Department of Tourism tumulong sa pagtaguyod ng 3-day Travel Tour Expo

ni Fely Ng @Bulgarific | February 6, 2023

HELLO, Bulgarians! Ginanap noong Pebrero 3-5, 2023, sa SMX Convention Center, Mall of Asia Complex, Pasay City ang tatlong araw na travel fair ng Philippine Travel Agencies Association Inc. (PTAA) na nagsagawa ng unang post-pandemic travel expo. Nagpakita ng isang optimistikong pananaw para sa sektor ng paglalakbay at turismo na may lumalaking pangangailangan para sa mga biyahe. Mahigit sa 300 kalahok na mga exhibitor na may 700 booth at 80,000 hanggang 100,000 ang inasahang dumalo sa expo. Sinasabing ito ang pinakamalaking bilang mula noong 2020.

Ngayong taon, ang 30th Travel Tour Expo 2023 ng PTAA, gayundin ang 8th International Travel Trade Expo 2023, ay may temang “A Better and Stronger Future of Travel Is Here,” na ang hangad ay muling pasiglahin ang uhaw sa paglalakbay kasunod ng pagbagsak na dala ng COVID -19 pandemic.

Sa naganap na event, ipinaabot naman ni DOT Secretary Maria Esperanza Christina Garcia Frasco ang kanyang suporta sa pagbibigay ng kanyang mensahe sa pamamagitan ng isang video. Kasabay nito, nagbigay din ng diskwento sa pamasahe at promosyon para sa tours and accommodations ng mga manlalakbay. “The 30th TTE will offer the cheapest deals with up to more than 70% discount, offering new destinations, cultural competition, and the first conference within the venue with your favorite tourism speakers that will give you the latest travel updates and trends,” pahayag ni PTAA President Michelle Taylan.

Isa sa mga kalahok na grupo ng hotel, ang Hotel 101 Group, ang hospitality arm ng DoubleDragon Corporation, ay nagsabi na nag-aalok ito ng hotel accommodation voucher na valid para sa lahat ng hotel nito. Sinabi ng head of public relations nito na si Brian Ong na ang voucher ay magagamit sa mga hotel sa Hotel101 – Manila, Injap Tower Hotel sa Iloilo City, Jinjiang Inn – Ortigas, Makati, at Boracay Station 1.

Ang hotel group naman ay optimistic tungkol sa mas malakas na hinaharap ng paglalakbay. “The hotel accommodation sector is ready to welcome back travelers to the country, as projected by the Department of Tourism in their tourism arrival targets and projects year. We have all the safety protocols already in place in our hotels, and the new offerings for staycations and business travels,” sabi ni Hotel101 Group General Manager Gel Gomez.

Ang travel expo ay itinataguyod ng Department of Tourism, Tourism Promotions Board, Unionbank, Philippine Airlines, Airswift, United Airlines, PLDT, Hotel 101, Tourism Infrastructure and Enterprise Zone Authority (TIEZA) Guam Visitors Bureau.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mula sa South Africa, Burkina Faso at Egypt.. 3 travelers, positive sa COVID-19

ni Lolet Abania | December 3, 2021

Tatlong biyahero na dumating sa Pilipinas mula sa South Africa, Burkina Faso, at Egypt ang nagpositibo sa test sa COVID-19 sa gitna ng banta ng Omicron variant, ayon sa Department of Health (DOH) ngayong Biyernes.

Sa isang media briefing, sinabi ni DOH Undersecretary Maria Rosario Vergeire, mayroong 253 travelers galing sa South Africa, tatlo mula sa Burkina Faso, at 541 galing naman sa Egypt, ang dumating sa bansa mula Nobyembre 15 hanggang 29.

“Each of these countries nagkaroon ng travelers who tested positive for COVID-19. Merong isa out of 253 from South Africa, isa out of 541 from Egypt, at isa out of three from Burkina Faso,” sabi ni Vergeire.

“So lahat po ng nag-positive na ‘yan as long as CT values are appropriate, ipapadala po natin sa Philippine Genome Center for whole-genome sequencing,” aniya pa.

Ang Omicron variant ay unang na-detect sa South Africa at itinuturing bilang isang variant of concern ng World Health Organization (WHO).

Agad na naglabas ng update ang Pilipinas ng mga nasa red list na bansa, kung saan ang mga travelers ay pansamantalang ipinagbawal makapasok sa gitna ng COVID-19 pandemic.

Kabilang sa mga bansang nasa red list ay South Africa at 13 iba pa gaya ng Austria, Czech Republic, Hungary, the Netherlands, Switzerland, Belgium, Italy, Botswana, Namibia, Zimbabwe, Lesotho, Eswatini, at Mozambique.

Sinabi naman ni Vergeire kahapon na pinoproseso pa ng DOH ang batch na subject para sa genome sequencing nitong linggo. “Results might be tonight or tomorrow,” sabi pa ni Vergeire.

Bakunadong travelers mula sa green country.. Wala nang facility quarantine — Malacañang

ni Lolet Abania | October 13, 2021

Inalis na ng gobyerno ng Pilipinas ang mandatory quarantine sa isang facility para sa mga inbound travelers na fully vaccinated kontra-COVID-19 na nagmula sa bansang naklasipika bilang “green country” o may low risk ng infection, ayon sa Malacañang ngayong Miyerkules.

Sinabi ni Presidential Spokesperson Harry Roque, ang mga traveler o biyahero ay kinakailangang magpakita ng negative result ng kanilang RT-PCR test, 72-oras bago ang departure sa pinanggalingang bansa. Pagdating sa Pilipinas, kailangan pa ring sumailalim sa home quarantine ng 14 na araw.

Ang mga bansa na naklasipika bilang green countries o may low risk ng COVID-19 infection ay ang mga sumusunod:

• American Samoa

• Burkina Faso

• Cameroon

• Cayman Islands

• Chad

• China

• Comoros

• Republic of the Congo

• Djibouti

• Equatorial Guinea Falkland Islands (Malvinas)

• Gabon

• Hong Kong (Special Administrative Region of China)

• Hungary

• Madagascar

• Mali

• Federated States of Micronesia

• Montserrat

• New Caledonia

• New Zealand

• Niger

• Northern Mariana Islands

• Palau

• Poland

• Saba (Special Municipality of the Kingdom of Netherlands)

• Saint Pierre and Miquelon

• Sierra Leone

• Sint Eustatius

• Taiwan

• Algeria

• Bhutan

• Cook Islands

• Eritrea

• Kiribati

• Marshall Islands

• Nauru

• Nicaragua

• Niue

• North Korea

• Saint Helena

• Samoa

• Solomon Islands

• Sudan

• Syria

• Tajikistan

• Tanzania

• Tokelau

• Tonga

• Turkmenistan

• Tuvalu

• Vanuatu and

• Yemen

Gayundin, ang mga unvaccinated o may isang dose pa lamang ng COVID-19 vaccine na menor-de-edad na kasama ng kanilang fully vaccinated na mga magulang o guardians ay kailangan na sumunod sa quarantine protocols na naaayon sa kanilang vaccination status.

Gayunman, ang mga inbound travelers na wala ng isinasaad na requirements ay sasailalim sa mandated facility-based quarantine hanggang sa mailabas ang negatibong resulta ng RT-PCR test na ginawa sa kanila sa panglimang araw ng quarantine.

Para sa mga dayuhan, kailangan nilang mag-secure ng hotel reservations para sa tinatayang anim na araw.

Dagdag pa rito, ang magulang o guardian ay obligadong samahan ang kanilang mga anak sa quarantine facility para sa kabuuang facility-based quarantine period ng mga ito.