Patay sa flash floods sa Indonesia, 128 na, 72 nawawala

ni Ronalyn Seminiano Reonico | April 6, 2021

Umakyat na sa 128 ang bilang ng mga nasawi sa flash floods na dulot ng tropical cyclone na tumama sa eastern Indonesia, ayon sa disaster agency ng naturang bansa ngayong Martes.

Ayon kay National Disaster Mitigation Agency Spokesman Raditya Jati, tinatayang aabot sa 8,424 ang mga inilikas dahil sa pagbaha noong Linggo.

Apektado rin ng tropical cyclone ang East Timor kung saan 27 ang nasawi at 8 ang naitalang nawawala. Aabot din sa 8,000 katao sa Dili City ang inilikas.

Ayon sa ahensiya, ang East Nusa Tenggara at West Nusa Tenggara provinces ang lubos na naapektuhan sa insidente at inaasahan ding tataas pa ang bilang ng mga casualties.

Nahirapan ding magsagawa ng rescue efforts dahil sa mudslides at pagkasira ng mga tulay.

Samantala, ayon naman sa Meteorological, Climatological and Geophysical Agency, inaasahang lalakas pa ang naturang cyclone sa loob ng 24 oras.

21 patay sa baha at landslides sa East Timor

ni Ronalyn Seminiano Reonico | April 5, 2021

Patay ang 21 katao sa East Timor dahil sa baha at landslides na idinulot ng tumamang tropical cyclone sa bansa ngayong Lunes.

Pahayag ni Main Director of Civil Protection Ismael da Costa Babo, “According to preliminary data, …the total loss of life is 21 people.”

Aniya, tinatayang aabot naman sa 1,500 ang inilikas sa Dili na capital city ng East Timor.

Samantala, apektado rin ang Indonesia sa naturang tropical cyclone at marami na ring tulay at mga puno na bumagsak.

Ipinag-utos na rin ni President Joko Widodo ang pagsasagawa ng relief operations.

Aniya, "I have ordered for disaster relief efforts to be conducted quickly and well."

Inaasahan din ng weather agency ng Indonesia ang posibilidad na mas lalakas pa ang naturang bagyo.

Baha at lahar, next dahil sa Bagyong Rolly

ni Lolet Abania | October 31, 2020

Nananatili ang lakas ng Bagyong Rolly habang papalapit ito sa bahagi ng Bicol Region, ayon sa Severe Weather Bulletin na inisyu ng PAGASA ngayong Sabado nang umaga.

Sa naiulat ng PAGASA kaninang alas-4 ng umaga, namataan ang Bagyong Rolly sa layong 655 kilometro silangan hilagang-silangan ng Virac, Catanduanes na may maximum sustained winds na 215 kilometro kada oras malapit sa sentro, may bugso ng hangin ng hanggang 265 kph at kumikilos pakanluran ng 20 kph.

Inaasahan din na maging super typhoon ang naturang bagyo. Magdadala ang Bagyong Rolly ng mahina hanggang katamtaman at malakas na pagbuhos ng ulan sa buong Central Visayas, Negros Occidental, Leyte, Southern Leyte, Palawan kabilang ang Cuyo Islands, Zamboanga Peninsula, Northern Mindanao, Caraga at Sulu Archipelago na mararamdaman ngayong umaga hanggang Sabado nang gabi.

Malalakas na pagbuhos ng ulan ang mararanasan sa buong Bicol Region, CALABARZON, Metro Manila, Central Luzon Marinduque at hilagang bahagi ng Occidental at Oriental Mindoro sa Sabado nang gabi hanggang sa Linggo nang umaga.

Magdudulot ng katamtaman hanggang sa malakas na buhos ng ulan sa buong Cagayan, Isabela, Nueva Vizcaya at Quirino. Inaasahan ang mga pagbaha, pagkakaroon ng landslides at posibleng pagragasa ng lahar dahil sa malalakas at sunud-sunod na buhos ng ulan lalo na sa mga lugar na mataas ang tsansa na maranasan ito.

Gayunman, nag-isyu na ang Philippine Institute of Seismology and Volcanology (PHIVOLCS) ng lahar warning sa ilang lugar sa Luzon kagabi.

Naglabas na rin ang PAGASA ng Tropical Cyclone Wind Signal (TCWS) No. 2 sa mga sumusunod na lugar:

• Catanduanes

• Silangang bahagi ng Camarines Sur (Caramoan, Garchitorena, Lagonoy, Tinambac, Siruma, Presentacion, San Jose, Goa, Buhi, Sagnay, Tigaon, Ocampo, Iriga City, Baao, Nabua, Bato, Balatan, Bula, Pili, Calabanga, Naga City, Bombon, Magarao, Canaman, Gainza, Milaor, Camaligan, Minalabac),

• Albay

• Sorsogon Mararanasan naman ang TCWS No. 1 sa mga sumusunod na lugar: Luzon • Camarines Norte

• Natitirang bahagi ng Camarines Sur

• Masbate kabilang ang Ticao at Burias Islands

• Quezon kabilang ang Polillo Islands

• Rizal

• Laguna

• Cavite

• Batangas

• Marinduque

• Romblon

• Occidental Mindoro kabilang ang Lubang Island

• Oriental Mindoro

• Metro Manila

• Bulacan

• Pampanga

• Bataan

• Zambales

• Tarlac

• Nueva Ecija

• Aurora

• Pangasinan

• Benguet

• Ifugao

• Nueva Vizcaya

• Quirino

• Southern portion ng Isabela (Aurora, Luna, Reina Mercedes, Naguilian, Benito Soliven, San Mariano, Palanan, Dinapigue, San Guillermo, Echague, San Agustin, Jones, Cordon, Santiago City, Ramon, San Isidro, Angadanan, Alicia, Cauayan City, Cabatuan, San Mateo) Visayas

• Northern Samar

• Hilagang bahagi ng Samar (Tagapul-An, Almagro, Santo Nino, Tarangnan, Catbalogan City, Calbayog City, Santa Margarita, Gandara, Pagsanghan, San Jorge, Jiabong, Motiong, Paranas, San Jose de Buan, Matuguinao)

• Hilagang bahagi ng Eastern Samar (Taft, Can-Avid, Dolores, Maslog, Jipapad, Arteche, Oras, San Policarpo)

• Hilagang bahagi ng Biliran (Kawayan, Maripipi)

Patuloy ang pagmo-monitor ng PAGASA sa Bagyong Rolly. Pinapayuhan din ang publiko na maging mapagmatyag at mag-ingat sa lahat ng oras.