Happy pa raw… BARBIE IMPERIAL, IDINAWIT DIN SA HIWALAYANG JAK-BARBIE

ni Vinia Vivar @Frankly Speaking | Jan. 5, 2025

Photo: Barbie Imperial, Barbie Forteza at Jak Roberto

Nadamay na rin ang nananahimik na si Barbie Imperial sa breakup nina Barbie Forteza at Jak Roberto.

Sa Facebook post ni Barbie ay binulabog siya ng mga netizens tungkol sa hiwalayang JakBie at pinagkamalan siyang si Barbie.

Sey ng isang netizen, “HIWALAY NA PALA KAYO NI JAK PERO MASAYA KA PA.”

Nag-react naman dito si Barbie. Sagot niya, “???”

Komento pa ng isa, “Literal na glow up after break up, anw (anyway), cheer up po.”

Ang isa naman ay pinayuhan pa si Imperial na maging matatag.

“Stay strong, Ate Barbie, I know you have loved Jak so much, praying for your healing and I hope you are able to cope with this challenge that you two are facing right now.”

Sey naman ng isa pang netizen, “No more JAKBIE. Praying for your healing.” 

Hindi na nag-react si Barbie Imperial sa iba pang mga komento.

Matatandaang last January 2 (Thursday) ay ginulat ni Barbie Forteza ang lahat nang ianunsiyo niya sa kanyang Instagram (IG) ang hiwalayan nila ni Jak Roberto.

“Having you in my life was the happiest I had ever been. Seven wonderful years. A lot of laughs, a lot of ramen and so much love.

“Your love was exceptional. 

“But sometimes, good things fall apart so better things can come together. Beautiful goodbye, @jakroberto,” pahayag ni Barbie Forteza.

Sa ngayon ay hindi pa nagre-release si Jak Roberto ng statement tungkol sa hiwalayan.

---

Matapos kumalat ang hiwalayang JakBie…

“CHILL LANG” — DAVID

David Licauco - Instagram

PINAGPIPIYESTAHAN naman ngayon ng mga netizens at fans nina Barbie Forteza at David Licauco ang post ng aktor nu’ng January 3.

Nag-upload si David ng solo picture niya sa kanyang Instagram at Facebook accounts at sey niya sa caption, “Chill lang.”

Sari-sari ang reaksiyon ng mga netizens sa post niyang ito, lalo pa nga’t hindi maiwasang madamay siya sa breakup ng JakBie.

Maraming nag-comment sa post pero isa lang ang sinagot ni David.

Isang netizen ang nagkomento ng “Basta David, ha, sinasabi ko sa ‘yo, tandaan mo, ‘yung 3 month rule bago mo ligawan (laughing emoji).”

Sinagot ito ni David ng grinning face with sweat emoji.

Kung ano ang ibig sabihin ng aktor sa reaksiyon niya ay siya lang ang nakakaalam pero natawa naman ang mga netizens lalo na nga ang mga BarDa fans.

---

VERY successful ang pasabog na pagsalubong ng GMA Network sa Bagong Taon via the Kapuso Countdown to 2025: Isa Sa Puso. 

Tinatayang nasa 250K ang pisikal na nakisaya sa SM Mall of Asia (MOA) para sa taunang countdown kasama ang mga Kapuso artists tulad na lang nina Ruru Madrid, Bianca Umali, Kyline Alcantara, Julie Anne San Jose, Rayver Cruz, Christian Bautista at Ai Ai Delas Alas. 

Join din sa Kapuso countdown ang mga P-Pop stars na SB19, 1621 BC, at Kaia. 

Ipinasilip na rin ang mga bonggang upcoming shows na dapat abangan sa GMA ngayong taon, kasabay ng 75th anniversary celebration nito. 

Patok din ang Kapuso Countdown to 2025 online at umabot pa nga sa 2 million total views ang online streaming ng event from different platforms and pages ng GMA. 

After i-unfollow ang stepdad na si Kiko… KC, UMAMING BATI NA SILA NI SHARON NU'NG PASKO

ni Vinia Vivar @Frankly Speaking | Dec. 27, 2024

Photo: Sharon Cuneta at KC Concepcion - FB

Bati na ang mag-inang Sharon Cuneta at KC Concepcion. Ito ang ibinahagi ni KC sa kanyang Instagram (IG) account sa araw ng Kapaskuhan.

Ayon sa anak nina Sharon at Gabby Concepcion, nagkausap daw sila ng kanyang ina. Kung ano ang kanilang pinag-usapan ay hindi na niya sinabi pa.

“Maligayang Pasko at Manigong Bagong Taon! (star at Christmas tree emoji).

“Christmas will always be about love, laughter, and time with family for me… ending the year right with a conversation between Mama and I  (heart emoji). She always makes the holidays extra magical and special (loved emoji),” pahayag ni KC.

Sinabi rin ng dalaga ang kanyang willingness para maayos ang lahat sa pagitan nila ng kanyang pamilya, lalung-lalo na nga sa kanila ng kanyang ina.

“For this year’s Christmas season, I’m taking my quiet space to pray, reflect, recharge, reset, and look forward to the blessing. I know God has in store for me (and my family)! I know, nand’yan lang si God para sa ‘min and magiging ok ang lahat. Especially between my mama and me,” aniya.

“Grateful for the love and joy I have in my life everyday! From my little pack to yours, I hope your holidays are filled with warmth, laughter, endless cuddles, and love. Cheers to a fresh start for the New Year ahead, God bless us all!” pagtatapos niya.

Matatandaang last year nagsimula ang problema sa pagitan ni KC at ng kanyang pamilya nang i-unfollow niya ang stepdad niyang si Atty. Kiko Pangilinan at stepsister na si Frankie.

Kasunod nito ay nagkaroon na rin ng balitang hindi rin maganda ang relasyon nila ni Sharon Cuneta at inamin naman ito ni Megastar sa kanyang mga panayam.

---

NANGANGAMOY Best Actress si Star for All Seasons Vilma Santos sa kanyang entry this year for the 50th Metro Manila Film Festival (MMFF), ang Uninvited ng Mentorque Productions and Project 8 Projects directed by Dan Villegas.

Napanood namin ang pelikula sa special screening held last Wednesday and we’d say, napakalaki ng posibilidad na maka-back-to-back ng Best Actress award si Ate Vi. 

Matatandaang last year ay siya ang nagwagi for the said award at the MMFF Awards Night para sa pelikulang When I Met You in Tokyo (WIMYIT).

Muli ay ipinakita ng Star for All Seasons na wala pa rin siyang kupas pagdating sa kahusayan sa pag-arte. Ang galing-galing niya sa breakdown scene niya nang makita niya ang bangkay ng kanyang anak played by Gabby Padilla. So powerful, so heartbreaking.

Aga Muhlach too is definitely a must-watch sa kanyang performance as Guilly na talaga namang sinalo na yata ang lahat ng kasamaan. Definitely, out of the box ito para sa aktor at nai-pull-off niya in full colors.

Hindi rin nagpatalbog si Nadine Lustre who plays Nicole, daughter of Guilly na mayroon ding dark secrets. Best scene niya ang part na paulit-ulit niyang minura ng “put**a mo” ang kanyang amang si Guilly.

But definitely, Uninvited is a Vilma Santos movie at hindi na kami nagtataka kung bakit ito ang mas pinili niya over the other entry na napunta kay Lorna Tolentino.

Ang masasabi lang namin, make sure na isama n’yo sa list ng MMFF films na panonoorin n’yo ang Uninvited because it’s really worth your money.

Aktres, puwersahang hinalikan, hinipuan sa boobs, etc… ARCHIE, TAMEME SA DEMANDA NI RITA

ni Vinia Vivar @Frankly Speaking | Nov. 1, 2024

Photo: Archie Alemania at Rita Daniela - Instagram

Matapos magsampa ng acts of lasciviousness si Rita Daniela laban kay Archie Alemania noong Miyerkules (Oct. 30) sa Office of the City Prosecutor sa Bacoor City, hindi pa nagbibigay ng pahayag ang aktres tungkol dito.

Ang abogado niyang si Atty. Marie Glen Abraham-Garduque ang nagpaunlak ng panayam sa media at nagbigay ng ilang detalye sa pangyayari.

Kasama ni Rita na nagsampa ng kaso ang nasabing abogado at ang kanyang kuya.

Sa complaint-affidavit ni Rita ay nakasaad na nangyari raw ang insidente noong dumalo si Rita sa isang thanksgiving party noong September. Sa event pa lang daw ay nagbibitaw na si Archie ng malalaswang salita sa kanya.

“So, doon pa lang, nao-offend na si Rita. She felt uncomfortable already but she did not confront Archie during that time kasi ang dating sa kanya, baka he did not mean it, lasing lang, oo and ‘yun, nagbibiro lang,” pahayag ni Atty. Garduque.

Nang pauwi na sila mula sa party, nag-alok si Archie na ihatid si Rita sa bahay nito. Noong umpisa ay hindi raw pumayag ang aktres. 

Pero dahil nga parang kuya na ang tingin ni Rita kay Archie ay pumayag na rin ang aktres.

Habang nasa biyahe sila ay hinahawakan umano ni Archie ang balikat at leeg ni Rita. 

“Nagsabi na s’ya (Rita) nu'n na, ‘Kuya, ‘wag! Kuya kita’ So, kasi nga Rita was treating Archie as an elder brother, eh,” sabi ng lawyer ni Rita.

Nang nasa tapat na sila ng kanyang bahay ay puwersahan daw siyang hinalikan sa labi ng aktor. 

Nagpumiglas umano si Rita pero niyakap daw siya nang mahigpit ni Archie at pinaghahawakan umano ang maseselang bahagi ng kanyang katawan.

“She was forced and she was kissed by Archie that time. And then, there was also touching that happened, like ‘yung maseselang bahagi ng katawan niya, like breast was also being touched during that time,” pahayag pa ni Atty. Marie Glen.

“This is not easy for Rita. I mean, any woman, it’s really hard for them to come out and magsabi ng ganitong mga krimen and mag-file ng ganitong nature,” pahayag pa ng abogado.

Sa ngayon ay wala pa ring pahayag si Archie tungkol sa reklamong ito ni Rita.

Samantala, naglabas naman ng statement ang Sparkle Artist Center tungkol sa insidente. 

Narito ang pahayag ng management ni Rita:

“We at Sparkle GMA Artist Center are committed to ensuring a safe and respectful environment for everyone.

“Regarding the recent incident involving Rita Daniela and Archie Alemania, we have listened to both sides of the story over the past weeks.

“We believe this matter should be addressed in the proper forum, and we encourage both parties to engage in dialogue to resolve this issue fairly.

“We remain dedicated to supporting our artists and ensuring their well-being. We trust that this process will lead to a constructive resolution.

“Thank you for your understanding and support.”

---

NGAYONG long weekend ay buong-puwersa ang GMA Network sa paghahatid ng serbisyo publiko mapa-TV, radyo o online sa kanilang #Undas2024 coverage.

On air, simula pa lang sa Unang Hirit (UH) ay nakatutok na ang GMA sa paghahatid ng updates mula mismo sa mga sementeryo sa iba’t ibang panig ng bansa. Tiyak din ang pagbibigay ng traffic updates para sa mga motorista. 

Full force rin ang newscasts ng GMA Integrated News sa pagbabalita mula Unang Balita, Dobol B TV, Balitanghali, 24 Oras, Saksi, State of the Nation, at 24 Oras Weekend.

Buong araw ding nakatutok ang Super Radyo DZBB para sa mga breaking news at public service.

Para naman sa mga netizens, makakaasa sila sa up to the minute updates sa GMA News Online at sa lahat ng social media platforms nito.

May mga inihanda ring booths at help desks ang GMA Network sa iba’t ibang lugar lalo na sa mga sementeryo at pangunahing lansangan.