Proud na proud na may dyowa… AC, AYAW ITAGO ANG RELASYON NILA NI HARVEY

ni Janiz Navida @Showbiz Special | Apr. 17, 2025

Harvey Bautista at AC Bonifacio - Instagram

Napaiyak ang Kapamilya star na si AC Bonifacio nang aminin sa nakaraang Spotlight presscon ng Star Magic na ang nanay niya ang mas higit na nasaktan at naapektuhan sa misconception ng mga tao sa kanya na siya ay ‘backstabber’ habang nasa loob pa siya ng PBB house para sa Pinoy Big Brother Celebrity Collab Edition.

Ani AC na laking-Canada, ugali lang talaga niya ang nagpapakatotoo at kapag may gusto siyang sabihin, sinasabi niya ang totoo at hindi siya plastic. Pero kinakausap din naman daw niya ang taong sinasabihan niya at ipinapaliwanag dito ang kanyang saloobin, kaya hindi raw pamba-backstab ang tawag sa ginagawa niya.  

Ibinahagi rin niya ang mga naging reflections niya matapos ang PBB: “Now, you guys know me as a human being na nagkakamali rin. Na I'm not perfect. Na may mga times na I accidentally say things that I have no intention of it being a bad way. But know that I am trying to be better, and I'm really taking in all your concerns and comments.”

Napakadiretso ngang magsalita ni AC at kahit ang relasyon nila ni Harvey Bautista ay lantaran niyang inaamin at proud na proud siya na may dyowa siya.

Hindi raw dapat ikahiya na in love siya at hindi naman niya nakikitang makakaapekto ang pagiging open nila kahit pa may ibang inila-love team kay Harvey sa ilang projects nito.

Bukod sa pagiging dancer at singer, may bagong acting project na aabangan kay AC. Kasama siya sa cast ng The Four Bad Boys and Me, kung saan gagampanan niya ang role bilang si Tiffany na ipapalabas very soon.

Sa pagpapakatotoo ni AC on and off camera, dumami rin ang mga patuloy na sumusuporta sa kanya at ang mga oportunidad na darating sa kanya. Isang dahilan kung bakit mas hinahangaan siya ng marami.

---

Show, tsinugi sa mismong b-day ng APO Hiking member… JIM KAY CHARO: WALA KANG PUSO! 

MAY pa-story time ang host ng nagbabalik na longest drama anthology on TV na Maalaala Mo Kaya na si Ms. Charo Santos sa kanyang latest Instagram post.

Ayon kay Ms. Charo, may huge lesson siyang natutunan sa isa sa APO Hiking Society members na si Jim Paredes nang sabihan siya nito na “You know, Charo, you’re so heartless.”

Kuwento ni Ms. Charo, taong 1995 nang mag-start ang Tatak Pilipino sa ABS-CBN hosted by Jim Paredes and Gel Santos-Relos at nu’ng umpisa ay maganda ang ratings nito at naging award-winning show pa.

But after a year daw, nagsimula nang bumaba ang ratings at unti-unti na ring nawala ang mga advertisers, kaya bilang programming director ay siya ang naatasang kausapin ang dalawang hosts para ipaalam na kailangan nang tapusin ang show.

Maayos naman daw niyang kinausap sina Jim at Gel at ipinaliwanag ang reason kung bakit kinailangang tapusin na ang programa at tinanggap naman daw ng dalawa.

Until one day daw, nagkaroon ng team building kasama ang APO Hiking Society at du’n nga raw sinabi sa kanya ni Jim na wala siyang puso.

Nabigla raw si Ms. Charo at napatanong kung ano ang ginawa niya para sabihan nang ganito ni Jim.

At du’n sinabi ni Jim na birthday pala niya nu’ng araw na kinansela ang Tatak Pilipino, kaya napa-“Oh, my God!” na lang daw si Ms. Charo at natunaw sa hiya.

“I realized that actors and talents are not just a cog in the showbiz machine, they’re persons who get hurt,” sabi pa ng dating presidente ng ABS-CBN.

Mula raw nu’n, inalam na niya lahat ng birthdays ng kanilang mga talents at never na rin silang nag-cancel ng show sa kaarawan ng mga ito. Itinuro rin daw niya ‘yun sa kanyang mga minentor.

Samantala, ang message niya kay Jim Paredes ay, “Jim, if you’re watching, thank you very much for teaching me this huge lesson in humility.”

Nakakabilib din naman talaga si Ma’m Charo, ‘di ba? To think na ang laki-laki na niyang tao pero napaka-down-to-earth pa rin at marunong tumanggap ng pagkakamali.

Sana, ‘yan din ang matutunan ng maraming celebrities, lalo na ‘yung mga baguhang nagsusulputan ngayon na wala pang napapatunayan, eh, feeling mga ‘untouchables’ na, ha?

---

Kalat na sa Tate… SIKAT NA CELEB-BUSINESSWOMAN, MAY LUNG CANCER

BLIND ITEM:

KALAT na at pinag-uusapan pala ngayon sa US ang health condition ng isang sikat na celebrity-businesswoman na maraming kaibigang artista.

Kung ‘di kami nagkakamali, dati nang nagkaroon ng cancer ang naturang sikat na celeb at sabi niya ay survivor na siya.

Kaya naman nagulat kami sa chika ng isang informant na maraming kaibigan sa US at usap-usapan nga raw doon na may lung cancer ang sikat na celeb-businesswoman.

Hindi lang nasabi sa amin kung ano’ng stage na ng lung cancer ng mabait pa namang celeb-businesswoman, pero sana ay maka-survive uli ito dahil maraming nagmamahal sa kanya.

Kalabang mayor, hinamon ng debate… SAM KAY ISKO: PARA MALAMAN NATIN KUNG SINO TALAGA ANG WALANG LAMAN ANG UTAK

ni Janiz Navida @Showbiz Special | Apr. 15, 2025

Habang papalapit ang 2025 midterm elections, mas nagiging mainit ang laban ng mga mayoralty candidates ng Manila na sina dating Manila Mayor Isko Moreno at TV host-Tutok to Win Partylist Rep. Sam Verzosa.

Sa ginanap na Pandesal Forum kahapon sa Kamuning Bakery ng writer-entrepreneur na si Wilson Lee Flores, diretsahan ang mga binitawang pahayag ng businessman boyfriend ni Rhian Ramos na si Sam “Dear SV” Verzosa patungkol sa kalaban sa pagka-mayor sa Maynila na si Isko.

Sa huling survey kasing ginanap, tila dumidikit na sa ranking si SV kay Isko habang napag-iiwanan naman ang incumbent mayor na si Mayor Honey Lacuna.

Kaya naman, nakakarating na rin daw kay Sam ang mga simpleng banat sa kanya ni Isko na siyempre pa ay ikinasama ng loob ng BF ni Rhian dahil para sa kanya, isang araw lang naman ang eleksiyon at ang mahalaga ay ‘yung pagtupad nila sa mga ipinangako nila sa mga botante ng Maynila habang sila ay nangangampanya.

At dahil tila umiinit na nga ang iringan nila, tinanong namin si SV kung papayag ba siyang makipagdebate kay Mayor Isko kung sakaling hilingin ito ng mga taga-Maynila.

Diretsong sagot ng independent candidate, “Kung magkakaroon man ng debate, handa po tayong lumaban at sumagot. Sabi ko nga po, kailangang magkaroon ng debate, kailangang magkaroon ng talakayan para malaman ng mga tao, ano ba talaga ‘yung plano ng bawat isa.

“Sobrang importante ‘yan, makilala ng mga botante ang bawat kandidato, ang kanilang mga plano. At bukod du’n sa salita, maramdaman din nila kami.

“Kasi, maraming magagaling magsalita, maraming matatamis ang dila, sasabihin ‘yung gusto n’yo lang marinig. Pero nu’ng nabigyan sila ng pagkakataon, hindi naman nagawa.

“Kaya napakaimportante na magkaroon ng debate para malaman ng mga tao kung sino ba talaga ang nagsasabi nang totoo, nang tapat at naaayon sa kanyang puso at may magandang plano sa mga Manilenyo,” dire-diretsong pahayag ni SV, na kung noon ay mahiyain pa at hindi masyadong masalita, ngayon ay napakahaba nang sumagot sa mga tanong.   

Dagdag pa nga nito, “Kaya sana po, magkaroon na ng debate. At gusto ko lang pong sabihin, hinding-hindi po ako aatras d’yan, anytime, anywhere, haharapin ko po si Isko sa isang debate.”

Ano’ng gusto niyang sabihin kapag nakaharap niya nang personal si Isko?

Sagot ni Sam, “Sana po, ‘wag kayong umatras sa isang matalinong pagdedebate. Hindi ho ito personalan, ito ho’y para sa kinabukasan ng mga Manilenyo. Ano’ng plano mo, ano’ng kaya mong gawin, ano’ng kaibahan mo ngayon du’n sa dati, at masagot na po lahat ng mga issues sa Maynila.

“Ang request ko lang po sa kanya, eh, sana, ‘wag kang umurong sa debate at harapin natin ‘yung mga Manilenyo para po malaman kung sino talaga ‘yung karapat-dapat at may kakayanan talaga na magdala ng pag-asa at pagbabago sa Maynila.”

Samantala, sinagot din ni SV ang banat sa kanya ni Isko na diumano ay ‘walang laman ang utak’ niya at buti pa raw ang pandesal ay may laman.

Sabi ni Sam Verzosa, “Grabe naman ‘yun. Mayor Isko, ‘wag naman po sanang ganu’n. Ako po’y nagsikap sa aking pag-aaral. Ewan ko sa ating lahat, ako yata ‘yung naging valedictorian at UP graduate. Battle of the Brains winner po ako nang ilang beses. Civil engineer. Twenty yrs. na po akong nagnenegosyo.

“Hindi naman po sa pagmamayabang at pagtataas ng bangko, pero sabi ko nga, sana magkaroon ng debate para malaman natin kung sino talaga ‘yung walang laman ‘yung (sabay turo sa utak),” ani Sam na sinundan na lang ng tawa.

So, wait na lang natin kung tatanggapin ni dating Yorme Isko ang hamon na ‘yan ni Dear SV, ha?!

Ihanda na ang cookie ni Rhian Ramos, este ang popcorn. Hehehe!

Proud na proud sa mister… MARIEL, DEDMA SA HINALIKAN NI ROBIN SA THE HAGUE, TOGETHER AGAIN SA ‘PINAS

ni Janiz Navida @Showbiz Special | Apr. 13, 2025

Photo: Mariel at Robin Padilla - Instagram

Mukhang nonchalant at hindi naman apektado si Mariel Rodriguez-Padilla ng kumalat na picture ng mister na si Sen. Robin Padilla habang nasa The Hague, Netherlands ito na may hinalikang babaeng fan na nagpapiktyur sa kanya.

Sa kanyang Instagram account, nag-post si Mariel ng video na magkakasama sila ni Robin at dalawa nilang anak na babae bago umalis sa bansa ang senador para samahan si dating Pangulong Rodrigo Duterte sa Netherlands.

Ang mahabang caption ni Mariel sa kanyang video post, “Isa sa pinaka-proud ako kay Robin ay siya 'yung what people call a "PRESENT FATHER" sa mga anak niya. “Kaya naman everytime we get a chance to bond, even without our cameras ay napaka-hands-on niyang tatay to Isabella and Gab. “But, I know his heart. Gusto niyang mag-serve sa bayan, kaya as a wife, I support him even when it means na malayo siya sa amin for a while. “Nonetheless, kahit na cut ang Thailand trip naming family, I know we made lots of memories that the kids will cherish forever! “Tara, samahan n’yo kami sa pinakabagong adventure ng #TeamPadilla! 8pm tonight on my YT channel. “***all things that happened before he left for The Hague.”

Sa dami na ng pinagdaanan nina Mariel at Robin sa pagsasama nila, ngayon pa ba magiging selosa ang TV host?

Kung may higit na nakakakilala kay Robin, siyempre siya na ‘yun!

---

‘Di na kinaya ni Marjorie kaya iniwan…

DENNIS, WA’ NA SUSTENTO, NANANAKIT PA, JULIA, CLAUDIA AT LEON, PINAGMUMUMURA

Finally ay nasagot na nga ang tanong ng maraming nagtataka kung bakit ganu’n na lang ang treatment kay Dennis Padilla ng kanyang mga anak kay Marjorie Barretto kahit paulit-ulit pa siyang nagmamakaawa sa social media na pansinin naman nina Julia, Claudia at Leon Barretto.

Sa one-on-one exclusive interview nga kay Marjorie ni kapatid na Ogie Diaz sa YouTube vlog nito, ang daming rebelasyon ng dating aktres at talagang inugat niya kung saan nagsimula ang tampo o galit ng mga anak kay Dennis bago pa ang controversial na pambabalewala raw sa aktor-komedyante sa nakaraang wedding ni Claudia kay Basti Lorenzo nito lang April 8.

Isa nga sa mga mabibigat na ibinulgar ni Marjorie ay ang pagiging ‘abusive’ raw ni Dennis, hindi lang physically, financially kundi mas mabigat daw ‘yung verbal abuse na inabot niya rito at maging ng kanilang mga anak.

Kuwento ni Marjorie, “Dennis has an explosive temper. His voice alone, nanginginig na sila.”

Dagdag pa niya, “There are so many things na hindi n’yo alam na pinagdaraanan namin d’yan kay Dennis.”

May naging linya pa ang mom nina Julia, Claudia at Leon para kay Dennis na, “When I left you 18 yrs. ago… I suffered so much, physical abuse, financial abuse, verbal abuse was even worse to me than physical abuse. I will take the beating anytime, pero the verbal abuse, mura na hindi mo alam kung saan nanggaling ang words and terms.”

Halos once a year na nga lang daw tawagan ni Dennis ang mga anak, minumura pa raw sa telepono kaya nato-traumatized ang mga bata at nakakaapekto ‘yun sa kanilang mental health.

Isa pang ikinasasama raw ng loob ng mga anak kay Dennis ay gumagawa ito ng istorya at nagsisinungaling para kaawaan ng mga tao sa kanyang mga interviews habang nasisira naman at naba-bash sina Julia, Claudia at Leon.

One incident nga na ibinigay ni Marjorie ay ‘yung nagkita raw sina Dennis at Julia sa Viva Office at nagpa-interview ang dating mister para sabihing tinanggihan siyang yakapin ng anak dahil COVID pandemic that time.

Tinanong daw ni Marjorie si Julia kung totoong nangyari ‘yun at ang sagot daw ng anak, niyakap niya naman si Dennis that time at saksi pa nga ang handler ng komedyante, pero iba na nga ang ipinamalitang kuwento ni Dennis para makakuha ito ng simpatya.

May iba pang pangyayaring ikinuwento ni Marjorie na nagpapatunay na “atensiyon” at hindi raw magandang relasyon sa mga anak ang gusto ni Dennis.

Sinabi rin ni Marjorie na nag-start lang si Dennis na magalit at mag-demand sa atensiyon ng mga anak mula nang mag-artista na si Julia, samantalang sa loob daw ng 18 yrs., ni hindi naman ito nagsustento at si Marjorie raw ang mag-isang nagpalaki at nag-provide sa pangangailangan ng mga anak.

Hindi naman daw masasabing walang kinikita si Dennis dahil nagkaroon pa nga ito ng 2 o 3 pamilya pagkatapos nilang maghiwalay, pero ni hindi raw ito nagkusang mag-abot o magbigay para sa pangangailangan ng kanilang mga anak para sana naging good example raw ito bilang ama kahit kay Leon na lang.

Hinaing din ni Marjorie, kung hindi na nga raw nakakatulong si Dennis financially, ‘wag na lang sirain sa publiko ang mga anak niya, dahil si Julia nga raw, nawawalan ng endorsements tuwing nagpapainterbyu si Dennis at naba-bash ang aktres.

“Binababoy mo ang mga anak mo, sinisiraan mo sila,” halatang galit na sabi pa ni Marjorie.

Well, sana nga, tulad ng huling sinabi ni Dennis sa interbyu sa kanya ni Papa O (Ogie Diaz) na huli na niya ‘yung pagsasalita ay panindigan na rin niya ‘yun at baka sakaling lumambot pa ang puso ng mga anak at mapatawad siya pagdating ng panahon.

Tutal, may kasabihan namang “Time heals all wounds,” devah?!