PBA, nasa A2Z na rin

ni Angela Fernando - Trainee @News | October 18, 2023

Matapos ang matagumpay na pagsungkit ng Gilas Pilipinas sa gintong medalya sa FIBA Basketball World Cup, mas nakatutok na ngayon ang atensiyon ng mga lokal na tagasuporta sa gaganapin na PBA games.

Upang mas maibahagi sa tao ang galing ng mga Pilipino sa basketball, ang Philippine Basketball Association at TV5 ay nakipagsanib-puwersa na sa A2Z bago magsimula ang nalalapit na ika-48 season ng PBA.

Sabi rin ng vice-president at general manager ng Zoe Broadcasting na si Rene Gonzalez, "A2Z is proud to be the new home of the PBA. We're delighted to partner with TV5 in this exciting venture so that we may provide our audiences with more programming options. Welcoming the PBA, an established sports institution, adds a new dimension to our current offerings."

Ngayon ay mas madali at libre na ang pagsubaybay sa mga grupo sa PBA games na kinagigiliwan at sinusuportahan ng madla.

Mapapanood na nang live ang PBA sa A2Z sa darating na Nobyembre 5, tuwing 4:00 PM-8:00 PM ng Miyerkules at Biyenes habang 3:00-6:15 naman tuwing Linggo.

Nakakabulaga nga!... EAT BULAGA, BABANGGAIN NINA LUIS AT BILLY SA TV5

ni Erlinda Rapadas - @Teka Nga! | September 5, 2020

Isang noontime show ang pagsasamahan ng mag-BFF na sina Luis Manzano at Billy Crawford sa TV5. Kaya naman ngayon pa lang, marami na ang nagsasabing labanan ito na mala-David at Goliath.

Isa nang institusyon ang Eat… Bulaga! na 41 yrs. nang umeere at hindi kayang ibagsak at talunin ng anumang tatapat na noontime show. Subok na ang katatagan ng EB! na may malawak na viewers. Bigatin ang mga hosts ng show na sina Vic Sotto, Joey de Leon, Allan K., Jose Manalo, Wally Bayola, Paolo Ballesteros, Pauleen Luna, Pia Guanio, kasama pa ang tambalang AlDub.

So, ano ang puwedeng i-offer ng tandem nina Luis at Billy upang pag-interesang panoorin ang kanilang noontime show sa TV5?

Well, si Manzano, tiyak na hindi kabado sa magaganap na tapatan at kompetisyon. Napaka-cool ni Luis at handang harapin ang bagong hamon sa kanyang pagiging host. Challenge ito sa kanyang kakayahan na handa niyang harapin.

Hindi naman kine-claim ni Manzano na kaya nila ni Billy na pataubin ang Eat… Bulaga!. Ang importante ay patunayan na hindi nagkamali ang mga big bosses ng TV5 sa pagkuha sa kanila.

Ganern, Sharon?... GABBY AT KC, BAWAL MAGSAMA

ni Nitz Miralles - @Bida | September 5, 2020

May mga natuwa na sana sa balitang posibleng magsama sa isang show sa TV5 ang mag-amang Gabby at KC Concepcion dahil marami ang nag-aabang na mapanood sila together. Kaya lang, hindi pala puwedeng tumanggap ng project sa ibang network si Gabby dahil may exclusive contract siya sa GMA Network.

Si KC naman, nasulat ni katotong Reggee Bonoan ang pahayag ng management nito na wala ring offer sa kanya ang TV5 at kung may offer man at tanggapin ni KC, hindi si Gabby ang makakasama dahil nga may exclusive contract ang aktor sa Kapuso Network.

In fact, may ginagawang rom-com series si Gabby kasama si Marian Rivera, pero

isang araw pa lang silang nagte-taping ng First Yaya, natigil na dahil sa Covid-19.

Baka raw sa October magre-resume ang taping ng rom-com series na unang pagsasama ng dalawang Kapuso stars.