87K jeepney drivers, may fuel subsidy na — Landbank

ni Lolet Abania | March 19, 2022

Ipinahayag ng Land Bank of the Philippines ngayong Sabado na tinatayang 87,500 jeepney drivers sa buong bansa ang nakatanggap na ng fuel subsidies na nagkakahalaga ng P6,500 bawat isa mula sa gobyerno sa unang linggo ng pamamahagi ng cash aid sa gitna ng sunud-sunod na pagtataas sa presyo ng produktong petrolyo.

Sa isang statement, sinabi ng Landbank na katuwang nila at sa koordinasyon ng Department of Transportation (DOTr) at Land Transportation Franchising and Regulatory Board (LTFRB), nakapag-credit sila ng kabuuang fuel subsidies na P569 milyon para sa umiiral nang Pantawid Pasada cash cardholders sa ilalim ng Fuel Subsidy Program hanggang nitong Marso 17, 2022.

Umabot sa mahigit 377,000 benepisyaryong public utility vehicles (PUV) na mga drayber ang eligible na makatanggap ng cash aid sa ilalim ng naturang subsidy program.

“Landbank is one with the National Government in providing immediate support interventions to PUV drivers to weather the impact of the fuel price surge. We are working closely with the DOTr and LTFRB to complete the distribution of the fuel subsidy to all beneficiaries nationwide at the soonest time possible,” pahayag ni Landbank president at CEO Cecilia Borromeo.

Bukod sa mga jeepney drivers, kabilang din sa Fuel Subsidy Program beneficiaries, ang mga drayber ng UV Express units, minibuses, mga bus, shuttle services, mga taxi, tricycles, at iba pang full-time ride-hailing at delivery services sa buong bansa.

Ayon sa Landbank, ang mga benepisyaryong drayber na walang Pantawid Pasada cash cards ay mabibigyan din at makakakuha nito mula sa mga itinalagang sangay ng Landbank na tinukoy ng LTFRB.

Ang Pantawid Pasada cash cards ay maaaring magamit para pambili ng langis sa mga fuel stations nationwide.

Patuloy naman ang Landbank na makikipag-partner sa national government agencies upang matiyak ang napapanahon, ligtas at episyenteng paghahatid ng mga financial interventions sa mga eligible na mga benepisyaryo.

Coco Martin suportado ang bagong partylist na para sa kabuhayan at transport sector

by Bulgar Online - @Brand Zone | February 25, 2022

Si Coco Martin, na kilala bilang Cardo Dalisay sa telebisyon ay nag-iikot sa kanyang pag-endorso hindi ng partylist na ka-pangalan ng kanyang drama serye ngunit sa isang bagong Party-list ang AP Partylist #AkoyPilipino ngayong biyernes, Pebrero 25.

“Anuman ang hirap na ating pinagdadaanan, may kakampi na tayo…” sabi ni Martin sa kanyang pagpapakilala ng bagong grupo ng party-list kasama ang first nominee nito na si Rep. Ronnie na makikita ang mga pagtulong na ginagawa sa likuran ng video ng partylist na ngayon ay kumakalat online. Dagdag pa ni Martin, “Ang AP Partylist ang tutulong magbigay ng trabaho at kabuhayan sa mga manggagawang Pilipino.”

Si Rep. Ronnie Ong ay matagal nang kaibigan ni Coco Martin at binansagan ng magasin na PeopleAsia bilang “frontliner Congressman.” Si Ong ay kilala sa mga kakaibang COVID-19 Bayanihan projects nito simula pa nung unang lockdown, tulad ng #LibrengSakay program para sa mga healthworker, ang #LibrengGulay program para sa mga community kitchen, ang #LibrengTablet at mga E-skwela Hub e-learning center para sa mga estudyante at mga guro.

Bago pa man ang pandemya, si Ong ay nagbigay suporta sa mga senior citizen na nais magkaroon ng hanap-buhay sa ilalim ng kanyang programang Tulong Pangkabuhayan na nagtalaga ng mga malalakas pang mga senior sa mga airport, public universities at government agencies. Sa gitna naman ng pandemya ay tinulungan ni Ong ang mga nawalan ng trabaho na mga transport driver ng UV Express at mga FX driver sa pamamagitan ng pag- empleyo sa kanila bilang mga drayber ng kanyang programang #LibrengSakay. Pati na rin ang ilang mga nawalan ng trabaho na mga empleyado ng ABS-CBN ay nabigyan nya ng alternatibong pagkakakitaan bilang mga contact tracer.

Hindi lamang si Coco Martin, ngunit pati na ang all-star cast ng FPJ’s Ang Probinsyano na bumubuo ng “Task Force Agila,” ay nagpahayag na rin ng kanilang pagsuporta sa AP Partylist sa kanila namang mga account sa social media, at ibinahagi nila ang mga adbokasiya ng AP Partylist na sang ayon sila. “Mula po noong umpisa nakasama na namin si Cong. Ronnie, at kita namin na nagtrabaho talaga siya, naglingkod talaga siya. Kaya ngayon, ang #164 AP Partylist na kasama siya ang sinusuportahan na namin. Sana po ay suportahan niyo rin,” sabi ni Coco Martin.

Bukod pa sa video endorsement, ang AP Partylist nakipagtulungan rin sa mga OPM artist na sina Bassilyo, Sisa at Smugglaz sa kanta nilang “Ako’y Pilipino,” isang awit na nagbabahagi ng pagmamalaki, sipag at tiyaga na taglay na mga katangian ng mga Pilipino. Inawit nilang, “Ikaw ay magtiwala, magtiwalang may magagawa. Ito na ang panahon, ang tamang pagkakataon, sa bawat daing mo’y magtutugon. Ako’y Pilipinong lumalaban, tumatapang, lalo kung nasusugatan, anumang pagsubok ang daanan, haharapin nang may kagitingan. Itaas mo ang noo, isigaw mo sa buong mundo, ako’y Pilipino.” Ang dalawang video ay makikita sa Youtube at sa opisyal na social media page ng AP Party-list. https://www.youtube.com/watch?v=FHAqU3Ie-m

Panawagan ni Coco Martin sa mga manonood na samahan siya sa kanyang bagong biyahe kasama ang bagong partylist, “Dito na tayo sa biyaheng aasenso ang lahat ng Pilipino… AP Partylist #AkoyPilipino, number 164 sa balota.”

Maging updated, sa karagdagang impormasyon, bisitahin: www.fb.watch/bnvpau0MFE/

Sa Jan. 24-28.. 5-day mobile vax drive sa PITX para sa transport workers — DOTr, MMDA

ni Lolet Abania | January 20, 2022

Inanunsiyo ng Department of Transportation (DOTr) at ng Metropolitan Manila Development Authority (MMDA) ngayong Huwebes na magsasagawa sila ng 5-day mobile vaccination drive para sa mga transportation workers na nais na magpabakuna kontra-COVID-19 sa susunod na linggo habang anila, ang “no vaccination, no ride” policy ay magpapatuloy.

Sa isang pahayag, sinabi ng DOTr na gaganapin ang vaccination drive sa Parañaque Integrated Terminal Exchange (PITX) mula Enero 24 hanggang 28, kung saan target nilang makapag-administer ng 500 shots araw-araw.

Ayon sa mga awtoridad, ang AstraZeneca COVID-19 vaccine ang kanilang gagamitin para sa unang dose, ikalawang dose at booster shots.

Gayundin, sinabi ng ahensiya na ang mga gustong makatanggap ng booster shots ay kanila ring babakunahan. Binanggit naman ni DOTr Secretary Arthur Tugade na layon ng vaccination drive na mabigyan ang mga transport workers ng proteksyon laban sa COVID-19.

Ani pa ng ahensiya, tatanggap din sila ng mga walk-in na gustong magpabakuna. Magsisimula ang programa ng alas-8:00 ng umaga hanggang alas-12:00 ng tanghali na gagawin sa Gate 4 ng PITX’s 2nd floor.