

“This is my 1st look by @phanhuy.official @stevendoanstyle (sparkling emoji) And my first runway in Paris Fashion Week, I will for sure treasure this talaga. Thank you so much for having me po,” caption naman ng Kapamilya artist.

Bukod nga sa pagrampa sa runway, Maymay also performed her hit song Amakabogera at the fashion show kaya naman winner na winner ang beauty niya.

---

Tuluy-tuloy pa rin ang political career ni Sen. Lito Lapid dahil tatakbo pala ulit siyang senador sa 2025 elections.

Kamakailan nga ay inendorso na siya ni Pangulong Bongbong Marcos, Jr. (BBM) bilang opisyal na kandidato ng Alyansa para sa Bagong Pilipinas.

Hindi pa rin nawawala ang pangalan ni Sen. Lapid sa Top 12 senatorial candidates simula nga nang mapanood siya noon sa FPJ’s Probinsyano ni Coco Martin at ngayon naman ay sa FPJ’s Batang Quiapo (BQ).

Mukhang mas nadagdagan pa nga ang kasikatan niya ngayon dahil sa pagkaka-link niya kay Lorna Tolentino na kapareha niya sa BQ.

Matatandaang ibinuking ni Lolit Solis na nililigawan ni Sen. Lito si Lorna at nang minsang matanong nga ang action star tungkol dito ay tinawanan lang niya’t sinabing magkatrabaho lang sila ng aktres.

In his past interviews ay paulit-ulit na nagpapasalamat si Sen. Lito kay Coco dahil because of FPJ's Ang Probinsyano ay muling naging household name ang kanyang pangalan dahilan para manalo siyang senador.

Atleta, inimbitahan sa show, 'di umubra… BOY, UMAMIN KUNG BAKIT AYAW MAKISAWSAW SA AWAY NI CARLOS AT NG PAMILYA

ni Vinia Vivar @Frankly Speaking | September 29, 2024

May sagot si King of Talk Boy Abunda sa mga nagtatanong kung bakit hanggang ngayon ay hindi pa niya nakakapanayam ang 2-time Olympic gold medalist.

Halos lahat nga naman ng talk show host ay nagkakandarapa na mai-guest si Carlos sa kanilang programa, at si Tito Boy na lang yata ang hindi pa nakakainterbyu rito.

Sa isang panayam ng GMA kamakailan, ayon kay Tito Boy ay sinubukan ng kanyang team na imbitahan si Carlos para makapanayam sa Fast Talk pero hindi ito nangyari dahil sa conflict sa schedule.

Kaya naman, ayaw daw munang pilitin pa ng TV host na himayin or iprisinta ang mga kontrobersiyang kinasasangkutan ni Carlos.

“Napakahirap kasi kulang ako sa detalye. What we know is what we read, how much of that is really real? May mga reaksiyon tayo kasi nababantayan ko rin like all of you. 

“Napapanood ko rin, lalo na ‘yung umpisa, nag-post ang nanay ng ‘Mabuhay ang Japan,’ sumagot ang anak with Chloe in bed, lahat ‘yan nakita ko. ‘Yung mga sagutan, ‘di ko na alam kung ano ‘yung totoo at kung ano ‘yung hindi. 

“Sa parada, nandu’n ang tatay hanggang nag-change of heart na ang father, nag-iba na ang tono. So, katulad ng marami, I wanna know the truth, ‘di ba? It’s so hard to judge kasi limitado ‘yung aking facts,” paliwanag ni Tito Boy.

Hindi rin daw totoo na baka maging biased siya sa issue ni Carlos at ng ina nito since maka-nanay siya.

“Some people would say, ‘Boy is not interested because maka-nanay.’ Hindi naman, that’s not fair.

“Maka-nanay naman talaga ako at naniniwala naman talaga ako. Napakapersonal nu’n, at sasabihin ko na, ‘Walang gagawin ang nanay ko na hindi ko mapapatawad.’ But that's me, I will not impose that on anyone.

“Do I know the story of Carlos and the mom? I don’t. ‘Yung dynamics nila, bakit ganu’n, even the brother and sister, iba ‘yung pag-uusap nila,” sey ni Tito Boy Abunda.

---

'Di ginagawa ng ex-GF mo, Daniel… 

KATHRYN, NAPASAYAW NI ALDEN NG MAYBE THIS TIME 

Screenshot from video: Alden Richards at Kathryn Bernardo - KathDen - TikTok

VIRAL ngayon ang TikTok video nina Alden Richards at Kathryn Bernardo na sinasayaw ang Maybe This Time dance trend.

Si Alden mismo ang nag-post ng video sa kanyang TikTok account at caption niya: “Maybe this time, we’ll make that future happen. #HelloLoveAgain.”

As expected, bentang-benta ang video sa mga netizens at kaagad na nag-viral. In less than 24 hours ay nasa 4 million na nga agad ang views nito.

Kahit sa maikling video na ‘yun ay lutang na lutang pa rin ang chemistry ng KathDen at ang dami ring kinilig sa caption ng aktor.

Nagulat din ang mga fans ni Kathryn na nagawa ni Alden na pasayawin ang aktres. 

“‘Di pa rin ako makapaniwala, napasayaw n’ya si Kathryn ng Maybe This Time trend (crying and hands-up emoji),” sey ng isang fan.

“This side of Kathryn is new to me, I feel like she’s been hiding it for so many years (heart emoji),” komento naman ng isa pa.

“Eh, ‘yung dati, ‘di ‘to nagagawa ni Kath, pero ngayon, may kasabay na s’ya sumayaw, cute! Mas lumalabas kulit n’ya (laughing emoji),” sey pa ng isang netizen.