- BULGAR
- Jul 16, 2021
ni Lolet Abania | July 16, 2021
Ganap nang Tropical Depression Fabian ang isang low pressure area (LPA) na namataan sa Philippine Area of Responsibility (PAR), ayon sa ulat ng PAGASA ngayong Biyernes.
Batay kay PAGASA weather specialist Ana Clauren, ang TD Fabian ay nasa layong 1,335 kms silangan ng North Luzon.
Dagdag niya, posibleng palakasin ni ‘Fabian’ ang nararanasang Southwest Monsoon sa mga susunod na araw, kung saan magdudulot ito ng mga pag-ulan sa malaking bahagi ng bansa.
Gayunman, hindi inaasahan na ito ay magla-landfall.
Sinabi rin ni Clauren na maglalabas ang PAGASA ng first severe weather bulletin ngayong alas-5:00 ng hapon, kaya pinapayuhan ang lahat na patuloy na mag-monitor sa lagay ng ating panahon.