Nagpa-tattoo na ng kilay, pa-kenkoy pa… SEN. CHIZ, SUNUD-SUNURAN NA LANG KAY HEART

ni Erlinda Rapadas @Teka Nga | June 5, 2023

Medyo dismayado kay Sen. Chiz Escudero ang ilan sa kanyang mga supporters na noon ay hangang-hanga sa talino at prinsipyo niya sa buhay.

Isa si Sen. Chiz sa mga respetadong senador ng Pilipinas at maaasahan sa pagsusulong ng mga makabuluhang batas. Palagi ring may sense ang kanyang mga sinasabi at ginagawa, kaya saludo sa kanya ang mga kapwa senador.

Pero, marami ang nagtataka kung bakit sunud-sunuran na lang si Sen. Chiz sa kanyang fashionistang wifey na si Heart Evangelista. Madalas ay kasa-kasama na siya ni Heart sa mga fashion events nito sa Paris.

Unang napansin ng publiko ang pagpapa-tattoo ni Sen. Chiz ng kanyang mga kilay. Tiyak daw na impluwensiya ito ni Heart.

At recently nga lang ay may ipinost na picture sa social media na makikitang nagme-“make face” ang dalawa. Naka-dila at nakangiwi pa nga si Sen. Chiz, walang kiyeme sa paggaya sa mga facial expressions ng asawang si Heart.

Kenkoy na kenkoy ang hitsura ni Sen. Chiz, kaya marami tuloy ang na-turn-off sa kanyang mga pinaggagagawa ngayon.

Well, ang depensa naman ng kampo nito ay pinagbibigyan lang ni Sen. Chiz ang kanyang misis. Kitang-kita na masayang-masaya si Heart sa suportang natatanggap niya sa mister.

Sa katunayan, fashionista na rin kung manamit ngayon si Sen. Chiz at nagsusuot na rin ito ng mga leather jackets. Madalas nga ay twinning pa sila ng porma at ayos ni Heart.

Mister, nabuking, napuno na... PRISCILLA, PINALITAN NA NI JOHN AFTER 12 YRS. NA KASAL

ni Erlinda Rapadas @Teka Nga | April 2, 2023

Sunud-sunod na naglabasan sa social media ang mga cryptic posts ng Brazilian beauty queen na si Priscilla Meirelles. Kinokondena nito ang isang vlogger-influencer from Cebu na diumano ay nakaka-chat ng asawang si John Estrada.

Tinawag pa niya ng kung anu-anong pangalan ang nasabing vlogger-influencer na may kinalaman sa pag-entertain ng isang babae sa lalaking may asawa na.

Kamakailan lamang ay nagdiwang ng kanilang 12th wedding anniversary sina Priscilla at John sa isang beach resort sa La Union.

Sa loob ng 12 yrs. nila bilang mag-asawa ay biniyayaan naman sila ng isang anak na babae, si Anechka.

Ayon sa isang post ni Priscilla, napuno na umano siya sa kanyang mister kaya't inilantad na niya sa publiko ang ginagawang pambababae ni John. Siya mismo ang nakahuli sa pagtataksil ng kanyang mister at sa babae nito.

Well, sey naman ng mga netizens ay hindi na dapat magulat at magtaka pa si Priscilla dahil kilala naman si John sa reputasyon nito bilang babaero.

Likas na habulin ng chicks ang aktor kaya dapat na tanggapin na lang ito ni Priscilla.

Hindi rin guaranteed na 12 years na silang kasal para hindi na mangaliwa ang kanyang mister.

Si Janice de Belen nga, nagkaroon pa ng apat na anak kay John, pero naakit pa rin sa ibang babae kaya nauwi ang kanilang pagsasama sa hiwalayan.

Mahihirapan na si Priscilla na baguhin pa ang pagiging playboy ni John.

BUHAY NI DATING FIRST LADY IMELDA MARCOS, GAGAWAN DIN NG MOVIE

ni Erlinda Rapadas @Teka Nga | March 3, 2023

Dahil sa tagumpay ng pelikulang Maid in Malacañang at Martyr or Murderer, balitang isang Japanese businessman ang balak gumawa ng pelikula na based sa life story ng dating First Lady Imelda R. Marcos.

Isang dating TV executive ng malaking network ang hahawak sa production ng Japanese producer. Ang nasabing TV executive ang kukuha ng mga artista, direktor, staff and crew ng production company.

Sanay na sanay sa movie and TV production ang nasabing TV executive kaya tiyak na magiging madali ang lahat sa pagsisimula ng The Imelda Marcos Life Story.

Balita rin namin, ang singer na si Imelda Papin na close sa Marcos Family ang balak kunin upang gumanap na Madam Imelda Marcos.

Bongga tiyak kapag natuloy ang project na ito.

Samantala, may mga nagtatanong kung sa part 3 ng Maid in Malacañang, ang Mabuhay, Aloha, Mabuhay ay kasama pa rin ang role ni Ruffa Gutierrez bilang si Imelda Marcos.

Tiyak kasing wala na si Cristine Reyes dahil si Eula Valdez na ang gaganap bilang Sen. Imee Marcos.

Wala na rin ang character ni Cesar Montano bilang si Apo Ferdie.

Ang character nina Manang Biday (Beverly Salviejo) at Manang Lucy (Elizabeth Oropesa), tiyak na kasali pa rin dahil kasama sila ng pamilya Marcos sa Hawaii.

Bongga ang gaganap bilang si Bongbong Marcos, ang magaling na aktor na si Aga Muhlach.

Tiyak na mas malaki ang production cost ng Part 3 dahil big stars ang nasa cast. For sure, milyones ang talent fee ni Aga Muhlach, ganoon din ni Eula Valdez.

Ano kaya ang magiging twist ng istorya sa Part 3? Ano'ng diskarte ang gagawin ni Direk Darryl Yap sa Mabuhay, Aloha, Mabuhay?