Blinken, nakiramay sa 2 nasawi sa West Bank

ni Angela Fernando - Trainee @News | February 16, 2024

Nagpaabot ng pakikiramay ang United States Secretary of State na si Antony Blinken para sa 2 American teenagers na nasawi sa West Bank.

Ayon kay Blinken, dapat na tukuyin kung ano ba ang nangyari sa mga biktima sa isang imbestigasyon.

Ito ay matapos na napatay ang dalawang 17-anyos na Palestinian-American ng Israeli forces sa West Bank sa parehas na buwan.

Isang Amerikana naman ang dinukot ng Israeli forces sa mismong bahay nito sa West Bank na kanilang sinaktan at hindi binigyan ng gamot na agad pinabulaanan ng kampo ng Israel.

Pagtitibayin pa ang relasyon ng 'Pinas at Estados Unidos... BBM at Joe Biden, nagkausap na

ni Zel Fernandez | May 12, 2022

Kasunod ng pamamayagpag sa bilangan ng mga boto nitong 2022 National Elections, at sa nalalapit na proklamasyon bilang ika-17 pangulo ng Pilipinas, naglabas ng pahayag ang White House na nakausap na ni U.S. President Joe Biden si presumptive president Ferdinand “Bongbong” Marcos, Jr., kahapon ng Mayo 11, 2022.

Ayon sa pahayag, “President Joseph R. Biden, Jr. spoke today with President-elect Ferdinand Marcos, Jr. of the Philippines to congratulate him on his election. President Biden underscored that he looks forward to working with the President-elect to continue strengthening the U.S.-Philippine Alliance, while expanding bilateral cooperation on a wide range of issues, including the fight against COVID-19, addressing the climate crisis, promoting broad-based economic growth, and respect for human rights.”

Nakasaad sa naturang White House release, kasabay ng pagbati ni Biden sa nalalapit na pagkahalal ni Marcos Jr. bilang bagong pangulo ng bansa ay nakahanda na ang Estados Unidos na patuloy pang pagtibayin ang alyansa at pakikipag-ugnayan nito sa Pilipinas ukol sa mga maraming usapin kabilang ang pagsugpo sa COVID-19, krisis sa klima, malawakang pagsusulong ng pagyabong ng ekonomiya at ang pagkilala sa karapatang-pantao.

Nauna rito, naging usap-usapan sa social media ng ilang mga supporters nina Robredo at Pangilinan ang umano’y hindi magandang relasyon ni Marcos sa U.S. kaya hindi anila ito makatatapak sa bansa.

Gayundin, pinangangambahan ng mga ito na ang paghahalal kay BBM bilang bagong presidente ay posible umanong magdulot ng pagkawala ng mga business process outsourcing (BPO) companies sa Pilipinas na lubos na makaaapekto sa milyong call center agents sa bansa.

Gayunman, kasabay ng mga espekulasyong hihina umano ang ekonomiya ng bansa kapag naging pangulo si Marcos Jr., patuloy ding napapabalita ang mga pagbati sa kanya ng mga lider mula sa iba’t ibang bansa.

Higit 80 patay sa matinding mga buhawi sa Amerika

ni Lolet Abania | December 12, 2021

Nag-iwan ng mahigit sa 80 katao ang patay habang napakaraming nawawala matapos ang dosenang mga tornado o buhawi ang matinding tumama sa magdamag sa anim na US states nitong Sabado.

Itinuturing ito ni President Joe Biden bilang, “one of the largest storm outbreaks in American history.”

“It’s a tragedy,” nanginginig na sabi ni Biden sa isang televised comments.

“And we still don’t know how many lives are lost and the full extent of the damage.”

Sa ulat, kahit may kalamigan ng gabi ng Sabado matapos ang buhawi, kabi-kabila pa rin ang search-and-rescue ng mga opisyal upang matulungan ang mga kababayan nila sa buong Amerika, kung saan nawasak ang kanilang mga tahanan at mga negosyo, habang patuloy na naghahanap ng mga survivors.

Pinaniniwalaang nasa mahigit 70 indibidwal ang namatay sa Kentucky pa lamang, na karamihan sa kanila ay mga workers sa isang candle factory, habang tinatayang nasa anim ang nasawi sa isang Amazon warehouse sa Illinois, kung saan night shift ang duty ng mga manggagawa na tinatapos ang mga orders bago ang Pasko.

“This event is the worst, most devastating, most deadly tornado event in Kentucky’s history,” sabi ni state Governor Andy Beshear. “We will have lost more than 100 people.”

“The devastation is unlike anything I have seen in my life, and I have trouble putting it into words,” saad pa niya sa mga reporters.

Agad naman idineklara ni Beshear ang state of emergency sa nasabing state.

Patuloy naman ang mga awtoridad sa paghahanap sa mga nawawala.