Kahit nagbitiw na BCDA chief... ‘Di ako bahagi ng anumang political campaign — Dizon

ni Lolet Abania | November 18, 2021

Mariing itinanggi ni Deputy Chief Implementer Vince Dizon ng National Task Force Against COVID-19 ngayong Huwebes ang pagiging bahagi niya sa anumang pulitikal na kampanya.

Nag-isyu ng statement si Dizon matapos ang political strategist na si Lito Banayo ay unang ini-report at sinabing ang testing czar ay kasama na sa grupo ni Manila Mayor Isko Moreno na tatakbo sa pagka-pangulo sa 2022 elections.

Una nang nilinaw ni Banayo, ang campaign manager ni Moreno, na si Dizon aniya, “will join the team eventually.”

Subalit, itinanggi ito ni Dizon. “I confirm the statement of Cabinet Secretary and acting presidential spokesperson Karlo Nograles that I am not involved in any political campaign,” sabi ni Dizon.

“My focus is on the national government’s overall COVID-19 response and recovery, including the country’s vaccination program,” dagdag pa ng NTF official.

Gayunman, hindi binanggit ni Dizon kung kalaunan ay sasapi rin siya sa campaign team ni Moreno tulad ng pahayag ni Banayo.

Bago pa nilinaw ni Banayo ang kanyang statement, itinanggi na ni Nograles ang mga komento ni Banayo na si Dizon ay kasapi na sa campaign team ni Moreno.

Si Dizon, na nagsisilbi rin bilang “testing czar” ng gobyerno sa gitna ng COVID-19 pandemic, ay nag-resign bilang presidente at chief executive officer ng Bases Conversion and Development Authority (BCDA) noong Oktubre.

420,000 doses ng bakuna, ipinadala sa Northern Mindanao

ni Lolet Abania | June 16, 2021

Nasa 420,000 doses ng COVID-19 vaccine ang naipadala na sa Region 10 o Northern Mindanao, ayon kay National Task Force Against COVID-19 Deputy Chief Implementer Vince Dizon ngayong Miyerkules.

Ito ang tugon ni Dizon matapos ang naging kritisismo ni Cagayan de Oro lawmaker at Deputy Speaker Rufus Rodriguez na aniya, ang Mindanao ay napabayaan umano ng gobyerno sa COVID-19 response dahil sa kakulangan ng supply ng bakuna kung saan marami rin sa kanila ang namatay.

“420,000 doses have been delivered to Region 10, and 56,000 of them were delivered yesterday,” ani Dizon sa isang TV interview.

Ayon kay Dizon, sa nai-deliver na 56,000 doses, 35,000 dito ay Pfizer-BioNTech doses habang 21,000 ay Sinovac doses. “We are not leaving anybody behind. We still have scarcity of vaccines, but we will be giving vaccines as fast as we can to those who need them most,” sabi ni Dizon.

Paliwanag niya, ang pagdi-distribute ng bakuna ay base sa pinakamataas na naitatalang panganib ng impeksiyon, kung saan mga lugar na malaki ang populasyon at mga lugar na may malaking kontribusyon sa ekonomiya.

“That is why we are prioritizing NCR Plus 8 (Metro Manila, Pampanga, Bulacan, Cavite, Laguna, Rizal, Metro Cebu and Metro Davao) since these are economic centers,” ani Dizon. “We also have expansion areas, including Cagayan de Oro and Iloilo City. That strategy [of prioritizing economic centers] is what makes the most sense,” dagdag pa niya.

1M doses ng Sinovac vaccine, dumating na sa ‘Pinas

ni Ronalyn Seminiano Reonico | June 10, 2021

Dumating na sa bansa ang karagdagang 1 million doses ng Sinovac COVID-19 vaccine na binili ng pamahalaan mula sa China ngayong Huwebes nang umaga.

Lumapag sa Ninoy Aquino International Airport (NAIA) Terminal 2 ang Cebu Pacific flight mula sa Beijing na may dalang Sinovac vaccines kaninang alas-7:16 nang umaga.

Sina Vaccine Czar Carlito Galvez Jr. at Testing Czar Secretary Vince Dizon ang sumalubong sa pagdating ng mga bakuna sa airport.

Samantala, mamayang gabi inaasahang darating sa bansa ang karagdagang 2 million doses ng Pfizer COVID-19 vaccine mula sa COVAX Facility.