Israel ipagbabawal ang aid agency ng UN

ni Angela Fernando @World News | Oct. 29, 2024

Photo File: UN humanitarian / Aid truck sa UN storage facility - Reuters / Mohammed Salem

Nagpasa ang parliament ng Israel ng batas nu'ng Lunes upang ipagbawal ang ahensya ng UN na United Nations Relief and Works Agency (UNRWA) na mag-operate sa loob ng bansa, na nagdulot ng pangamba sa ilan sa mga kaalyado ng Israel mula sa west na natatakot na mas lumala ang kasalukuyang sitwasyon ng humanitarian sa Gaza.

Binigyang-diin ng mga opisyal ng Israel ang pagkakasangkot ng ilan sa mga tauhan ng UNRWA sa pag-atake nu'ng Oktubre 7, 2023, sa southern Israel, at ang pagiging miyembro ng ilang tauhan nito sa Hamas at iba pang mga armadong grupo.

"UNRWA workers involved in terrorist activities against Israel must be held accountable," saad ni Prime Minister Benjamin Netanyahu. Samantala, nagsalita ang lider ng UNRWA, na si Philippe Lazzarini, na ang pagboto ay salungat sa U.N. charter at lumalabag sa batas internasyonal.

"This is the latest in the ongoing campaign to discredit UNRWA and delegitimize its role towards providing human-development assistance and services to #Palestine Refugees," sinabi niya sa social media platform na X.

UN: 576-K katao sa Gaza, magugutom sa pagharang ng Israel sa mga tulong

ni Angela Fernando - Trainee @News | February 28, 2024

Umaabot sa 576-K katao sa Gaza ang maaaring makaranas ng matinding gutom dahil sa kawalan ng pagkain, ayon sa United Nations.

Agad na kinondena ng UN ang ginagawang pagharang ng Israel sa mga tulong para sa mga Palestinians sa Gaza.

Ito ay matapos nagpaputok ng Israeli forces sa lugar na pinagkukunan ng pagkain ng mga mamamayan ng Gaza.

Tinutukoy pa kung may mga nasawi o nasugatan sa nasabing pagpapaputok.

Nagpahayag naman si UN humanitarian agency deputy chief Ramesh Rajasingham, na isa sa anim na kabataang may edad dalawa pababa ang may acute malnutrition.

Saad niya, umaasa na lang sa kaunting pagkain ang halos 2.3-milyong Palestinians.

NTF-ELCAC, pinabubuwag na

ni Angela Fernando - Trainee @News | February 2, 2024

Nag-rekomenda ang bumisitang United Nations Special Rapporteur na si Irene Khan nitong Biyernes na tuluyang alisin ang National Task Force to End Local Communist Armed Conflict (NTF-ELCAC).

"NTF-ELCAC was established about six years ago in a different context. It is outdated. It does not take into account the ongoing prospects for peace negotiations," ani Khan.

Dagdag niya, nirerekomenda niyang buwagin na ito.

Matatandaan itinatag ang NTF-ELCAC nu'ng Disyembre 2018 ni dating Pangulong Rodrigo Duterte upang tapusin ang 'local armed communist conflict' sa bansa.

Matapos na maitatag ang nasabing samahan, ilang beses na nakaladkad na ang pangalan nito sa iba't ibang klaseng pangre-red tag sa mga indibidwal.