Dwayne Johnson, napuruhan sa shooting ng The Smashing Machine

ni Angela Fernando @Entertainment News | June 12, 2024

Nagtamo ang sikat na Hollywood actor na si Dwayne Johnson ng injury na kanyang ibinunyag kamakailan sa Instagram.

Ayon sa 52-anyos na aktor, nasugatan siya sa filming ng nalalapit na pelikulang ’The Smashing Machine.' "Anytime your film is called The Smashing Machine, you're kind of going to get smashed up," saad ni Johnson.

Inamin ni Johnson na napuruhan siya sa ilang eksena at inaalalang maaaring magkaroon ng pinsala ang mga soft tissues sa braso niya na makukumpirma niya kapag tuluyang nawala na ang pamamaga ng kanyang siko.

Naging positibo pa ang remarks ni Johnson sa kanyang naging injury at naalala pa raw niya ang yumaong ama na si Rocky Johnson. Paalala raw kasi palagi nito na, "‘A day without pain is like a day without sunshine, boy!'"

Kinumpirma ni Johnson na nakaranas na siya ng mga injuries dati, ngunit humirit pa rin siya ng payo galing sa kanyang mga tagasuporta para sa mabilisan niyang paggaling.

James Bond actor na si Sean Connery, pumanaw na sa edad 90

ni Ronalyn Seminiano Reonico | November 1, 2020

Pumanaw na ang Scottish actor na kilala sa pagganap sa James Bond movie na si Sean Connery sa edad na 90.

Ayon sa ulat, namatay si Sean habang natutulog sa Bahamas. Bukod sa pagganap ni Connery bilang James Bond noong 1962-1971, kabilang din siya sa The Hunt for Red October, Indiana Jones, The League of Extraordinary Gentlemen, Last Crusade at The Rock.

Taong 1988 nang makatanggap si Connery ng Oscar’s Award dahil sa pagganap niya bilang Irish policeman sa The Untouchables.