5 katao, sugatan sa pagsabog ng bus sa Koronadal City

ni Lolet Abania | May 26, 2022

Lima katao ang nasugatan matapos ang pagsabog ng hinihinalang improvised explosive device (IED) sa loob ng isang pampasaherong bus sa kahabaan ng Gensan Drive sa Koronadal City, South Cotabato ngayong Huwebes.

Kinilala ng pulisya ang tatlong biktima na sina Joseph Rodolfo Valenzuela, Jonalyn Ferrer at Angel Ferrer, habang inaalam pa ang pagkakakilanlan ng dalawa pang nasaktan.

Una nang sinabi ng pulisya na kabilang sa nasugatan ay dalawang tricycle drivers na nakasakay dito sa kahabaan ng highway na nasa tabi ng bus nang ang hinihinalang IED ay sumabog bandang alas-12:30 ng tanghali.

Mabilis na rumesponde ang Philippine National Police (PNP)-South Cotabato Explosives and Ordnance Disposal and Canine Group sa pinangyarihan ng insidente. Kinumpirma naman ito ni Koronadal City Mayor Eliordo Ogena. Agad na binigyan ang mga biktima ng first aid at dinala sa pinakamalapit na ospital.

“May isang na-injure na tricycle driver, kasi nasa likod ng Yellow Bus. At sinubmit namin siya sa MRI to determine whether may damage sa ulo niya. Kasi ang reklamo niya, mukhang naapektuhan ang ear drum niya,” ani Ogena isang interview.

“Siniguro lang namin na talagang walang impact ‘yung bomba sa kanya,” dagdag ng mayor. Nakuhanan naman ang pagsabog ng surveillance camera na pag-aari ng isang pribadong kumpanya, kung saan nagana pang explosion sa likuran ng bus.

“Nagtataka rin ako bakit nakalusot ‘yan. Ang pagkakaalam ko mahigpit naman ‘yung mga bus dito. Bago ka umakyat, ini-inspect naman ‘yan. Kung paano nakalusot, siguro that will be subject of an investigation also,” giit ni Ogena. Ayon kay Ogena ang bus ay nagmula sa Tacurong City, kung saan isa pang pagsabog din ang nangyari sa mga oras na iyon.

“Iniimbestigahan ito kasi, baka may koneksyon ito. Mahirap naman sabihin na coincidence eh. May sumabog din sa Tacurong, na ilang kilometro lang ‘yan, mga more or less 30 kilometers away from Koronadal City,” pahayag ni Ogena.

“We did not expect this to happen. Nabigla kami sa nangyari. Siguro, hihintayin ko na lang ‘yung resulta, kung ano ang dahilan, ano ang motibo ng mga grupo,” dagdag niya.

Sa isang military spot report na ibinigay ni Major Andrew Linao, public information officer ng Western Mindanao Command ng militar, ang naganap na explosion ay dahil sa isang improvised explosive device.

“Directed all units under JTF (Joint Task Force) Central to intensify checkpoint operations and intelligence monitoring,” batay sa report. Sa ngayon, wala pang karagdagang detalye na ibinigay ang mga awtoridad kaugnay sa insidente, habang tumanggi sila sa media interviews hanggang hindi anila, natatapos ang imbestigasyon.

State of calamity, idineklara.. 9-anyos patay sa cholera sa South Cotabato

ni Lolet Abania | May 24, 2022

Isinailalim ng lokal na mga awtoridad sa state of calamity ang isang barangay sa Surallah, South Cotabato dahil ito sa cholera outbreak.

Sa ulat ng GMA News, ang naturang lugar na tinamaan ng cholera outbreak ay Barangay Colongulo.

Sampung residente ang isinugod sa ospital matapos makaranas ng diarrhea. Gayundin, apat sa mga ito ay nagpositibo sa test sa cholera.

Habang isang 9-anyos na bata ang namatay, ayon pa sa mga awtoridad. Batay sa committee on health ng local government unit (LGU) ng lugar, ang coliform bacteria ay na-detect sa pinagmumulan ng tubig na ginagamit ng mga residente para sa kanilang inuming tubig. Ilang banyo naman sa mga sitio ay nagkakaroon din ng mga problema.

South Cotabato naitala ang ikalawang kaso ng Omicron variant

ni Jasmin Joy Evangelista | January 22, 2022

Kinumpirma ng pamahalaang panlalawigan ng South Cotabato ang ikalawang kaso ng omicron variant na isang Overseas Filipino Worker (OFW) mula Saudi Arabia.

Ayon kay Hanah Ebeo, health education and promotion officer ng Integrated Provincial Health Office (IPHO), ang lalaking OFW na 39-anyos mula sa bayan ng Polomolok ay nagpositibo sa COVID-19 pagdating nito sa Cebu noong Dec. 29, 2021.

Sumailalim umano ito sa dalawang linggong quarantine at itinala bilang recovered patient ng Cebu City health office noong Jan. 13 at umuwi sa bahay nito noong Jan. 15.

Ni-release naman ang genome sequencing noong Miyerkules, Jan. 19, ng University of the Philippines-Philippine Genome Center at kinumpirma rito na ang pasyente ay mayroong Omicron variant.

“But he is considered fully recovered and no longer considered a threat when he arrived in the province,” pahayag ni Ebeo sa mga reporters.

Ayon pa rito, hindi nakitaan ng anumang sign at sintomas ng COVID-19 ang pasyente at pamilya nito batay sa monitoring ng Polomolok rural health unit.

Ang OFW na ito ang ikalawang kaso ng Omicron mula Polomolok batay sa report ng IPHO. Matatandaang ang unang kaso nito ay isang 15-anyos na lalaki na walang travel history at nagpositibo noong Dec. 2, 2021.

Nakitaan na rin ng pagtaas ng bilang ng kaso ng COVID-19 ang South Cotabato sa loob ng nakaraang dalawang linggo, kung saan mayroon ditong 325 active cases nitong Huwebes mula sa bilang na 44 noong Jan. 4.

South Cotabato has been seeing an increasing number of COVID-19 infections in the past two weeks, with the active cases rising to 325 as of 4 p.m. Thursday from 44 on Jan. 4.