Simbang Gabi sa CCP, ibinalik na

ni Lolet Abania | December 15, 2021

Ibinabalik ng Cultural Center of the Philippines (CCP) ang kanilang tradisyong Simbang Gabi ngayong taon.

Ang mga mass, ka-partner ang Our Lady of Sorrows Parish at iba pang sponsors sa paligid ng complex, ay gaganapin ng alas-5:00 ng madaling-araw mula Disyembre 16 hanggang 24, outdoors o sa labas sa may CCP Main Ramp.

Samantala, ang Christmas Eve mass ay nakatakdang ganapin ng alas-8:00 ng gabi sa Disyembre 24 sa CCP Main Theater.

Para naman sa mga nasa kanilang mga tahanan, maaaring panoorin ang Anticipated Mass from the Regions ng alas-9:00 ng gabi mula Disyembre 15 hanggang 23 sa Facebook page ng CCP.

Kabilang sa mga featured parishes ang Sto. Niño Parish sa Pandacan, Manila (Disyembre 15); St. Catherine of Alexandria Cathedral Parish sa Dumaguete City (Disyembre 16);

National Shrine of Our Lady of Candles (Jaro Metropolitan Cathedral) sa Iloilo (Disyembre 17); Holy Cross Parish (Margot) sa Angeles City, Pampanga (Disyembre 18); Basilica Minore del Santo Niño de Cebu sa Cebu (Disyembre 19); St. Francis Xavier Parish sa Cagayan de Oro City (Disyembre 20); Our Lady of Piat Basilica sa Piat, Cagayan (Disyembre 21); Archdiocesan Shrine of Sto. Niño sa Tacloban City (Disyembre 22); at St. Gregory the Great Cathedral Parish sa Daraga, Albay (Disyembre 23).

Maglulunsad din ang CCP ng kanilang Christmas lighting event para sa 2021 ng alas-7:00 ng gabi sa Disyembre 15.

Ang program na magpapakita ng mga natatanging imahe ng mga holiday symbols at Christmas carols ay mapapanood ng live streaming sa CCP Facebook page.

Tiniyak naman ng CCP na mahigpit nilang susundin ang mga health and safety guidelines at ipapatupad ang 70% outdoor capacity para sa Simbang Gabi, at 50% indoor capacity para sa Christmas Eve mass.

Mga simbahan sa Maynila, naghahanda na para sa Simbang Gabi

ni Jasmin Joy Evangelista | December 10, 2021

Naghahanda na ang iba't ibang simbahan sa lungsod ng Maynila para sa Simbang Gabi at iba pang aktibidad habang papalapit ang Pasko. 

Narito ang schedule sa Sto. Niño de Tondo Parish Church:

Disyembre 15-23, 2021

* 6:00 p.m.

* 8:00 p.m.

Disyembre 16-24, 2021

* 3:00 a.m.

* 5:00 a.m.

Narito naman ang schedule sa Quiapo Church:

Simula Disyembre 15, 2021

* 7:00 p.m.

* 8:00 p.m.

Simula Disyembre 16, 2021

* 4:00 a.m.

* 5:00 a.m.

Mayroon ding misa na inorganisa ang pamunuan ng Quiapo Church katuwang ang ibang simbahan para sa Simbang Gabi sa Liwasang Bonifacio nang alas-7 ng gabi. 

Paalala ng mga pamunuan ng simbahan, sumunod sa safety protocol marshals at panatilihin ang physical distancing. Kung mayroon namang karamdaman o sintomas ng COVID-19, manatili na lamang sa tahanan at sumubaybay na lamang sa online mass. Ipinagbabawal din ang paghawak o pagpahid sa mga imahen ng poon.

Samantala, nagbabala naman ang Manila Police District sa mga deboto na mag-ingat sa modus ng kawatan at sumunod sa protocols.

CBCP naglabas na ng panuntunan sa mga dadalo sa Simbang Gabi

ni Jasmin Joy Evangelista | December 3, 2021

Mayroong paalala ang Catholic Bishop Conference of the Philippines (CBCP) sa mga dadalo ng tradisyunal na Simbang Gabi habang nasa gitna pa rin ng pandemya.

Ayon sa CBCP, gaya ng mga ipinapatupad nila tuwing regular na misa ay tanging mga fully-vaccinated lang ang kanilang papapasukin sa loob ng simbahan at bawat entrance ay mayroong nakatalagang guwardiya na siyang magtsi-check ng mga vaccination card.

Dapat din na nakasuot ng facemask ang mga dadalo sa misa.

Ang kapasidad ng bawat simbahan ay 70% pero hinihikayat nila ang mga mananampalataya na kung maaari ay makinig na lamang ng mga online mass.

Sa December 16 magsisimula ang Simbang Gabi habang ang December 15 naman ng gabi ang anticipated mass para sa 9-day novena masses.