1st TikTok video ni Lisa ng BLACKPINK, higit sa 36M na ang views

ni Eli San Miguel @Entertainment News | June 8, 2024

Umabot na sa mahigit sa 36 milyong views sa ngayon ang unang TikTok video ni Lisa Manoban ng BLACKPINK.

Ito’y isang araw lamang matapos niyang i-post ang video. Mapapanood sa kanyang entry ang pagsasagawa ng iba’t-ibang pose sa saliw ng masayang tugtog. Ibinida rin niya sa video ang pagiging simple pero stylish ng kanyang OOTD.

Sa kasalukuyan, mayroon na itong mahigit sa pitong milyong reactions. Bukod dito, nagpahiwatig pa si Lisa ng kanyang comeback sa Instagram stories na ngayo’y masayang inaasahan ng mga fans.

US court, susuriin ang mga hamon sa posibleng TikTok ban

ni Angela Fernando @News | May 29, 2024

Itinakda ng United States appeals court nu'ng Martes ang mabilisang schedule upang talakayin ang mga legal na hamon sa bagong batas na nag-aatas sa China-based na ByteDance na ibenta ang mga asset ng TikTok sa nasabing bansa bago ang Enero 19 o harapin ang posibleng ban.

Isasagawa ang oral arguments sa Setyembre, ito ay matapos ang TikTok, ByteDance, at isang grupo ng mga content creators ng application ang sumama sa Justice Department nu'ng nakaraang buwan upang kondenahin ang desisyon.

Matatandaang nagsampa ng kaso ang isang grupo ng mga content creators ng TikTok nu'ng Mayo 14 upang harangin ang batas na maaaring magbawal sa app na ginagamit ng 170-milyong mga Amerikano.

Ayon sa schedule ng appeals court, kailangang magsumite ng mga legal na dokumento ang mga creator, TikTok, at ByteDance bago ang Hunyo 20 at ang Justice Department bago ang Hulyo 26, na may mga sagot na dokumento na dapat isumite bago ang Agosto 15.

Ivana, na-bully kaya tumigil sa pag-aaral

ni Angela Fernando - Trainee @News | February 19, 2024

First time na nag-collab ng mga content creators at YouTubers na sina Euleen Castro at Ivana Alawi kaya aliw na aliw ang mga supporters ng dalawa.

Sa ginawang episode sa YouTube Channel ni Euleen na "IVANA", ibinahagi ng Batang Quiapo actress na isa sa mga dahilan kaya napilitan siyang huminto sa pag-aaral ay dahil sa bullying na naranasan niya sa eskuwelahan.

Sey ni Ivana, dahil laking-ibang bansa siya'y hindi siya marunong ng Tagalog kaya naging tampulan din ito ng tukso ng kanyang mga kaklase.

Naranasan na rin daw ma-bully ni Ivana dahil sa kanyang hitsura.

"Sobra [akong] na-bully nu'ng elementary, high school. Kasi [raw] hindi ako maganda, ganyan," ani Ivana.

Pag-amin niya, hindi ganoon karami ang kanyang naging kaibigan, dalawa lang daw sa naging buong pag-aaral niya.

Napatawad naman na raw ng aktres ang kanyang mga bullies na humingi ng tawad sa kanya kalaunan.

Pinatawa at pinagaan nga ni Euleen ang pakiramdam ng aktres sa kanyang mga kuwelang hirit sa kanilang vlog.