Dahil sa mahabang pila at maraming transaksiyon… 13 branches ng SSS bukas ngayong araw

ni Jasmin Joy Evangelista | March 5, 2022

Matapos makatanggap ng mga report hinggil sa mahabang pila ng mga members at pensioners sa labas ng Quezon City headquarters, inanunsiyo ng Social Security System (SSS) na magbubukas ang 13 Metro Manila branches nito ngayong araw, Sabado.

Sa inilabas na advisory, sinabi ng SSS na ang mga sumusunod na branches ay nag-extend ng service hours hanggang 7 p.m. nitong Biyernes: Diliman; Cubao; San Francisco Del Monte; Batasan Hills; J.P. Rizal-Makati; Pasig-Pioneer; New Panaderos; Parañaque; SM Aura-Taguig; Las Piñas; Alabang-Muntinlupa; Binondo; at Manila.

“These branches will also be open from 8 a.m. to 5 p.m. on Saturday, March 5. Please observe standard health protocols (such as social distancing, temperature check, and wearing of face masks),” ayon sa SSS advisory.

Ayon pa sa SSS, ang extension ng service hours at pagbubukas sa araw ng Sabado ay dahil sa mataas na bilang ng mga transaksiyon dala ng bagong alert level na ipinatupad.

“The selected SSS branches will accept all transactions except the automated tellering system (ATS) facility from 8 a.m. until 5 p.m. on Saturday,” paliwanag ng SSS.

“The SSS urges its members and claimants to utilize its online facilities such as the My.SSS portal and the SSS mobile app. Since March 2020, the SSS has shifted majority of its over-the-counter transactions to the My.SSS and SSS mobile app platforms to allow its members to conduct their transactions 24/7 at the comfort of their homes or offices,” dagdag pa nito.

Pinaalalahanan din ng ahensiya ang mga miyembro at mga pensioners: “the majority of SSS benefit claim and loan applications can be submitted online through members’ My.SSS accounts on the SSS website or via the SSS mobile app.”

“Payments may also be made online or over-the-counter through banks and non-bank collecting agents.”

The SSS’s advisory on its social media pages reminded members and pensioners that “the majority of SSS benefit claim and loan applications can be submitted online through members’ My.SSS accounts on the SSS website or via the SSS mobile app.” It added that “payments may also be made online or over-the-counter through banks and non-bank collecting agents.”

Alamin: Online update ng record sa SSS

@Buti na lang may SSS | February 27, 2022

Dear SSS,

Mahalaga ba na i-update ang rekord ko sa SSS? Bagong kasal ako at nais kong ilagay na beneficiary ang aking asawa. — Shaina

Sagot

Mabuting araw sa iyo, Shaina!

Sadyang napakahalagang updated at tama ang impormasyon ng iyong pangalan, petsa ng kapanganakan at iba pang detalye na nakatala sa iyong record sa SSS. Ang pagkakaroon ng hindi tugmang impormasyon sa personal record ay maaaring magdulot ng problema sa miyembro, lalo na kung mag-apply ng loan application at benefit claims.

Maaari kasing maantala ang pagpoproseso ng iyong mga transaksiyon sa SSS kung mayroong hindi tugma o discrepancies sa iyony record. Kaya patuloy ang aming paghikayat na i-update ng mga miyembro ang kanilang rekord sa SSS, lalo na sa pagpapalit ng pangalan, petsa ng kapanganakan, higit lalo ang pagdagdag ng mga bagong benepisaryo. Tulad sa iyong kaso, dapat mong i-update ang iyong civil status sa kadahilanang ikaw ay nag-asawa na.

Simple lamang ang pag-update ng rekord sa SSS. Maaari itong gawin gamit ang iyong My.SSS account at hindi na kailangan pang magsadya sa pinakamalapit na sangay ng SSS.

Kinakailangan lamang na ikaw ay nakarehistro na at may sariling My.SSS account.

Upang makapagrehistro, maaaring magtungo sa SSS website at i-click ang “MEMBER.”

Dadalhin ka nito sa member login portal at i-click mo ang “Not yet registered in My.SSS?” upang masimulan ang iyong pagrerehistro rito. Punan ang lahat ng kinakailangang impormasyon. Tandaan na ang irerehistro mong e-mail address ay aktibo at nagagamit mo pa dahil dito ipadadala ng SSS ang link para mai-activate at magamit ang iyong account.

Kung ikaw ay mayroon ng My.SSS account, i-click mo ang “Member.” Mag-login ka gamit ang iyong user ID at password. Sunod, i-click ang “I’m not a robot” at i-click ang “Submit.”

Makikita mo ang mga tab ng “HOME,” “MEMBER INFO,” “INQUIRY,” E-SERVICES,” at “PAYMENT REFERENCE NUMBER (PRN).” I-click mo ang “E-SERVICES” tab at hanapin mo ang “Request for Member Data Change (Simple Correction).” Piliin ang “CIVIL STATUS” upang maiupdate ang iyong civil status mula Single ito ay magiging Married.

Gamit ito ay maaaring i-update ang iyong apelyido mula sa apelyido mo sa iyong pagkadalaga ay maaari na itong palitan iyong apelyido ng iyong napangasawa. Sunod, dapat i-upload ang supporting document bilang patunay ng pagbabago ng iyong civil status sa pag-upload ng iyong Marriage Certificate.

Sunod, i-click mo ang “This is to certify that all information and documents are true” at isumite ito sa pamamagitan ng pag-click sa “SUBMIT.” Kapag successful ang iyong transaction, lilitaw ang transaction number. Mahalaga na tandaan mo ito. I-check mo ang iyong email na nakarehistro sa SSS sapagkat dito ipapadala ang Notice of Approval o Rejection sa iyong request.

***

Nais naming ipaalam sa ating mga miyembro na pinalawig ang application period ng Short-Term Member Loan Penalty Condonation Program o ang Pandemic Relief and Restructuring Program 5 hanggang May 14, 2022. Sa ilalim nito, hindi na kailangang bayaran ng miyembro ang mga naipong multa o penalties sa hindi niya nabayarang utang sa SSS, tulad ng salary loan, Calamity loan, Salary Loan Early Renewal Program (SLERP), Emergency loan at restructured loans sa ilalim ng Loan Restructuring Program (LRP) na ipinatupad noong 2016 hanggang 2019.

Bukod dito, pinalawig din ang application period para sa Housing Loan Restructuring and Penalty Condonation Program o ang Pandemic Relief and Restructuring Program 4.

Tatanggap ang SSS ng aplikasyon para dito hanggang Mayo 21, 2022. Sa ilalim nito, hindi na kailangang bayaran ng miyembro o mga tagapagmana nito ang mga naipong multa o penalties sa hindi nabayarang housing loan. Maaari silang mag-file ng aplikasyon sa SSS Housing and Acquired Asset Management Department na nasa SSS Main Office sa Quezon City at sa Housing and Acquired Asset Management Section ng piling sangay ng SSS sa labas ng Metro Manila.

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System” o sa Twitter account sa @PHLSSS. Maaari ding mag-subscribe sa YouTube channel sa “Philippine Social Security System” at sumali sa SSS Viber Community, “MYSSSPH Updates.”

Kung mayroon kayong katanungan tungkol sa SSS o kaya ay mayroon kayong paksa na nais talakayin sa pitak na ito, maaari kayong magpadala ng e-mail sa mediaaffairs@sss.gov.ph.

Pensioner na nasa Pilipinas hindi na kailangang magpakita sa annual confirmation — SSS

ni Jasmin Joy Evangelista | February 25, 2022

Nilinaw ng Social Security System (SSS) na hindi lahat ng mga pensioner ay kailangang pisikal na magpakita para sa Annual Confirmation of Pensioners (ACOP).

Paliwanag ng SSS, kung ang retiree pensioner ay nasa Pilipinas, hindi na nito kailangang mag-ACOP pero kung ito ay nasa abroad, kailangan nilang magpakita sa SSS via video conferencing o mag-submit ng requirements via email.

Required din mag-ACOP ang mga disability persioner at survivorship pensioner.

Ang deadline ng ACOP ay nakatakda sa March 31.

Hindi na rin daw kailangang fill up-an ang nakalagay sa application form na bank certification.

"Hindi na 'yan requirement. Kailangan niyo na lang i-leave blank then you just submit it to SSS. We are in the process of changing the form kaso... 'di pa rin napapalitan," ani SSS Spokesperson Sau Mapalo.