Gusto raw baguhin ngayong pulitiko na… CONGW. LUCY, AMINADONG NAGTATANIM NG GALIT

ni Janiz Navida @Showbiz Special | August 24, 2021

Sweet and mellow mang magsalita, aminado si 4th District of Leyte Representative Lucy Torres-Gomez na nagagalit din siya.

At ano nga bang nakakapag-trigger ng galit ng byuting misis ni Ormoc Mayor Richard Gomez?

Well, pag-amin ni Congw. Lucy sa aming virtual chikahan last week, ayaw daw niya nang paulit-ulit.

Gusto niya, 'pag may sinabi siya kahit kanino, tatandaan para hindi niya na paulit-ulit na ipaaalala. Nakuha raw niya ang ugaling ito sa kanyang ama.

Pero ayon din sa kongresista, magalit man siya, hindi naman daw siya bayolente at nagger. Ang problema lang sa kanya, matagal bago humupa ang kanyang galit, unlike sa mister niyang si Mayor Goma na kapag nagalit daw sa staff nito, maya-maya lang o kinagabihan lang ay kausap o kainuman na ng aktor-pulitiko.

Kaya sabi ni Congw. Lucy, ngayong nasa pulitika na siya, 'yun ang gusto niyang matutunan, 'yung 'wag masyadong matagal dalhin sa dibdib ang galit.

Korek! Nakakatanda ang galit sa puso, kaya dapat, happy lang lagi, devah naman, Congw. Lucy?!

Ibinulgar ni Ruffa… EDDIE, MAY PROSTATE CANCER

ni Janiz Navida @Showbiz Special | August 15, 2021

Bukod sa pagka-come out ni Raymond Gutierrez kamakailan, may matindi palang pagsubok na pinagdaanan ang pamilya Gutierrez.

Nabasa namin ang post kahapon ni Ruffa Gutierrez sa kanyang Instagram account kung saan kasama ng picture nila ng kanyang Daddy Eddie ang caption na: "The weeks leading up to my departure for the U.S. was tough. I experienced a tornado of emotions which I kept exceptionally private.

"This much I can share: Dad had an operation and it was a success. He has been cleared of prostate cancer. Thank you, Lord!"

Kasunod nito ay pinasalamatan ni Ruffa ang mga naging dahilan para maging successful ang operation ng kanyang ama, gayundin ang mga nagdasal para sa kaligtasan nito.

"Our family would like to thank ALL the doctors and nurses who took care of Dad at St. Luke’s Quezon City. Special mention to the BEST urologist and anaesthesiologist, Dr. Steve & Joyce Lim. He is on the road to a full recovery thanks to your expertise and pag-aalaga.

"Sa mga nagdasal para kay Dad, maraming salamat. You know who you are.

"Sending LOVE to everyone who’s trying their best to heal from things they don’t discuss. Keep the faith, pray and stay strong."

Duda sa tumataas na kaso ng Delta variant, nag-tweet… NETIZEN KAY TITO SEN: GUNGGONG! SENADOR KA

SA TWITTER KA NAGTATANONG.

ni Janiz Navida @Showbiz Special | August 08, 2021

Na-bash na naman si Senate President Tito Sotto dahil lang sa kanyang simpleng tweet sa Twitter account niya last Aug. 5 na ganito ang nakasaad: "Out of 6,879 Covid positive cases the other day, how many did they test for Delta variant? All? Where? What lab?"

Kung uunawain ang mensahe ni Tito Sen, tipong duda at kinukuwestiyon nito ang kredibilidad ng figures na inilalabas ng DOH kaugnay ng COVID cases at Delta variant na mas pinangangambahan ngayon.

Sa reply section ng kanyang tweet, may mga netizens na um-agree naman kay Sen. Tito dahil mukhang duda na rin sila kung bakit napakabilis ng pagtaas ng cases ng Delta variant pero wala namang ibang detalyeng inilalabas ang Dept. of Health.

Sabi ni fathermucker, "Wala po eh, kung 'yung COVID na 'yan, 'di naman na-isolate ng CDC, eh, sa paanong paraan po magkaka-variant?! It's about control lang po... COVID is hoax po."

Pero may ilan namang binash si Tito Sen dahil naturingan daw itong nasa posisyon, bakit sa Twitter pa nagrereklamo?

Sabi ni @nettky, "Government official ka, di alamin mo? Magtulungan, 'wag puro salita."

Agree rin si @Bhyron, "Ask yourself, provide us the info. May access ka, 'di ba? Senador ka. Tanungin mo ba naman ang Twitter."

From userlynn9, "Tito Sen, pumunta ka sa Davao, mag-attend sa meeting ng amo mo para malaman mo. Hindi dito sa Twitter ka nagtanong kasi lumabas ka na eng-eng dito."

Isang Juan dela Cruz naman (troll account kaya?) ang nagsabing, "Gunggong! Senator ka and you’re asking these questions on Twitter? Gamit-gamit din ng kukote 'pag may time."

Feeling namin, gusto lang marinig ni Tito Sen ang opinyon ng bayan kung tulad niya ay duda rin sa mga nangyayari ngayon.

Pero may punto rin ang mga netizens na since nasa posisyon naman ang aktor-pulitiko, eh, umaksiyon na siya at 'wag puro tweet lang.