Impeachment laban kay SC Associate Justice Leonen, ibinasura

ni Lolet Abania | May 27, 2021

Ibinasura ng House Committee on Justice ngayong Huwebes ang impeachment complaint na inihain laban kay Supreme Court Associate Justice Marvic Leonen.

Sa naganap na pagdinig, pinagtalunan ng mga mambabatas na ang complaint na inihain ni Edwin Cordevilla, secretary-general ng Filipino League of Advocates For Good Government noong December 7, 2020 ay ‘base sa hearsay.’

May botong 44 ng mga mambabatas na nag-yes para i-dismiss ang impeachment complaint habang 2 ay inhibited.

“Being hearsay and not based on authentic record, we cannot take this as a ground even on the question of verification on the matter of the court,” ani Representative Vicente “Ching” Veloso.

“The verification failed to satisfy the requirement that the allegations of the complainant must be based on his personal knowledge or must be based on authentic records,” dagdag ni Veloso.

Ang impeachment complaint laban kay Leonen ay inihain noong Dec. 7, hinggil sa pagkabigo umano nito na umaksiyon agad sa mga kasong dinidinig sa Supreme Court at i-file ang kanyang statements of assets, liabilities and net worth (SALN).

Ito rin ang naging kaso sa napatalsik na si yumaong Renato Corona, gayundin kay Maria Lourdes Sereno bilang chief justice – sa dahilang impeachment at quo warranto.

“It is not based on authentic record as required by our rules... All the annexes are Xerox copies and mainly coming from newspaper reports and online reports... A perusal of the complaint itself and the annexes shows that not one matter, not one annex is based on his personal knowledge,” ani Deputy Speaker Rufus Rodriguez sa ginanap na 2-oras na proceeding.

"Therefore the complaint is undeniably purely hearsay and the rules of evidence would say that hearsay would not stand in any proceeding," dagdag niya.

Batay sa Impeachment Rule 3, Sec. 4, ang inihaing complaint ay ibabalik sa Secretary General na may kaakibat na written explanation, habang ang Secretary General naman ay ibabalik ito sa complainant o complainants kasama ang written explanation ng committee sa loob ng 3 session days.

Samantala, lumabas ngayong araw sa social media ang isang larawan ni Leonen ng may delivery ng 8,000 kilos ng mga kamote na may #labguru #SamaSamaTulongTulong…, kung saan nakasakay siya sa motor at walang face mask habang nasa likod niya ang trak ng saku-sakong kamote.

Supreme Court, 5 araw sarado

ni Lolet Abania | March 10, 2021

Sinuspinde ni Chief Justice Diosdado Peralta ang serbisyo ng Supreme Court (SC) mula Marso 11 hanggang Marso 14 upang magbigay-daan sa disinfection at sanitation ng mga opisina at gusali nito para maiwasan ang pagkalat ng COVID-19.

Nagdesisyon si Peralta na itigil muna ang mga trabaho sa SC dahil sa pagtaas ng COVID-19 cases at ang pagkalat ng mga bagong variants nito na nakapasok sa bansa.

Gayunman, sa memorandum circular ni Peralta, ang mga on-duty personnel tulad ng medical at dental services, security at maintenance divisions at ang Office of Administrative Services ay papayagang mag-report sa mga nabanggit na araw.

Ang mga naitakdang meetings ng mga komite bago pa ang suspensiyon ay papayagang isagawa depende sa deskrisyon ng committee heads, habang ang mga chief ng mga opisina ay dadalo lamang kung kinakailangan.

Gayundin, mula Marso 15 hanggang 19, lahat ng opisina ay mananatili sa skeletal workforce na 50% para sa patuloy na pagkakaroon ng physical distancing ng six feet.

SC ibinasura ang election protest ni Marcos vs VP Robredo

ni Lolet Abania | February 17, 2021

Dinismis na ng Supreme Court (SC), tumatayo bilang Presidential Electoral Tribunal (PET) ngayong Martes, ang election protest na inihain ni dating Senador Ferdinand “Bongbong” Marcos Jr. laban kay Bise-Presidente Leni Robredo sa naging resulta noong 2016 na halalan.

Ayon kay SC Spokesperson Brian Hosaka, nagkakaisa ang naging desisyon ng korte na ibasura ang naturang protesta kung saan halos umabot ng limang taon matapos na i-file ito ni Marcos noong June 29, 2016.

Sinabi ni Hosaka na sa 15 justices na dumalo sa meeting, pitong magistrates ang “fully concurred” sa dismissal habang ang natitira naman ay “concurred” ang kanilang boto.

Ang lumabas na desisyon ay nakatakdang i-upload sa website ng high court. Gayunman, hindi masabi ni Hosaka kung ang naging desisyon ay maaari pang iapela.

“I cannot answer the question because I only have the information which I read,” ani Hosaka sa isang news conference ngayong Martes.

Ayon sa election lawyer ni Robredo na si Romulo Macalintal, hindi pa nila natatanggap ang kopya ng desisyon subalit magsasagawa ang kanilang kampo ng press conference kapag hawak na nila ito.

“Hindi pa kami nakakatanggap ng desisyon, nakinig lamang kami sa presscon. Ngayon lang kami magkakausap mula nu’ng magkaroon ng pandemya tungkol sa bagay na ito,” ani Macalintal.

Sinabi naman ng abogadong si Vic Rodriguez, spokesperson ni Marcos, wala pa rin sila natatanggap na kopya ng desisyon.

"The information that we have are primarily sourced from our media friends and not from any official notice or information emanating from the Presidential Electoral Tribunal," ayon sa emailed statement ni Rodriguez.

"We shall issue our statement on the matter as soon as we have established the facts based on official document or pronouncement coming from the PET," dagdag ni Rodriguez.

Sa pahayag ng Palasyo, nirerespeto nila ang desisyon ng Supreme Court subalit maaari pa umanong mag-file ng appeal si Marcos.

“‘Yan ay desisyon ng Kataas-taasang Hukuman. We respect that,” ani Presidential Spokesperson Harry Roque sa isang press conference sa Davao City.

“We respect also that the camp of (former) senator Bongbong Marcos has a further remedy of moving for reconsideration,” dagdag ni Roque.