Mag-ina, abroad na titira… JOSE, BABU NA RAW SA SHOWBIZ AFTER MAGPAKASAL

ni Ambet Nabus @Let's See | Dec. 19, 2024

Photo: Jose Manalo - TVJ FB

Last Tuesday naman ay pinakasalan na nga ni Jose Manalo ang kanyang long-time GF-partner na dating EB Babes member na si Mergene Maranan.

Sa Boracay sila nagpakasal kasama ang mga piling-piling kaibigan at kaanak.

Matagal nang magkarelasyon ang dalawa at nagbunga na nga ang kanilang pagsasama kung saan madalas, abroad nga sila nagkakasama, marahil ay para maiwasan noon ang intriga.

Matagal nang hiwalay sa kanyang asawa si Jose kung saan may mga anak sila ng ex niyang si Anna Lyn na active rin sa showbiz gaya nina Benj at Nicco Manalo.

Ang couple na sina Ice Seguerra at Liza Diño ang nag-post sa socmed ng mga kaganapan sa kasal kung saan namataan ang EB family nilang sina Bossing Vic Sotto and family, Allan K, Paolo Ballesteros, Maine Mendoza, at marami pang iba.

Ang na-Marites naming tsika ay abroad na umano nagbabalak manirahan sina Mergene at anak, which leads us to asking, “Magre-retire na rin ba si Jose sa work?”

Kumalat din kasi ang tsika na may nabili na umano silang property abroad?

---

SINORPRESA ng OG members ng Eraserheads ang buong UP Community nang mag-perform sila sa ginanap na victory bonfire sa UP Sunken Garden last Monday.

Ito ay dahil sa noon pa ipinangako ng mga alumni ng Eraserheads na maibalik lang uli ang UAAP men’s basketball title sa UP, kahit nga disbanded na sila, bubuoin nila ang grupo para lang muling magsama-sama sa stage at mag-perform.

At nito ngang muling nag-champion ang UP Maroons sa 87th season, nangyari na ang isa sa pinakabonggang sorpresa ng Eheads na ikinagalak ng lahat.

Sa pangunguna ni Ely Buendia, feeling nasa ‘90s era ang buong UP community. 

Parang wala talagang gusot na nangyari, mga iskandalo at intriga na nagdulot ng disbandment ng maituturing na iconic and the best Pinoy band ng bansa.

Bukod sa men’s basketball, parte rin ng celebration ang mga nag-champion din sa Women’s Badminton at Men’s Track and Field ng UP.

---

PINAG-UUSAPAN ang ganda ng pelikulang My Future You (MFY) ng FranSeth.

Sa ginanap na premiere screening ng pelikula, dinagsa ng mga GenZs ang sinehan sa SM Megamall, lalo’t maraming mga GenZ actor-friends ng FranSeth ang sumuporta gaya nina Jameson Blake, KD Estrada, Alexa Ilacad at mga bagong Regal babies ni Roselle Monteverde.

Napakahusay nga raw ng pagkaka-execute ni Direk Crisanto Aquino ng kakaibang tema ng love story ng dalawang teens na nasa magkaibang panahon.

At this early nga ay sinasabing mangangabog ito come awards night dahil sa mahusay nitong pagkakagawa.

Hindi nga raw nagkamali ang Regal Entertainment na sugalan sina Francine Diaz at Seth Fedelin at lalong hindi nagkamali ang yumaong Regal matriarch na si Mother Lily Monteverde nang aprubahan niya ang project para sa FranSeth.

Considering na walang masyadong big stars sa cast na kinabibilangan nina Almira Muhlach, Christian Vasquez, Bodjie Pascua, Mosang at Izzy Canillo, ang ganda at husay ng pagkagawa ng MFY ang sinasabing magdadala rito sa tagumpay.

Bagay na bagay daw, Bea… DOM, PROUD NA BINITBIT SI SUE SA X’MAS PARTY NG ENDORSEMENT

ni Ambet Nabus @Let's See | Dec. 18, 2024

Photo: Dominic at Sue - Circulated

Oh, ha, lantaran na ring idinispley ni Dominic Roque sa Christmas party ng ineendorso niyang fuel company si Sue Ramirez last weekend.

Ayon sa mga nagpadala ng mensahe sa amin, very sweet at warm na sinalubong ng mga tao ang dalawa lalo na ‘yung may-ari ng kumpanya, na nadamay sa iskandalo ni Dom noong mga nakaraang buwan dahil itinuro pang third party sa breakup nila ni Bea Alonzo.

“Ginawa pa ngang parlor game ‘yung ‘Akin ‘to, atin ‘to’ campaign logo ng company. Game na game na nakisaya ang dalawa,” kuwento ng aming mga sources.

Pinuri nga rin daw ang pagiging accommodating ng dalawa sa mga nagpa-picture at nakipagbiruan sa kanila.

“Bagay na bagay sila, ang ganda nilang tingnan. Sana, magkatuluyan nga sila,” hirit pa ng ilan.

Mukhang komportable nga sina Sue at Dom sa harap ng publiko and yes, nagawa pa nga raw makapag-promote ng dalawa ng Metro Manila Film Festival (MMFF) movie na kasali si Sue, ang The Kingdom (TK).

“Ganu’n ang BF (boyfriend), nakasuporta,” dagdag-komento ng mga nagkuwento sa amin.

Speaking of The Kingdom (TK), very impressive ang napanood naming mga eksena sa movie. Iba ang lengguwahe, iba ang awrahan ni Piolo Pascual na kahit medyo deglamorized ay guwapung-guwapo pa rin on screen. 

Pero nakakagulat ang dramatic moments ni Bossing Vic Sotto, tiyak naming maninibago ang mga manonood sa kanyang seryosong role bilang hari ng isang monarkiya na nagpapatakbo ng bansa.

May mga “what ifs” kang agad mong masasagot kapag napanood mo ang movie, lalo’t naging parte rin ng history ng ating bansa ang pag-exist ng monarchy, bago pa man tayo sinakop ng mga dayuhan. 

Very promising ang pelikula at pasok na pasok ito sa criteria ng Gatpuno Award ng MMFF and of course, sa iba pang mga karangalan at stake.

Bukod kina Piolo at Bossing Vic, magagaling din sina Sid Lucero, Cristine Reyes, Sue Ramirez at mga character actors na kasama nila. 

Winner ang pagkakagamit ng Intramuros sa Maharlika setting at mga props mula sa damit, upuan, mga tela, etc. at ultimo mga tattoo nila sa katawan, nagsasalita at may lamang mga mensahe.

Kapuri-puri ang produksiyon at si Direk Mike Tuviera na mabilis na sinagot ang mga naging katanungan namin sa ilang eksena, pati na ang producer na si Jojo Oconer nang sabihin naming bongga ang accent ng TV interviewer sa isang eksena ni Bossing Vic at kahawig pa ni Dimples Romana. Hahaha!

Dawit sa high-end drug supplier ng mga celebs… MARIS, ANTHONY AT EX-GF, TARGET NG PDEA AT SENADO

ni Jemuel C. Salterio @Talbog | Dec. 17, 2024

Maris Racal, Jam Villanueva at Anthony Jennings - IG

Mainit na usapan ngayon sa showbiz at social media ang pagsabog ng kontrobersiyal na isyu tungkol sa diumano’y pagkakadawit nina Anthony Jennings at Maris Racal sa high-end na drug suppliers na kumakalat sa mundo ng mga celebrities. 

Ang lahat ng ito’y nagsimula nang maglabas ng screenshots ang girlfriend ni Jennings na si Jam Villanueva, na may mga diumano’y usapan ang aktor sa isang supplier. 

Bagama’t blurred ang ilang detalye sa screenshots tulad ng contact number ng supplier, may mga tanong na nagsisimulang sumiklab sa publiko.

“Smoke Then F**k”– ito ang matapang na statement na tumatak sa screenshots na ibinahagi ni Villanueva. 

Marami ang naniniwalang tumutukoy ito sa paggamit ng bawal na gamot. Dahil dito, kumpirmado nang iniimbestigahan ng Philippine Drug Enforcement Agency (PDEA) ang isyu at humihingi ng unedited screenshots mula kay Villanueva para malinawan ang buong kuwento. 

Plano rin nilang imbitahan para sa questioning sina Villanueva, Jennings at Racal.

Actually, hindi lang PDEA ang nakatutok sa isyu, sumali na rin sa eksena ang Senado. Sina Senator Jinggoy Estrada, Bong Revilla, Jr., Risa Hontiveros at Ronald “Bato” dela Rosa ay nagkakaisa sa panawagang linisin ang entertainment industry mula sa masamang impluwensiya ng illegal drugs.

Ani Estrada, “We need to ensure that our artists and workers in the entertainment industry are protected from these dangerous influences.”

Nagbigay din ng pahayag si Dela Rosa na Chairman ng Senate Committee on Illegal Drugs, “This investigation aims to reveal the identities of those enabling these illegal activities. We will not allow this issue to grow further.” 

Dahil dito, inaasahang ipapatawag sina Racal, Jennings at Villanueva sa Senate hearing upang mailahad ang kanilang mga salaysay.

Habang kabi-kabila ang reaksiyon ng madlang pipol, marami ang nagtatanong — bakit nga ba biglang naglabas ng screenshots si Jam Villanueva? Para ba ito sa hustisya o para sa clout? 

Ang iba, naniniwalang eksena lang ito. Pero ang iba’y sinasabing isa itong matapang na hakbang para mabuksan ang mata ng showbiz sa tumitinding problema ng droga.

Ayon sa mga kritiko, hindi na bago ang ganitong isyu sa industriya. Marami nang artista ang nasangkot sa illegal drugs noong mga nakaraang administrasyon. Ngunit tila mas sophisticated na ngayon ang galawan ng mga sindikato, na umano’y target ang mga high-profile personalities.

Abangan ang Senate hearing na inaasahang magiging juicy at pasabog! Magdadala kaya ito ng hustisya o lalo lang nitong paiinitin ang isyu? 

Isa lang ang sigurado, hindi pa ito ang ending, besh! 

‘Yun na! Ambooolancia!  #ChairmanNgChikahan #MaritesInChief #Talbog

---

PASILIP, mga ateng! Sa paggunita ng ika-50 anibersaryo ng Metro Manila Film Festival, isang malupit na entry ang pumasok at siguradong magiging usap-usapan — ang Isang

Himala (IH), ang reimagined na musical adaptation ng iconic 1982 film na Himala. 

Yes, ang kuwento ni Elsa na bumago sa pananaw ng madlang pipol tungkol sa pananampalataya, himala at hysteria ay muling magbabalik sa pinilakang tabing ngayong Pasko!

Bida sa pelikula si Aicelle Santos bilang Elsa, ang faith healer na nagkaroon ng 'vision' mula sa Birheng Maria, na nakabit sa iba’t ibang kontrobersiya sa kanilang maliit na baryo. 

Ang pelikula ay mula sa direksiyon ni Pepe Diokno — oo, siya rin ang nanalong Best Director para sa Gomburza noong nakaraang taon. 

Isa raw sa mga na-hook sa pagtatanghal ay si Pepe Diokno mismo, kaya nang nagkaroon siya ng chance, siya na mismo ang nagdala ng musical sa big screen. Tarush, ‘di ba?

“First and foremost, it is a musical. A tried and tested one at that, that has won numerous awards and accolades from critics and peers,” sabi ni Bituin Escalante, na gumaganap bilang Aling Saling, ang ina-inahan ni Elsa. Peksman, she nailed this role sa stage version ng 2018, at ngayon, dala-dala niya ang husay sa pelikula.

Sey ni Bituin, “I play Nanay Saling, the woman who takes in the abandoned/orphaned Elsa. I was fortunate enough to be offered the role. There was not much difference in my portrayal. There were some added scenes but not much was changed.”

Hayan mga ‘teh, wala raw masyadong nagbago sa kanyang pagganap, pero dahil pelikula ito, asahan natin ang mas cinematic na feels! 

‘Ika nga niya, “With a role like this, it’s about finding the right voice for her. Character informs how she speaks, and everything follows from there.” 

Pagdating naman kay Diokno, dagdag ni Bituin, “He is a truly collaborative director. He had tremendous respect for Ricky Lee’s story and Vincent de Jesus’ music, and also for the way we had interpreted it. I cannot wait to see his touch and how it will become his, as much as we have all made Himala our own.”

Ang kasaysayan at ang pamana ng Himala ay never naglaho o nawala.

Nandiyan ang tatak ni Ricky Lee, ang National Artist for Film and Broadcast Arts na siyang sumulat ng screenplay ng orihinal na pelikula ni Ishmael Bernal noong 1982, at siya ring nag-adapt nito sa musical. 

Samahan mo pa ng musika ni Vincent de Jesus, at tumataginting na cast kabilang sina David Ezra, Kakki Teodoro, Vic Robinson, Neomi Gonzales, Floyd Tena, at ang shining star at super love ko na si Bituin Escalante.

Sa totoo lang, kailangan bang maniwala sa mga himala para mahalin ang kuwento ni Elsa? O sapat na bang ma-realize natin kung paano nito hinuhubog ang psyche ng Pinoy?

“I only hope that it resonates with the moviegoing public,” dagdag ni Escalante. 

At sa usapin kung handa na ba tayong harapin ang mga tanong sa ating paniniwala? 

Well, ang sagot ay sa sinehan matatagpuan. Ano pa’ng hinihintay n’yo, mga Ka-BULGARians? Kitakits sa December 25, ha! Let's G na sa IH. 

‘Yun na! Ambooolancia! #ChairmanNgChikahan #Talbog