Kaya todo-live selling online… MARIEL, 'DI BINIBIGYAN NG DATUNG NI ROBIN PAMBILI NG DAMIT

ni Erlinda Rapadas @Teka Nga | May 12, 2024

File photo: Mariel Rodriguez Padilla at Robin Padilla

Likas na mahilig si Mariel Rodriguez sa mga branded na bags and shoes, kaya naman ang sipag niya sa kanyang live selling upang kumita ng sariling pera at mabili ang mga bagay na gusto niya. Tuloy pa rin ang kanyang steak business. 

Sa kanilang married life ni Sen. Robin Padilla, maliwanag ang kanilang set-up pagdating sa money matters. Ang lahat ng gastusin/bills tulad ng kuryente, tubig, groceries at sweldo ng mga kasambahay ay sagot ni Sen. Robin. Pero ang mga branded na gamit ng kanyang wifey na si Mariel, wala siyang budget na ibinibigay. Si Mariel na ang gumagastos sa personal niyang mga gamit at sa mga damit ng kanilang mga anak. 

Well, so far ay wala namang reklamo si Mariel Padilla kung hindi siya binibilhan ng kanyang mister ng mga branded na gamit.

Afterall, may sarili siyang pera at hindi nakadepende kay Sen. Robin Padilla.

P1.6 billion na raw ang yaman… ANNE, P25 M PER MOVIE, P450 K PER DAY SA IT'S SHOWTIME

ni Erlinda Rapadas @Teka Nga | May 11, 2024

File photo: Anne Curtis

Isa sa mga top-earners at highest-paid actress ngayon si Anne Curtis. May net worth daw siyang 1.6 billion at ang talent fee niya per movie project ay P25 million.

Para naman sa kanyang pagho-host sa It's Showtime ay P450 thousand a day daw ang kanyang TF, kaya bale P2.7 million a week ang tinatanggap niyang talent fee. Halos kapantay na ito ng kay Vice Ganda. 

Milyones din ang bayad kay Anne Curtis sa kanyang mga endorsements, kaya naman nakapagpundar na si Anne ng mga properties at financially stable na. 

Pero, marunong mag-share ng kanyang blessings ang aktres. May mga charitable institutions siyang tinutulungan bukod pa sa personal na tulong sa mga taong lumalapit sa kanya. Hindi nga lang niya ito inilalabas sa social media. 

Sosyal lang tingnan si Anne pero mabait, humble at matulungin, may soft spot siya sa mga mahihirap.

Kasundo rin siya ng kanyang mga co-stars. Wala kasi siyang attitude at hindi feeling big star kumilos. Marami ang naaaliw sa pagiging totoo ni Anne Curtis.

Binigyan pa si Diwata ng house and lot… DATING CONTESTANT SA SHOW NI WILLIE, MULTI-MILLIONAIRE NA NGAYON

ni Erlinda Rapadas @Teka Nga | May 10, 2024

Screenshot from video: Wowowin

Tiyak na ikinagulat ni Willie Revillame nang malaman na ang multi-millionaire na vlogger/businesswoman na si Rosmar Tan ay dati palang naging contestant sa Wowowin nu’ng cosplayers ang mga sumaling contestants sa isang segment ng show. 

Nakasuot noon si Rosmar ng costume na Spiderman.

Likas na hilig ni Rosmar ang pag-aartista, kaya lagi siyang sumasali sa mga pa-contest sa telebisyon. 

Ngayon ay super rich na si Rosmar, nakabili ng maraming properties, collection ng luxury cars at may mga negosyo. 

Ang kanyang negosyong cosmetics at skin care products ang naging daan upang magtagumpay si Rosmar. Kumikita siya nang milyun-milyon araw-araw. 

Napaka-generous din niyang mag-share ng blessings sa iba. Nai-feature na rin siya dati sa Kapuso Mo, Jessica Soho at na-interview na rin ni Toni Gonzaga sa Toni Talks.

Hindi lang sa cosmetics business matagumpay si Rosmar. Pinasok na rin niya ang negosyong paresan tulad ng Pares Queen na si Diwata. 

Rosmar at Diwata

Pero, magkaiba ang diskarte at promo nila sa kanilang paresan business. Friendly competition daw ito dahil nagpaalam naman si Rosmar kay Diwata. Niregaluhan pa niya ito ng house and lot, kotse at P1 million cash. 

Ganu’n kabonggang mag-share ng blessings si Rosmar Tan.