Talunan sa TNT ng It's Showtime… SOFRONIO VASQUEZ, UNANG PINOY AT ASIAN NA WAGI SA THE VOICE USA

ni Jemuel C. Salterio @Talbog | Dec. 12, 2024

Sofronio Vasquez at Micheal Buble sa The Voice - IG

Bongga! Isa na namang Pinoy ang gumawa ng marka sa mundo ng musika. 

Si Sofronio Vasquez, ang dating Tawag Ng Tanghalan (TNT) semi-finalist sa It’s Showtime (IS) ay ang kauna-unahang Pilipino at Asian na nanalo sa prestihiyosong The Voice USA matapos ang 26 seasons nito.

Ito ang journey ni Sofronio, mga Ka-BULGARians, from local stage to global spotlight. Bago siya naging ultimate bet ng Amerika, si Sofronio ay nakilala bilang ‘King of Versatility’ ng TNT. 

Sa kabila ng kanyang paglalakbay sa mga lokal na singing contests gaya ng The Voice Philippines (TVP), hindi naging madali ang kanyang daan patungo sa tagumpay. Kung tutuusin, hindi pa nga siya umabot sa grand finals ng TNT noong 2019, semi-finals lang, mga Mars! (Kumusta naman kaya ang judging ng TNT kumpara sa The Voice USA judges, aber?). 

Ganunpaman, pinatunayan niya na hindi hadlang ang pagkatalo para makamit ang pangarap.

Pinabilib ni Sofronio ang mga hurado ng TNT sa kanyang mala-butter na boses at pagiging game sa iba’t ibang genre — pop, R&B, jazz, rock, at standards. Dahil sa talento niyang ito, nagkaroon din siya ng sariling kanta, ang Bakit Hindi Ko Sinabi sa ilalim ng ABS-CBN Music.

Pero hindi ru'n natapos ang kuwento niya. Kumbaga, parang Phoenix na muling bumangon si Sofronio, at ngayon, hindi lang Pilipinas ang kanyang pinahanga kundi pati buong mundo. 

Bigating mentor, bigating tagumpay ang drama ng ating kababayan.

Sa The Voice USA, naging mentor ni Sofronio ang international superstar na si Michael Bublé. Ani Bublé, “America, please lend your ears and vote to this man! He is the real deal. HE IS THE VOICE!” 

At hindi nga binigo ni Sofronio ang kanyang coach at fans. Sa grand finals, binirit niya ang A Million Dreams mula sa The Greatest Showman (TGS) — isang performance na talagang humugot ng emosyon mula sa mga manonood.

Ang pagkapanalo ni Sofronio sa The Voice USA ay isang malaking tagumpay ng lahing Pilipino. Ngayong siya na ang Grand Winner ng The Voice USA, hindi lang si Sofronio ang panalo kundi ang buong sambayanang Pilipino. Isa siyang patunay na kahit saang bahagi ng mundo, ang talentong Pinoy ay walang kapantay.

Ang kanyang kuwento ay paalala sa atin na kahit ilang beses ka mang mabigo, hindi ito katapusan ng laban. Tulad ng kanyang boses na tila umaabot hanggang langit, ang kanyang pangarap ay lumipad din sa kabila ng mga pagsubok.

Isa lang ang masasabi natin — angat na angat ang Pilipinas dahil kay Sofronio Vasquez, ang boses ng bagong henerasyon at ng American dream. Pak! 

Huge congratulations, Sofronio Vasquez!

Mabuhay ka. ‘Yun na! Ambooolancia! #ChairmanNgChikahan #MaritesInChief #Talbog

13-anyos na Pinay, Grand Winner ng The Voice Kids UK 2020

ni Thea Janica Teh | August 30, 2020

Grand winner ang isang 13-year old Pinay na si Justine Afante mula sa Team Pixie Lott sa The Voice Kids UK 2020!

Tinalo nito ang 7-year old Pinay singer din na si Victoria Alsina mula sa team will.i.am at George Elliot mula sa team Danny Jones at Dara McNicholl mula sa team Paloma Faith.

Kuwneto ni Afante, lubos itong nagulat dahil lahat umano ng kaniyang katunggali ay magagaling. “I didn’t think I was gonna be the winner.”

Sa kaniyang finale, kinanta ni Afale ang Listen ni Beyonce. Ibinahagi ni Lott na sobra siyang na-overwhelmed sa performance ni Afale. Aniya, “absolutely incredible, so rare and unique and special. I know how much you’ve grown. You didn’t know you could hit these notes. You’re singing notes higher than Beyonce. You’ve had that in you all along. But now, because you are believing in yourself, and I feel so lucky that I’ve got to witness that, all those people that said you had no talent, you have just proved them 100 percent wrong.”

Dagdag pa ni will.i.am, walang naging dull moment ang performance ni Afante at paganda pa nang paganda.

Bukod pa rito, kumanta rin si Afante ng Don’t You Worry Bout A Thing kasama ang kaniyang Coach Lott.

Sa kaniyang pagkapanalo, maiuuwi niya ang 30,000 pound at ultimate VIP theme park experience sa Universal Orlando Resort.

May kabuuang 5 Filipino ang napasok sa Blind Audition ng The Voice Kids UK.