DDS, kahit wa’ ‘K’… MOCHA, TATAKBO SA PARTYLIST PARA SA MGA NANAY

ni Janiz Navida @Showbiz Special | October 10, 2021

Ayun naman pala, humabol sa last day ng filing ng Certificate of Candidacy sina Robin Padilla at Mocha Uson na parehong nag-file kahapon ng kani-kanilang kandidatura bilang senador at partylist representative.

Of course, under PDP-Laban sina Robin at Mocha since DDS sila for life!

Aayaw-ayaw pa noon si Robin pero last minute, ‘di rin nakatanggi kina P-Du30 at Sen. Bong Go para tumakbong senador.

Si Mocha naman, bagama’t ipinagsisigawang hindi naman siya totoong nabuntis ni “Idol Robin” niya, eh, lakas-loob na kumandidato para maging partylist representative ng MOCHA (Mothers for Change).

Hmmm… Advocacy ba talaga niyang makatulong sa mga ina o naisip niya lang na swak sa acronym ng name niya ang “MOTHER FOR CHANGE”?

For sure hindi ang “IT TAKES ONE TO KNOW ONE” ang tagline ni Mocha sa pagtakbo niya dahil ipinagsisigawan nga niyang hindi pa siya ina at hindi siya totoong nabuntis, ‘no?!

So, mga mamsh, alam na!

VP raw ni Leni sa 2022… SIGAW NG NETIZENS: KRIS, 'WAG NA, MAY SAKIT KA!

ni Janiz Navida @Showbiz Special | October 08, 2021

Samantala, kasunod ng pagpa-file ng Certificate of Candidacy ni Vice-President Leni Robredo kahapon para tumakbong pangulo sa 2022 national elections, lumutang naman ang usap-usapan na si Kris Aquino diumano ang makaka-tandem niya para mag-VP.

Nabasa namin ang post ng ABS-CBN news anchor na si Julius Babao sa Twitter na nagtatanong kung ano raw ang opinyon ng mga netizens sa balitang ito.

Ilan sa mga comments na natanggap ni Papu Julius (naki-Papu raw kami, oh, Mamu Tin Bersola-Babao! Hehe!) ay ganito ang sinasabi…

"Kris is NOT perfect. She has her faults. But she is still an AQUINO. An Aquino is never corrupt. An Aquino knows when to step down from power. No Aquino became abusive. She has the blood of Ninoy and Cory in her veins. Why not? Never nagprisinta sa kapangyarihan ang mga Aquino."

"My personal view is 'wag na si Kris, we know she's intelligent but she has health problems. What I request from her is her valuable support for VP Leni. My personal choice as VP is Roxas if he still interested in politics. We need someone like him to assist in our economic recov.

"I think this is not a strategic choice. Kris should just campaign for VP. Her influence will be of great help. And besides she's not physically fit for the job. I don't think she will enter politics. I hope not.

"Compared to other VP candidates, Kris way better than them."

"I'm solid Cory & PNoy, but not her. She's a different species of Aquino."

Species talaga, oh! Sabeeeee?!

Hiniritan ng kikitain sa YouTube vlog… PIA, PINALAYAS ANG GUWAPONG BF NA SI JEREMY

ni Janiz Navida @Showbiz Special | October 03, 2021

Na-watch namin ang latest YouTube vlog ni Miss Universe 2015 Pia Wurtzbach titled Pia Life Update: Finally Answering Your Questions! Part 2.

'Kaaliw palang panoorin si Pia dahil kahit beauty queen ito, may pagka-masa pa rin at ramdam mong hindi siya 'yung tipong pasosyal.

Isa sa mga tanong ng fans na sinagot ni Pia ay 'yung paano siya nagko-cope up sa mga nambu-bully sa kanya dahil sa laki ng kanyang boobs.

Kuwento ni Pia, nu'ng nag-aaral pa siya, conscious siya sa hindi normal na laki ng kanyang hinaharap kaya kahit sinasabihan siyang 'blessed' ng mga kaibigan niya ay hindi siya komportable.

Pero habang nagma-mature raw siya ay natutunan na rin niyang tanggapin kung ano'ng ibinigay sa kanya ni Lord, kaya ngayon, dedma na lang siya kahit ano pang sabihin ng ibang tao sa kanyang bumpers.

Samantala, kinilig naman kami sa isang part ng vlog kung saan biglang sumulpot ang super-guwapong Scottish-Colombian boyfriend ni Pia na si Jeremy Jauncey.

Grabe 'yung lagkit at tamis ng tinginan nila nang mag-eye-to-eye habang magkatabi sa sofa. Mapapa-sana all ka na lang talaga dahil ramdam mong in love talaga sila sa isa't isa.

Natawa lang kami nu'ng magbiro si Jeremy kay Pia ng, "Whose the video again to?"

Sagot ni Pia, "It's for my vlog."

Hirit ni Jeremy, "The vlog. Hmmm. You gonna share some of that ad sense dollars with me?" sabay mabilis na taas ng mga kilay at turo sa gilid ng kanyang ulo na parang sinasabing kailangan ay utakan at dapat siyang bigyan ni Pia dahil part siya ng vlog nito.

Sagot ni Pia kay Jeremy, “Umalis ka na nga. You can go now!”

Hahahahaha! Negosyanteng-negosyante talaga ang BF ni Pia!

Pero in fairness, bagay talaga sila at perfect couple!