GF at 5 pa, pinagbabaril ng kelot sa party bago nagpakamatay

ni Mary Gutierrez Almirañez | May 10, 2021

Pinagbabaril ng isang lalaki ang 6 na indibidwal habang nagdiriwang ang mga ito ng birthday party sa Colorado Springs, Colo, USA nitong Linggo, ayon sa Colorado Springs Police Department.

Batay sa ulat, kabilang ang girlfriend ng suspek sa mga biktima at matapos nitong pagbabarilin ang iba pa ay sunod nitong binaril ang sarili.

"The suspect, a boyfriend of one of the female victims, drove to the residence, walked inside and began shooting people at the party before taking his own life," pahayag pa ng pulisya.

Sa ngayon ay patuloy ang imbestigasyon upang malaman ang motibo sa pagpatay.

Johnson & Johnson Janssen, ibabakuna na uli sa USA

ni Ronalyn Seminiano Reonico | April 24, 2021

Inaprubahan na ng United States ang muling pagbabakuna gamit ang Johnson & Johnson Janssen COVID-19 vaccine noong Biyernes.

Matatandaang kamakailan ay ipinatigil ang pagbabakuna gamit ang Janssen dahil sa naiulat na pagkakaroon ng pamumuo ng dugo o blood clotting sa ilang naturukan nito.

Nagkaroon ng botohan ang mga miyembro ng Advisory Committee for Immunization Practices ng Centers for Disease Control and Prevention (CDC) kung saan 10 ang pabor na ituloy ang pagbabakuna gamit ang Janssen at 4 ang hindi pabor.

Pahayag naman ng mga eksperto, "The Janssen COVID-19 vaccine is recommended for persons 18 years of age and older in the US population under the FDA, emergency use authorization."

9 na unggoy tinurukan ng COVID-19 vaccines

ni Lolet Abania | March 8, 2021

Siyam na unggoy mula sa San Diego Zoo, kabilang ang apat na orangutan at limang bonobos ang naitala sa history ng veterinary na kauna-unahan sa buong mundong non-human primates na nabakunahan kontra COVID-19, ayon sa mga opisyal ng zoo sa Los Angeles.

Isa sa mga naturukan ng COVID-19 vaccine ay ang 28-anyos na babaeng Sumatran orangutan na si Karen na nabalita rin sa nasabing zoo na unang unggoy na sumailalim sa open-heart surgery noong 1994.

Ayon sa email ng zoo spokeswoman na si Darla Davis sa Reuters, bawat isa sa siyam na apes ay nakatanggap ng dalawang doses ng experimental vaccine na orihinal na ituturok dapat sa mga aso at mga pusa, gayunman, hindi naman nakitaan ang mga unggoy ng adverse reactions matapos maturukan habang nasa maayos silang kondisyon.

Nabahala ang maraming zoo officials sa mga hayop kung saan agad nilang tinurukan ang mga ito ng vaccine, matapos na walong gorilla na mula sa affiliated na San Diego Zoo Safari Park ay tinamaan ng COVID-19 noong Enero, na naitalang unang naiulat na transmission ng coronavirus sa mga unggoy.

Sinabi pa ni Davis na ang walong gorillas, kabilang ang isang 48-anyos na lalaking "silverback" na pinangalanang Winston ay nakaranas ng pneumonia at sakit sa puso, subalit unti-unti nang gumaganda ang kondisyon nito at nakakarekober na sa sakit.

Iba’t ibang medications ang ibinibigay kay Winston, kabilang na ang isang coronavirus antibody therapy para sa mga non-human. Gayunman, ang mga gorillas ay hindi binakunahan dahil ayon sa mga veterinarians, ang kanilang immune systems ay naka-develop na ng antibodies laban sa virus. Anila pa, maaaring nakuha ng mga ito ang sakit mula sa isang asymptomatic staff member.

Samantala, ang mga orangutan at bonobos na napili para sa immunization ay ilan lamang sa mga great apes sa nasabing zoo na may mataas na tiyansa na makuha ang virus at pinakamadaling maturukan ng vaccine. Nilitu-lito sa mga karayom ng mga staff na nagbakuna ang mga hayop para hindi sila matakot.

Ayon pa kay Devis, sinimulan ng mga zoo staff ang pag-administer ng shots sa mga unggoy noong Enero at ipinagpatuloy ito ng Pebrero, habang ang ilan ay isasagawa naman ngayong Marso.

Ang vaccine na na-develop ng veterinary pharmaceutical company na Zoetis ay hindi na naisubok sa mga apes, subalit ang cross-species na paggamit ng vaccines ay hindi naman pangkaraniwan.

Ang mga apes sa zoo ay nabibigyan ng human flu at measles vaccines, ayon kay Nadine Lamberski, ang chief conservation at wildlife officer ng San Diego Wildlife Alliance. Aniya, ang siyam na unggoy ang unang non-human primates na naiulat na nakatanggap ng COVID-19 vaccine.