Buy now, pay later puwede na sa GCash

ni Jasmin Joy Evangelista | March 13, 2022

Inilunsad ng GCash ang bago nitong feature na “buy now, pay later” kung saan pinapayagan ang mga Pilipino na bayaran ang mga ‘big-ticket items’ sa pamamagitan ng payment term na hanggang 24 ‘gives’ o installments.

Ang bagong feature na tinatawag na GGives ay papayagan ang mga qualified members na bayaran ang kanilang items na nagkakahalaga ng P30,000 ng hanggang 24 installments sa loob ng 12 buwan, ayon sa Ayala-led fintech.

"GCash's new lending features, such as as GGives and GLoan, are tailor-made for Filipinos'purchasing behaviors, such as installment pay or hulugan. This is because it allows them to have enough freedom to maximize their money while still getting to enjoy what they want and need," ayon kay GCash president and CEO Martha Sazon.

Sinabi rin ni Sazon na nag-o-offer ang feature na ito ng safe at effective credit services sa mga Pinoy na may patas at transparent na interest rates.

Ang mga kuwalipikadong users ay puwedeng mag-apply sa GGives at GLoan sa pamamagitan ng app, ayon sa GCash.

BSP, nanindigang hindi pa rin puwedeng magbalik-operasyon ang Lyka

ni Jasmin Joy Evangelista | October 12, 2021

Nagbigay ng panuntunan ang Bangko Sentral ng Pilipinas (BSP) para muling makabalik sa operasyon ang social media platform na Lyka.

Ayon sa BSP, hindi rehistrado ang Lyka bilang Operator of Payment (OPS) at kailangan munang magparehistro sa kanila sa ilalim ng National Payment Systems Act (Republic Act No. 11127).

Anila, imbes na ang marketing arm nito na Digital Spring Marketing and Advertising Inc., kailangang mismong Lyka ang magpa-register.

Dagdag pa ng BSP, pinaninindigan nila ang cease and desist order na kanilang ipinalabas laban sa Digital Spring noon pang Hulyo 23, 2021 na dapat mismo ang Lyka/TIL at hindi Digital Spring ang magrehistro bilang OPS sa BSP.

Kapag nakapagrehistro na raw ang Lyka ay maaari na nilang tanggalin ang effectivity ng CDO.

Matatandaang sumikat ang Lyka na isang social media application kung saan puwedeng makakuha ng ‘gems’ sa simpleng pagpo-post at ang mga ‘gems’ na makokolekta rito ay maaari nang gamitin para ipambili ng kagamitan o serbisyo sa mga partner establishment ng social media platform.

Bangko Sentral ng Pilipinas, ilulunsad ang digital payment stream na QR Ph Person-to-Merchant (P2M)

ni Jasmin Joy Evangelista | October 11, 2021

Nakatakdang ilunsad ng Bangko Sentral ng Pilipinas ang QR Ph Person-to-Merchant (P2M) digital payment stream bukas, Oktubre 12, 2021.

Ang National QR Code Standard o QR Ph ay nagbibigay ng alternatibong paraan ng pagbabayad para sa mga maliliit o pangmaramihang transaksyon.

Sa pamamagitan ng QR Ph P2M, puwede nang makamit ng maliliit na negosyante ang mahusay at maginhawang transaksiyon sa pamamagitan ng QR technology.

“QR PH P2M is expected to bring broad and wide ranging-benefits to both consumers and businesses by providing Filipinos with a convenient and safe alternative to the traditional payment methods that use cash and coins”, ani BSP Governor Benjamin E. Diokno sa Facebook account ng Bangko Sentral ng Pilipinas.

Sa tulong ng QR Ph Payment-to-Merchant (P2M), ang mga tricycle drivers, tindero/tindera sa palengke, mga may-ari ng sari-sari store at iba pang maliliit na negosyo ay mararanasan na ang mga benepisyo ng QR Technology.

Magbibigay ito ng madali at murang paraan ng pagbabayad para sa mga maliliit o pangmaramihang transaksiyon.

Hindi na magiging problema ang panukli dahil puwede nang magbayad ang customer ng eksaktong halaga.

Para sa iba pang detalye, panoorin ang paglulunsad ng QR Ph P2M bukas, Oktubre 12, 3:30PM sa Facebook account ng Bangko Sentral ng Pilipinas.