3 bata, nahulog sa manhole, patay

ni Twincle Esquierdo | December 3, 2020

Patay ang 3 bata matapos mahulog sa manhole sa Western Bicutan, Taguig City ngayong araw.

Ayon sa Taguig City Police chief na si Police Colonel Celso Rodriguez, ang dalawang biktima ay parehong anim na taong gulang at walong taong gulang naman ang isa pa at hindi na binanggit ang kanilang mga pangalan.

Dead-on arrival nang dinala sa pinakamalapit na ospital ang tatlong bata. Patuloy namang iniimbestigahan ng mga awtoridad kung paano nahulog ang mga ito sa manhole.

Lalaking nagnakaw ng karne, timbog sa Taguig

ni Thea Janica Teh | August 31, 2020

Hinuli ang isang 28-anyos na lalaki matapos itong makitang nagnakaw sa isang mini-mart sa Barangay Ligid-Tipas Taguig ng karne nitong Sabado.

Ayon sa Southern Police District, dumating sa tindahan ang lalaki nang alas-7 ng gabi at

nagnakaw ng 2 frozen meat, isang kasim at isang marinated na barbeque na tig-kalahating kilo. Ito ay nagkakahalaga ng P270.

Matapos makita sa CCTV ng isa sa mga staff ng tindahan, hinabol pa umano ito hanggang sa labas ng tindahan. Agad naman itong nahuli ng 2 bantay-bayan ng barangay.

Napag-alamang walang trabaho ang suspek at taga-ibang barangay. Agad itong dinala sa Substation 5 sa Tipas bago inilipat sa headquarters ng Taguig City Police.