California, nasa state of emergency sa sobrang init

ni Ronalyn Seminiano Reonico | June 19, 2021

Idineklara ang state of emergency sa California matapos maitala ang matinding init dulot ng mataas na temperatura.

Naitala ang excessive heat warning sa Arizona at California, gayundin sa southern areas ng Nevada at Utah.

Inabisuhan din ng pamahalaan ang mga residente na manatili lamang sa air-conditioned areas dahil inaasahang mananatili sa 100-110F (37-43C) ang temperatura hanggang sa Linggo.

Samantala, epektibo ang naturang state of emergency hanggang sa Linggo, ayon kay Governor Gavin Newsom.

Israel pinasabog, State of emergency idineklara

ni Mary Gutierrez Almirañez | May 12, 2021

Nagdeklara ng state of emergency sa gitnang bahagi ng Lod City si Israeli Prime Minister Benjamin Netanyahu at ipinakalat ang hukbo ng militar sa buong bayan ngayong araw, May 12.

Aniya, “Wide-scale riots erupted by some of the Arab residents and endangering communities."

Nangyari ang madugong hidwaan sa pagitan ng mga Israeli at Palestinian, kung saan isang Israeli Arab ang namatay sa naunang pagpapasabog ng Hamas Palestinian military sa bahagi ng Israel.

Matatandaang kahapon ay gumanti ang Israel at pinaulanan ng mga rocket ang Hamas na nagdulot ng pagkasawi ng ilang sibilyan.

"This is just the beginning," pagbabanta ni Israeli Defense Minister Benny Gantz.

Hindi naman nagpasindak ang mga Palestinian at buong-tapang nilang pinaunlakan ang nagbabantang giyera sa pagitan ng dalawang hukbo.

"If Israel wants to escalate, we are ready for it," tugon pa ng Hamas leader na si Ismail Haniyeh.

Sa ngayon ay patuloy na nababalot ng tensiyon ang buong mundo, idagdag pa ang relasyon ng ‘Pinas at China na kinatatakutang magkalamat dahil sa usapin sa West Philippine Sea.