Google, inaayos ang demanda sa ‘Incognito’

ni Angela Fernando - Trainee @News | April 2, 2024

Magbubura ang Google ng bilyun-bilyong talaan ng data bilang bahagi ng pag-aayos para sa isang demanda sa ‘Incognito’ feature kung saan inakusahan ang tech giant ng hindi wastong pagsubaybay sa pag-browse sa web ng mga user na dapat sana'y pribado.

Ang kaso ay orihinal na isinampa nu'ng 2020 na kumaladkad sa kumpanya dahil sa maling pagpapakita ng kinokolekta nitong data mula sa mga user na nag-browse sa internet sa pamamagitan ng private browsing mode sa Chrome.

Sumang-ayon ang Google na ayusin ang kaso nu'ng 2023, ngunit ang mga tuntunin ng pag-aayos ay unang ibinulgar sa isang pagsusumite nu'ng Abril 1.

Ang mga aksyon ng kanilang pagsasaayos ay nakapaloob sa dokumento ng Korte na isinumite nu'ng Lunes sa pederal na Korte ng San Francisco.

Papalitan din ng Google ang kanilang pahayag upang ipaalam sa mga user kung anong data ang kinokolekta nito sa bawat pagpasok ng isang user sa isang pribadong sesyon ng pag-browse.

Samantala, sa susunod na limang taon, papayagan ng Google ang mga user ng Incognito na i-block ang third-party cookies bilang bahagi ng pag-aayos.

“Friendster,” oks uli sa masa

ni Eli San Miguel - Trainee @News | March 8, 2024

Nagsimulang lumipat sa Friendster ang mga tao bilang alternatibo para sa social networking, matapos ang kamakailang malawakang outage ng mga Meta apps.

Tinangkilik ang Friendster bilang isang plataporma ng social networking mula noong 2000s at tumigil sa operasyon noong 2015 ngunit inanunsiyo ang pagbabalik nito sa ilalim ng bagong may-ari na Friendster Labs Inc. noong Oktubre 2023.

Nagbabala naman ang Department of Information and Communications Technology (DICT) laban sa paggamit ng plataporma dahil sa mga posibilidad ng mga phishing activities.

Gayunpaman, may mensahe ang bagong website ng Friendster na nagsasabing bumalik na ito. Mayroon ding isang kahon kung saan maaaring ilagay ang email upang maging isa sa mga unang gumamit ng website.

Facebook, bumalik na sa ilang gumagamit matapos ang outage

by Info @News | March 6, 2024

Matapos ang ilang oras ng pagkakabigo ng Facebook at iba pang mga serbisyo nito tulad ng Instagram, Messenger, at WhatsApp, nakapag-log in na muli ang ilang mga gumagamit sa kanilang mga account.

Ayon sa Meta, ang kompanyang may-ari ng Facebook, ang dahilan ng outage ay isang pagbabago sa konpigurasyon ng mga backbone router na nagsasagawa ng network traffic sa pagitan ng mga data center ng kompanya, na nagdulot ng sunud-sunod na epekto at nagpahinto sa lahat ng mga serbisyo ng Facebook.

Sinabi ng Meta na naayos na nila ang problema at humingi ng paumanhin sa mga naapektuhan. Gayunpaman, mahalagang tandaan na hindi ito maaaring mag-apply sa lahat at patuloy pa ring nagbabago ang sitwasyon.

Sa ngayon, hindi pa malinaw kung ilang mga gumagamit ang naapektuhan ng outage at kung ano ang mga posibleng epekto nito sa seguridad at privacy ng mga datos.

Magbibigay kami ng mga update kapag mayroon nang bagong impormasyon.