3M doses ng Sinovac vaccines, dumating na

ni Lolet Abania | November 10, 2021

Tinanggap ng bansa ang 3 milyon pang doses ng Sinovac vaccines na procured ng gobyerno ngayong Miyerkules ng umaga.

Lumapag ang karagdagang supply ng COVID-19 vaccines sa Ninoy Aquino International Airport (NAIA) Terminal 2, pasado alas-11:00 ng umaga via Philippine Airlines flight PR361.

Ayon sa National Task Force Against COVID-19, ang naturang suplay ng bakuna ay procured ng gobyerno sa pamamagitan ng Asian Development Bank.

Sa ngayon, nasa 30.1 milyong Pinoy na sa bansa ang fully vaccinated na kontra-COVID-19, habang mahigit sa 35.6 milyong indibidwal ang nakatanggap ng kanilang first dose.

Nakatakda naman ang ‘National Vaccine Day’ program ng pamahalaan sa Nobyembre 29 hanggang Disyembre, na layong makapagbakuna ng hanggang 15 milyong indibidwal.

Bukod sa mga bakunang Sinovac at AstraZeneca, ginagamit din sa bansa ang mga COVID-19 vaccines na Moderna, Pfizer, Gamaleya Institute, Johnson & Johnson, at Sinopharm.

3 M dagdag na doses ng Sinovac vaccine, dumating na

ni Lolet Abania | September 26, 2021

Nasa 3 milyong karagdagang doses ng Sinovac COVID-19 vaccine ang dumating sa bansa ngayong Linggo.

Ang shipment ay lumapag sa Ninoy Aquino International Airport Terminal 2 bandang alas-6:00 ng gabi ngayong Linggo.

Umabot na sa mahigit 69 milyon doses ng COVID-19 vaccine ang nai-deliver na sa ngayon sa bansa.

Matatandaang opisyal na sinimulan ang vaccination program noong Marso 1.

Ang mga vaccine brands na nai-deliver na sa Pilipinas ay Pfizer, Moderna, Johnson and Johnson, Sinovac, AstraZeneca, at Sputnik V.

1.5M doses pa ng Sinovac, dumating na

ni Ronalyn Seminiano Reonico | July 29, 2021

Dumating na sa bansa ang karagdagang 1.5 million doses ng Sinovac COVID-19 vaccines ngayong Huwebes.

Lumapag sa Ninoy Aquino International Airport (NAIA) Terminal 3 ang Cebu Pacific Flight 5J 671 na may lulan ng mga naturang bakuna bandang alas-7:30 nang umaga.

Ang mga opisyal naman ng National Task Force Against COVID-19 ang sumalubong sa pagdating ng Sinovac doses sa airport.

Samantala, noong Martes ay umabot na sa 18,174,405 doses ang naipamahagi na kung saan 11.3 million ang nakatanggap na ng unang dose ng bakuna habang ang 6.8 million naman ang nabakunahan na ng second dose.