P620 milyon, ilalaan para sa mga may cancer

ni Twincle Esquierdo | December 13, 2020

Naglaan ng P620 milyon ang Kongreso para sa government’s cancer control program, ayon kay House Speaker Lord Allan Velasco.

Susuportahan nito ang pagpapatupad ng National Integrated Cancer Control (NICC) Act of 2019 at mga gastusin sa cancer prevention, treatment at mga gamot.

Ayon sa tala ng Department of Health, (DOH) sa 110,000 taun-taon na nagkakaroon ng cancer, halos 66,000 Pinoy ang namamatay.

Nagkakahalaga ng P600 – P3,000 kada sesyon ang breast ultrasound at P20,000 - P120,000 naman ang chemotherapy, batay sa Cancer Coalition Philippines.

“Certainly, the economic burden of cancer care and treatment is overwhelming and it has the potential to drive Filipino families deeper into poverty,” dagdag pa ni Velasco.

Sinopharm vaccine nakitaan ng masamang epekto, clinical trials sa Peru, itinigil

ni Twincle Esquierdo | December 12, 2020

Pansamantalang itinigil ng bansang Peru ang kanilang clinical trials ng COVID-19 vaccine na gawa ng Chinese drug giant company na Sinopharm matapos makitaan ng negatibong epekto ang isa sa kanilang mga volunteers.

Nahirapan umanong igalaw ng volunteer ang kanyang mga braso, ayon sa National Institute of Health nitong Biyernes.

Ayon sa researcher na si German Malaga, nagkaroon ng neurological symptoms o tinatawag na Guillain-Barre syndrome ang kanilang volunteer.

Aniya, "Several days ago we signaled, as we are required, to the regulatory authorities that one of our participants presented neurological symptoms which could correspond to a condition called Guillain-Barre syndrome."

Ang Guillain-Barre syndrome, ay bihirang sakit at hindi nakahahawa ngunit nakaaapekto ito sa paggalaw ng mga braso at binti kaya nagdeklara ang Peru ng temporary health emergency sa limang regions noong Hunyo ng nakaraang taon kasunod ng maraming kaso.

Umabot na rin sa 60,000 ang naturukan ng Sinopharm vaccine mula sa mga bansang Argentina, Russia at Saudi Arabia.

Ayon pa sa Peru, kung magiging matagumpay ang bakunang ito, asahan na bibili ang Peruvian government ng halos 20 milyong doses.

Samantala, ang Peru ang isa sa may pinakamaraming bilang ng mga namatay mula sa Covid-19 na umabot na sa 36,499 nitong Biyernes.

Online Simbang Gabi, Sisimulan ng CCP

ni Twincle Esquierdo | December 12, 2020

Gaganapin ng Cultural Center of the Philippines ang kanilang Simbang Gabi ngayong 2020 gamit ang online platform dahil sa coronavirus disease (COVID-19) pandemic.

Makikipagtulungan ang CCP sa iba't ibang simbahan sa buong bansa para maabot ang mas maraming Katolikong Pinoy sa mundo.

Ayon sa CCP, nais lamang nilang masiguro ang kaligtasan ng mga Pinoy dahil meron pa ring banta ng Covid-19 sa bansa.

"While this year has been shrouded with concerns over safety and fears of contracting the COVID-19 virus, which have upended many traditions that draw large gatherings including dawn masses, nothing should shake the fundamental pillar of the Catholic faithful and hinder the Filipino traditions,” sabi ng CCP.

Samantala, ang Misa de Gallo o misa sa bisperas ng Pasko ay ipagdiriwang sa St. Gregory the Great Cathedral Parish sa Legazpi City, Albay.

Napakaimportante ng Simbang Gabi dahil isa itong tradisyon tuwing sasapit ang Pasko, ayon kay Cardinal Luis Antonio Tagle, prefect ng Congregation for the Evangelization of Peoples ng Vatican.