ni Mary Gutierrez Almirañez | February 10, 2021
Isinailalim sa state of calamity ang Bayambang, Pangasinan dahil sa pag-atake ng Harabas (armyworms) sa mahigit 1,500 ektaryang taniman ng sibuyas.
Gagamitin ng lokal na pamahalaan ang calamity fund upang matulungan ang 66 na barangay at ang 1,400 na mga magsasakang naapektuhan.
Taong 2016 noong unang naminsala ang armyworms sa nasabing lalawigan kung saan mahigit 500 ektarya ng sibuyasan ang naapektuhan.
ni Twincle Esquierdo | November 18, 2020
Matapos ang Bagyong Rolly at Ulysses, isinailalim ni Pangulong Rodrigo Duterte ang buong Luzon sa state of calamity.
Sa isang panayam nitong Martes, sinabi ni Pangulong Duterte na napirmahan na niya ang papel na nagsasabing isasailalim ang buong Luzon sa state of calamity.
“Mukhang napirmahan ko na ata last night, I think I signed the proclamation,” sabi ng pangulo.
Ayon naman kay National Disaster Risk Reduction and Management Council (NDRRMC) Executive Director Undersecretary Ricardo Jalad, "It was approved during the meeting the recommendation for President Rodrigo Duterte to place under state of calamity the entire Luzon to address the impacts of the latest typhoons that hit the country.
"It was also agreed during the meeting to convene a technical working group of the joint prevention, mitigation and preparedness clusters of the NDRRMC to assess the current dam management," sabi pa ni Jalad.
Inatasan naman ni Defense Secretary Delfin Lorenzana ang PAGASA na muling balikan ang mga nagdaang bagyo upang paigtingin ang mga babalang isasapubliko.
Binigyang-diin ni Lorenzana sa pagpupulong ang iba't ibang pangangailangan ng mga ahensiya tulad ng pagbibigay ng tulong sa mga apektadong magsasaka at mangingisda, paglilinis ng kalsada, mga kinakailangan sa tirahan at iba pang mga recovery interventions.
ni Ronalyn Seminiano Reonico | November 16, 2020
Inirekomenda ng National Disaster Risk Reduction and Management Council (NDRRMC) ngayong Lunes na isailalim ang buong Luzon sa state of calamity dahil sa naging epekto ng pananalasa ng sunud-sunod na bagyo.
Saad ni NDRRMC Executive Director Undersecretary Ricardo Jalad, “It was approved during the meeting the recommendation for President Rodrigo Duterte to place under state of calamity the entire Luzon to address the impacts of the latest typhoons that hit the country.
“It was also agreed during the meeting to convene a technical working group of the joint prevention, mitigation, and preparedness clusters of the NDRRMC to assess the current dam management.”
Napagkasunduan ng ilang ahensiya ng pamahalaan kabilang na ang NDRRMC na irekomenda kay P-Duterte ang pagsasailalim ng buong Luzon sa state of calamity sa emergency meeting ngayong Lunes.
Saad pa ni Jalad, "PAGASA (the Philippine Atmospheric, Geophysical and Astronomical Services Administration) was also instructed by NDRRMC chairperson and Defense Secretary Delfin Lorenzana who led the meeting to revisit its historical data to strengthen warnings beforehand.”
Samantala, ayon sa Republic Act 7581, ipinagbabawal ang pagtataas ng presyo sa mga pangunahing bilihin o pangangailangan kapag idineklara o isinailalim ang isang lugar sa state of calamity.
