Ulat ng People's Television Network, Inc. (PTNI) @Info | Jan. 12, 2025
Binigyang-diin ni Pangulong Ferdinand R. Marcos Jr. ang panukala ng administrasyon naBinigyang-diin ni Pangulong Ferdinand R. Marcos Jr. ang panukala ng administrasyon na maglaan ng puhunan para sa pag-unlad ng Hilagang Mindanao sa pamamagitan ng paglagmaglaan ng puhunan para sa pag-unlad ng Hilagang Mindanao sa pamamagitan ng paglag--da sa Laguindingan International Airport Public-Private Partnership (PPP) Project Concesda sa Laguindingan International Airport Public-Private Partnership (PPP) Project Conces--sion Agreement sa Malacañan Palace noong Oktubre 28, 2024.sion Agreement sa Malacañan Palace noong Oktubre 28, 2024.
Nagsimula na ang modernisasyon at pag-upgrade ng mga paliparan sa Laguindingan, Panglao, Caticlan, Bukidnon, at Tacloban bilang bahagi ng estratehiya ni Pangulong Ferdinand Marcos Jr. na gawing global tourism at investment hub ang bansa.
Ayon sa Pangulo, “Ito ang paraan natin upang magkaroon ng isang ingklusibo at masaganang Bagong Pilipinas. Pinagbubuti pa natin ang karanasan ng mga turista sa pamamagitan ng pagpapalawak at pag-upgrade ng mga paliparan na nag-uugnay sa Visayas at Mindanao sa buong mundo. Ang mga paliparan natin ay magbubukas ng mga bagong oportunidad para sa turismo at pag-unlad ng ekonomiya.”
Nagbibigay-daan ang mga paliparan sa pag-taas ng bilang ng mga turista sa pamamagitan ng pagpapabuti ng accessibility, pagpapasigla ng ekonomiya, at pagpapahusay sa karanasan ng mga manlalakbay. “Sa utos ng Pangulo, layunin nating iangat ang transport sector ng bansa sa global standards. Ang mga inisyatibo natin sa transportasyon ay magdudulot ng paglago ng turismo at pang-ekonomiyang pagbabago,” ayon kay Secretary Jaime J. Bautista ng Department of Transportation (DoTr).
PHP 712 bilyon mula sa turismo noong 2024
Pinatutunayan ito ng pinakabagong da-tos. Sa kabila ng mga hamon sa buong mundo, umabot sa PHP 712 bilyon ang halagang ginugol ng mga turista noong 2024, na 119% na pagtaas mula sa PHP 600.01 bilyon noong 2019 bago ng pandemya. Mas mahaba na rin ang itinatagal ng mga turista sa kanilang destinasyon, mula 9 hanggang 11 gabi. Ang Pilipinas ay may pinakamataas na tourism per capita spend sa ASEAN na higit sa USD 2,000 at mahigit 70% ng mga bisita ang patuloy na bumabalik.
Sa isang inspeksyon sa Ormoc Airport noong Oktubre 20,Sa isang inspeksyon sa Ormoc Airport noong Oktubre 20, 2022, ipinahayag ni Pangulong Ferdinand R. Marcos na ang2022, ipinahayag ni Pangulong Ferdinand R. Marcos na ang pagbubukas ng paliparan para sa mga komersyal na flight aypagbubukas ng paliparan para sa mga komersyal na flight ay maghahatid ng higit pang kaunlaran sa lungsod at sa rehiyon ngmaghahatid ng higit pang kaunlaran sa lungsod at sa rehiyon ng Silangang Visayas.Silangang Visayas.
Bukod pa sa pagdaragdag ng mga atraksyon, tinitiyak din ng administrasyong Mar-cos na ligtas na makararating ang mga turista sa mga beach, food adventures, at wellness tours sa pamamagitan ng world-class na mga paliparan.
Laguindingan Airport: Gateway ng Northern Mindanao sa mundo
Kilala sa makapigil-hiningang Maria Cristina Falls at mga luntiang nature park, matagal nang nakaaakit ng turista ang Northern Mindanao.
Upang higit pang tumaas ang bilang ng makabibisita sa Maria Cristina Falls, nilagdaan ng DoTr at Aboitiz InfraCapital noong Oktubre 2024 ang isang kasunduang nagpapalawak at nagpapaunlad sa Laguindingan Airport sa Misamis Oriental. Mahigit doble ang madaragdag sa taunang kapasidad nito mula 1.6 milyon hanggang 3.9 milyong pasahero sa 2026, at aabot ng 6.3 milyon pasahero taon-taon sa pagtata-pos ng proyekto.
Sa paglalagda ng concession agreement kasunod ng Notice of Award noong Setyembre 30, 2024, maisasagawa ang pag-upgrade ng paliparan sa ilalim ng P12.75 bilyong Public-Private Partnership (PPP) arrangement. Magsisimula ang 30-taong concession period sa Abril 2025 at pamamahalaan ng Aboitiz InfraCapital (AIC) ang operasyon at maintenance ng paliparan.
Ang Laguindingan Airport ay magiging pan-gunahing gateway para sa lokal at internasyonal na mga manlalakbay. Mula nang buksan noong 2013, naging mahalagang trans-portation hub ito para sa Northern Mindanao, na nagbibigay-serbisyo sa mga lungsod ng Cagayan de Oro, Iligan, at Marawi, gayundin sa mga lalawigan ng Misamis Oriental, Lanao del Norte, at Bukidnon. Sa kasalukuyan, ito na ang pangalawang pinaka abalang paliparan sa Mindanao, kasunod ng Francisco Bangoy International Airport sa Davao City.
Noong 2023, umabot sa 2.6 milyon ang domestic travelers at 39,000 foreign tourists sa Northern Mindanao. Ang modernisasyon ng paliparan ay makatutulong upang higit pang makilala ang rehiyon bilang premier destination.
Aprubado ng National Economic and Development Authority (NEDA) noong Hulyo 2023 ang PPP initiative na ito na nagpapahusay sa karanasan ng mga pasahero at nagpapalawig ng kapasidad at functionality ng paliparan.
Bohol-Panglao at Caticlan airports: Mga sentro ng turismo
Isa pang paliparan na sumasailalim sa malawakang pagbabago ay ang Bohol-Panglao International Airport, ang ika-siyam na pinaka abalang paliparan sa bansa.
Pamamahalaan ito ng Aboitiz InfraCapital sa pamamagitan ng PHP4.53 bilyong unsolicited bid, na naglalayong taasan ng 25% ang kapasidad nito mula 2 milyon hanggang 2.5 milyong pasahero sa loob ng dalawang taon. Sa taong 2030, inaasahang aabot ito sa 3.9 milyong pasahero taon-taon.
Kasunod ng Notice of Award noong No-byembre 18, 2024 at ng 30-taong concession period na magsisimula sa 2025, mapapabilang sa proyekto ang pagpapalawak ng passenger terminal building, paglalagay ng state-of-the-art equipment, at modernisasyon ng airside at landside facilities.
Layunin ng upgrade na matugunan ang lumalaking pangangailangan ng mga manlalakbay na hanap ang mga likas na atraksyon ng Bohol tulad ng Chocolate Hills, serene beaches, at mga tarsier, gayundin ang mayaman at makulay nitong kultura.
Ayon sa Bohol Provincial Tourism Office, mahigit isang milyong turista ang bumisita noong 2023. Sa bilang na ito, 67% ay domestic travelers, habang 33% ay international visitors, at ang mga South Koreans ang pinakamalaking grupo na may 41.8%. Kabilang din sa mga bumisita sa Bohol ang mga turista mula sa China, Taiwan, United States, Germany, at France. Iniugnay ng provincial government ang pagtaas ng bilang ng mga bisita sa pagbubukas ng direct flights papunta at mula sa Bohol.
Makatatanggap din ng mas modernong pasilidad ang Caticlan Airport, ang pangunahing gateway sa isla ng Boracay. Ang paliparan, na nagbigay-serbisyo sa mahigit 1.7 milyong turista noong Enero hanggang Oktubre ng 2024, ay magkakaroon ng bagong terminal building at higit pang palalawakin ang runway para sa mas malalaking jet aircraft.
Samantala, ang Megawide Construction Corp., na nagtayo ng world-class passenger terminal sa Mactan-Cebu International Airport at Clark International Airport, ang nakakuha ng kontrata para sa disenyo at konstruksyon ng bagong terminal building sa Cat-iclan Airport.
Kilala rin bilang Godofredo P. Ramos International Airport, nagsisilbi itong pan-gunahing gateway para sa mga bumibisita sa white sand beaches ng Boracay. Ang paliparan ay pinamamahalaan ng Trans Aire Develop-ment Holdings Corp., isang subsidiary ng San Miguel Corporation Infrastructure.
Bukidnon at Tacloban airports: Magpapalakas ng regional connectivity
Dalawang paliparan pa ang magpapabuti sa air connectivity sa Pilipinas. Inaasahang makukumpleto ang mga pag-upgrade sa Bukidnon at Tacloban airports sa taong 2025 at 2026.
Patuloy naman ang mga pagbabago sa Bukidnon Airport sa Maraymaray, Don Carlos na nakumpleto na ang Phases 1 at 2 ng proyekto, kasama ang runway, embankment, at apron areas. Nakatuon naman ang Phase 3 sa aerodrome development, habang ang passenger terminal building ay inaasahang matat-apos sa Enero 2025.
Sa kasalukuyan, nakapaglilingkod ito sa maliliit na turboprop aircraft, at sa huling bahagi ng 2026, inaasahang makapagbibigay-serbisyo ang paliparan sa A320 jets. Magsisilbi rin ito sa 1.5 milyong residente ng Bukidnon at karatig na lalawigan, at magpa-pasigla sa turismo at ekonomiya ng rehiyon.
Samantala, ang Tacloban Airport, kilala rin bilang Daniel Z. Romualdez Airport, ay sumasailalim sa komprehensibong upgrade na naaayon sa international standards.
Kasama rito ang pagtatayo ng bagong passenger terminal building, pagpapahaba ng runway, at pagpapabuti ng access roads, na inaasahang matatapos sa 2026.
Noong 2022, nakapaglingkod ang paliparan sa 1.48 milyong pasahero at nag-proseso ng 40 daily flights. Makikinabang din ito sa PHP4.58 bilyong Tacloban Causeway na magpapaikli ng travel time mula sa city center patungong paliparan na tatagal lamang ng limang minuto.
Ang Phase 1 ng terminal building renovation ay may badyet na PHP761.91 milyon, habang ang susunod na phases ay nangangailangan ng karagdagang pondo, kasama ang halagang gagamitin para sa site acquisition at airport facilities, upang masiguro ang pangmatagalang epekto nito sa koneksyon at pag-unlad ng rehiyon.
