Tinawag na plastic ng mga Kakampink… SHARON AT KIKO, KALABAN NOON, PROUD NA NAKIPAG-SELFIE KINA PBBM AT FL LIZA SA M’CAÑANG NGAYON

ni Ambet Nabus @Let's See | Dec. 17, 2024

Photo: Kiko Pangilinan, Sharon Cuneta, Pres. Bongbong at Liza Marcos - IG

Isa sa mga pinag-usapan sa naganap na Konsiyerto sa Palasyo na pa-event nina Pangulong Bongbong Marcos at First Lady Liza ay ang chummy-chummy photos nila with Sharon Cuneta at asawa nitong si Kiko Pangilinan.

May mga very loyal pa ring "Kakampink" na hindi matanggap ang tinawag pa nilang "kaplastikan sa pulitika" na pangyayari among the involved personalities.

Mayroon namang natutuwa na kahit paano raw ay nakita nila ang effort ng bawat magkatunggali sa pulitika dati na magkaisa para sa ngalan ng 50th MMFF.

But then again, may mga nang-iintriga kina Mega at Kiko na wala naman daw entry sa festival si Sharon kaya't bakit need pa nitong mag-display sa event at makipag-eklayan sa mga dating "kalaban" nila sa pulitika last elections?

Well, that's politics in the Philippines. May bago pa ba sa mga ganyang eksena?

---

Kahit Lasalista… 

OGIE AT REGINE, TODO-SUPORTA SA UP MAROONS LABAN SA LA SALLE ARCHERS

Ogie Alcasid, Regine Velasquez at Christian Bautista - Instagram

Nasa Araneta Coliseum naman kami last Sunday evening para sa 87th UAAP men's basketball championship na napanalunan nga ng mahal naming UP Maroons laban sa La Salle Archers.

First time naming nanood nang nakatayo sa buong laro dahil literal na walang ticket na naibigay sa amin ang mga VIP contacts namin from Araneta, hahaha!

Imagine, sa tinagal-tagal na namin sa mundo ng sports at naging opisyal pa kami dati sa Araneta, ha, pero ‘yung free access lang na makapasok ang nakuha naming benefit to enjoy the game.

Maraming mga celebrities ang nanood, mga pulitiko, beauty queens, artista, supporters at mga who's who sa negosyo na kapwa magkakalaban-magkakampi that time.

May mga nang-intriga kay pareng Ogie Alcasid na noon pa ma'y tatak-La Salle na dahil graduate rin siya roon at naging famous member ng Kundirana. Bukod kasi sa kasama niya ang asawang si Regine Velasquez, kapwa pa sila nakasuot ng UP Maroons shirt at nasa kampo nga ng UP.

For the record din po, alumnus din po si Ogie sa UP bilang Masscomm graduate ito at naging active ding member ng Alumni Association. Ang duda pa nga namin, silent sponsor ito ng Maroons, hahaha!

May mga nag-chika namang napikon daw si San Juan Mayor Francis Zamora sa mga kumantiyaw dito bilang pulitiko. Dating basketball player ng La Salle si Mayor Zamora.

May mga beauty queens namang kasama ng ilan pa ring pulitiko na ginawang date event ang basketball game. 

May mga naghanap naman kina Joshua Garcia at Andrea Brillantes na namataan noong game 2 na magkasama.

Sinusuportahan ni Andrea ang UP dahil feel niyang dito mag-aral. May mga bumati naman kay Valerie Concepcion na gumradweyt with honors from UP Masscomm.

‘Yung mga bigtime na bosses from the business sector gaya ni Sir MVP (Manny V. Pangilinan) at iba pang big sponsors ay talaga namang intense ang participation sa laro. 

Basta, nag-enjoy kami nang todo kahit nakakangarag mabingi sa mga sigawan at palakpakan.

Congrats sa parehong UP Maroons at La Salle Archers!

---

Grabe rin ang naging kantiyawan ng mga ka-ATIN sa socmed dahil kinabog nga ng Tropang Pablo ang Stellbound sa katatapos lang na The Voice Kids grand finals.

Tinanghal na biggest winner si Nevin Garceniego (Tropang Pablo) na pinahanga talaga ang lahat at kinabog ang mga panlaban nina Billy Crawford (team Bilib), Julie Anne San Jose (Julesquad) at Stell (Stellbound) na sina Wincess Jem Yana, Makmak Punay at Jan Hebron Ecal respectively.

Matatandaang laging trending ang bardagulan ng SB19 coaches na sina Stell at Pablo during the eliminations kaya't aliw na aliw ang mga tao sa kanila at sa show.

At nito ngang nakuha ni Pablo ang kauna-unahang championship niya sa The Voice Kids bilang first-time coach na nasa ika-anim na season na sa Pilipinas, todo-kantiyaw ang inabot ni Stell from their supporters dahil last year pa nga siya nag-umpisa, hahaha!

Congrats po!

Action ang labanan… SHOW NI BONG SA GMA-7, ITATAPAT SA BQ NI COCO

ni Ambet Nabus @Let's See | Dec. 15, 2024

Photo: Bong Revilla Jr. at Coco Martin - FB

Bongga ang naging presscon ng Season 3 ng Walang Matigas na Pulis sa Matinik na Misis (WMNPSMNM) na ginanap sa Novotel Hotel, Cubao kahapon.

Umapaw ang mga papremyo ni Sen. Bong Revilla, Jr. kasama ang cast members ng action-packed sitcom gaya nina Beauty Gonzalez, Carmi Martin, Leo Martinez, Niño Muhlach, Jestoni Alarcon at marami pang iba.

Tinalbugan pa nga ang presscon ng ilang production outfits na may entries sa 50th Metro Manila Film Festival (MMFF). Akala tuloy ng mga ibang bisita ng hotel ay may entry si Sen. Bong sa MMFF, hahaha!

But kidding aside, hanep ang ipinakitang trailer ng Season 3 dahil aksiyon kung aksiyon talaga na tatak naman ng isang Bong Revilla. Nagkakaisa nga ang lahat sa pagsasabing para na itong isang big-budgeted movie.

At dahil tuwing Linggo lang ito mapapanood sa GMA-7, tatagal ang Season 3 ng WMNPSMNM hanggang February 4 lang, dahil magsi-seek nga ng re-election si Sen. Bong.

No wonder at this early ay binabanggit na ni Ma’am Annette Gozon na nakahanda na ang Season 4 after ng elections at malamang sa malamang na gawin na raw nila itong daily sa primetime slot ng Kapuso Network.

If that happens, aba, aba, magandang usapan ‘yan sa namamayagpag na Batang Quiapo (BQ) ni Coco Martin.

---

Sana nga ay maghimala ang mga binitawang salita ni Kakki Teodoro, isang kilalang stage artist na magre-reprise ng role ni Gigi Duenas sa Himala: Isang Musikal.

Ito nga ang bukod-tanging musical movie entry sa 50th anniversary ng Metro Manila Film Festival (MMFF) come December 25.

Naging award-winning film ito noong 1982 sa same MMFF event during the time na namamayagpag pa si Superstar Nora Aunor. In fact, tatlong malalaking parte ng movie na ‘yan ang ngayo’y National Artists na namely Nora, Ricky Lee (scriptwriter) at Ishmael Bernal (director).

And after 42 years nga, ginawa na itong musical film headed by Aicelle Santos (as Elsa), Bituin Escalante (as Aling Saling), Neomi Gonzales (as Chayong) at si Kakki nga as Nimia.

Nag-win ng Best Supporting Actress si Gigi Duenas sa 1982 film at umaasa (yes, umaasa) si Kakki na makukuha rin niya ito this 2024.

“Napakaipokrito ko naman kung hindi ko aasahan, ‘noh? Sa ilang beses ba naman akong na-reject sa audition para sa role hanggang sa makuha ko, deserve ko na manalo, ‘noh?” ang seryoso pang tsika sa amin ni Kakki.

Si Pepe Diokno ang director ng movie na siya ring naging director ng award-winning movie na Gomburza last year.

Tunay namang matindi talaga ang labanan at banggaan ng mga entries this 2024. May nakakaloka lang na katotohanan kaming nakalkal tungkol sa naging box-office performance ng Himala noong ito’y naging entry sa 1982 MMFF. Isa ito sa mga nangulelat na entries, kaya noon ay binansagan si Nora Aunor na ‘wala ngang himala’.

Sana naman after 42 years ay maiba na ang sitwasyon, lalo’t isa nang malaki, malawak at pinanonood na sektor ang teatro at mga artista rito.

---

Michael Buble, malaking bagay daw na mentor niya… SOFRONIO, TALUNAN SA SINGING CONTEST SA ‘PINAS, BIG WINNER SA USA

Ngayong nakabawi na nga ang USA sa mga Fil-Am-Fil-foreign at mga Pinoy na noon pa umaasang magkaroon ng big winner sa mga singing searches nila gaya ng American Idol (AI), America’s Got Talent (AGT) at The Voice (TV), marami na uli ang naniniwala at nagmamahal sa Amerika, hahaha!

Kasi, pinatunayan nga raw ng bansang laganap ang ‘racism’ na marunong silang kumilala ng talent, kaya’t mereseng hindi nila ito 100% kalahi, ibinoboto nila ito.

At ‘yan ang klasikong pinatunayan ni Sofronio Vasquez, ang first-ever Pinoy and Asian na itinanghal sa 26th season ng TV show bilang grand champion.

Very deserving at malaking bagay na si Coach Michael Bublé ang naging mentor niya na tunay namang inalagaan, sinuportahan at minahal siya simula pa sa umpisa.

The fact is, mas challenging pa nga raw ang mga naging laban ni Sofronio rito sa Pilipinas kumpara sa The Voice USA. Dito nga’y hindi siya naging biggest winner at may mga pagkakataon pang naliligwak siya o hindi pinapansin.

Naku, tiyak na dadagsain ng mga offers at maraming opportunities si Sofronio. Malamang sa malamang pa na mas maging sikat na sikat siya sa buong mundo dahil dito. 

Kaya ‘yung mga naiinggit d’yan, magsilbi nawang inspirasyon sa inyo ang tagumpay ni Sofronio Vasquez.

Mabuhay!

Kahit walang ka-love team, tinitilian… KELVIN, PANTASYA NG KABAKLAAN

ni Jemuel C. Salterio @Talbog | Dec. 14, 2024

Kelvin Miranda - Instagram

Talagang bonggang-bongga ang Kabakahan Festival 2024 sa Padre Garcia, Batangas, at isa sa mga nagdala ng gigilicious na enerhiya sa gabing ‘yun ay ang Kapuso heartthrob na si Kelvin Miranda! 

Hindi lang mga Batangueño ang nasabik, kundi pati mga fans mula sa kalapit-bayan ang dumagsa upang masilayan ang kanilang iniidolo.

Bilang bahagi ng selebrasyon ng ika-75th Founding Anniversary ng Kabakahan Festival, isang engrandeng concert ang inihandog sa mga dumalo. Kasama ni Kelvin sina Bugoy Drilon, ang iconic na bandang Cueshé, at iba pang mga Kapuso at Kapamilya artists na nagdala ng katuk-katok sa dibdib na performances.

Ibang level ang paandar ni Kelvin nang lumabas na sa entablado. Ayon sa isang fan na nasa audience, “Ang lakas maka-stan ni Kelvin! Nakakahimatay ang aura n’ya. Ang guwapo, ang bango at ang sexy n’ya talaga. Kulang na lang ay may maglagay ng red carpet!”

Simple ngunit punumpuno ng charms ang kanyang mga awitin at pagbati sa kanyang mga tagasuporta. 

Ang nakakatuwa kay Kelvin, kahit wala itong ka-love team, ang lakas ng dating niya sa mga fans, lalo na sa sangkabaklaan. 

Isa pang fan ang nagsabi, “Si Kelvin talaga ang highlight ng gabi. Sobrang worth it ang paghihintay! Ang sarap niyang panoorin at ang lakas maka-good vibes!” 

Sa dami ng dumagsa sa Kabakahan Festival, kitang-kita na hindi lang basta artist si Kelvin — isa siyang inspirasyon sa kanyang mga fans.

Habang gigil pa rin ang mga fans mula sa concert, mas lalong inaabangan na ngayon ang kanyang pagganap bilang Sang’gre Adamus sa Encantadia Chronicles: Sang’gre (ECS), ang bagong yugto ng Encantadia universe, na mula sa direksiyon ng multi-awarded director na si Mark Reyes.

Kung ganito ka-epic si Kelvin sa isang entablado, paano pa kaya sa kaharian ng Encantadia? Walang duda, pak na pak ang hinaharap ng ating Kapuso heartthrob!

‘Yun na! Ambooolancia! #ChairmanNgChikahan #Talbog

---

Ang Federation of Filipino Chinese Chambers of Commerce and Industry, Inc. (FFCCCII) ay nagpahayag ng kanilang super-mega heartfelt na pasasalamat sa iconic singer-songwriter at businessman na si Jose Mari Chan para sa kanyang wagas na suporta sa mga socio-civic na proyekto ng federation. 

Sa pamumuno ni Dr. Cecilio K. Pedro, ang presidente ng FFCCCII, nakikiisa sa kanila si Jose Mari Chan sa patuloy na pagbibigay-inspirasyon sa ating mga kapwa Pilipino sa pamamagitan ng pagtulong sa mga nangangailangan.

Sa isang chikahan at bonggang gathering kamakailan, ibinida ni Dr. Pedro ang malawak na gawain ng federation. Aniya, ang FFCCCII ay may network na 170 Filipino-Chinese chambers at iba’t ibang industriya mula Aparri hanggang Tawi-Tawi. 

Ang federation ay aktibo sa economic advocacy, relief operations, free medical missions, pagsuporta sa mga pampublikong paaralan, at pagpapalakas sa mga Filipino-Chinese volunteer fire brigades na tumutulong sa mga biktima ng sakuna anuman ang kanilang pinanggalingan sa buhay. 

“Ang pagtulong ay hindi lamang responsibilidad, kundi isang misyon ng bawat isa sa ‘tin,” ispluk ni Dr. Pedro.

Kamakailan, siya at ang kanyang team mula sa Lamoiyan Corporation ay personal na pumunta sa Tondo upang magbigay ng pagkain, regalo at iba pang essentials sa mga biktima ng sunog. 

“Ang bawat hakbang ng pagtulong ay isang mensahe ng pag-asa para sa ating mga kababayan,” sey pa ni Dr. Pedro.

Sa pagsasama ng Filipino at Tsino, muling pinatunayan ng FFCCCII ang lakas ng pagkakaisa sa panahon ng pangangailangan. 

Winner talaga, mga ateng, ang heart of gold ni Dr. Cecilio Pedro. 

‘Yun na! Ambooolancia! #ChairmanNgChikahan #Talbog