Ni hindi pa nagha-honeymoon… KRIS, 1 ARAW PA LANG, NILAYASAN AGAD ANG MISTER

ni Erlinda Rapadas - @Teka Nga! | September 28, 2021

Isang araw pa lang matapos silang ikasal ay iniwan na ni Kris Bernal ang kanyang mister na si Perry Choi.

Dapat ay nagha-honeymoon pa sila, pero sumabak na agad sa trabaho ang petite na aktres. Kailangan daw gawin ‘yun ni Kris dahil may locked-in taping siya sa isang serye at hindi puwedeng i-postpone.

Mahigit isang buwan na mawawalay si Kris sa kanyang mister na si Perry. Kaya naman, ang lungkut-lungkot niya habang nag-eempake ng kanyang mga gamit na dadalhin sa locked-in taping.

Mabuti na lang at mabait, understanding at very supportive ang mister ni Kris Bernal na si Perry Choi. Naiintindihan nito na passion ni Kris ang pag-arte, kaya kahit bagong kasal pa lang sila ay pinayagan na niya sa locked-in taping ang kanyang misis, kaya bale LDR (long-distance relationship) sila ngayon.

Sa negosyo muna magpapaka-busy si Perry Choi. Kapag break naman sa teyping ay puwedeng mag-video call si Kris upang sila ay magkausap.

Medyo nakaramdam ng pagod si Kris Bernal matapos idaos ang kanilang kasal. Ang dami-dami kasi niyang inasikaso sa kanilang wedding preparation. Pero, ang mahalaga ay nairaos ang kanilang kasal na ilang beses na naudlot-naurong dahil sa COVID pandemic.

Tatakbong vice-gov.... EJAY, 'DI GRADWEYT, NILAIT NG FANS

ni Julie Bonifacio - @Winner | September 28, 2021

Pormal nang idineklara ang kandidatura ni dating Pinoy Big Brother Big Winner Ejay Falcon bilang vice-governor ng Oriental Mindoro para sa 2022 national elections. Tatakbo si Ejay sa ilalim ng partidong PDP-Laban.

Kung pagbabasehan ang reaction ng mga netizens, hindi sila pabor sa pagtakbo ni Ejay sa mataas na posisyon.

"He hasn’t even finished high school?! Lol! Sana, mas mababang posisyon muna, Ejay. Look how he talks sa interview. Jusko ‘wag naman ganu’n. Hahaha!"

"Aral ka muna, Ejay. Sa acting, sablay, pa’no pa sa pulitika? Hmmm."

"Ang kakapaaaaaal talaga ng mukha ng mga ‘to! Vice-gov. agad-agad?!? ‘Di man lang mag-kagawad muna?"

Akusa ng ibang netizens, laos na raw si Ejay kaya sa pulitika naman sasabak.

"True, basta artista, ‘yan ang fallback nila, hays. Pera rin kasi ‘yan. Dirty money, that is."

"Grabe mga artista, ‘no??? Ginawa nang sideline ang pagiging pulitiko."

"Jejomarjosepmaryosep. Ginawang day job ng mga laos na artista ang pagiging pulitiko."

Sey ng mga netizens, dapat daw, may qualifications ang isang public official.

"Dapat talaga may qualifications lahat ng public officials, ‘yung mas mahigpit compared sa ordinary workers!”

"Exactly. Kaming mga hamak na manggagawa ng mga ahensiya, napakadaming hinihinging requirements. Dapat passer ng civil service, dapat nakatapos sa relevant course, may relevant training, may action research, etc. etc. Tapos, sahod namin, maliit. ‘Tong mga uupo sa gobyerno, basta-basta lang, tapos taas ng mga sahod."

Suggestion naman ng ilan, sana raw ay gawing qualification sa mga tatakbo ang civil service exam.

"Jusko, sana isa sa gawing qualifications sa lahat ng tatakbo, eh, civil service exam. Mas madali pa ata requirements sa pagtakbo kesa sa pag-apply ng totoong trabaho."

"True!! Civil service exam is a must! Dito lang ‘ata sa ‘Pinas ‘yung kahit sino, puwedeng tumakbo. Napakababa ng standard sa public officials."

Sabeee.

Minsan lang daw ikakasal, itinodo na… WEDDING GOWN NI KRIS, P.5 MILYON!

ni Erlinda Rapadas - @Teka Nga! | September 27, 2021

Dream come true para kay Kris Bernal ang kanyang mala-fairytale na wedding. Lahat ng kanyang pinangarap sa isang kasal ay natupad, tulad ng gusto niyang simbahan sa Makati kung saan ginanap ang wedding ceremony nila ni Perry Choi.

Hindi halatang halos nangarag si Kris sa kanyang wedding preparation dahil hands-on siya sa lahat ng aspeto. Blooming na blooming at beautiful bride si Kris sa araw ng kanyang kasal noong Sept. 25.

Medyo umulan lang sandali bago naganap ang wedding ceremony, pero tumigil din naman agad.

Mabuti na lamang at hindi garden wedding ang kanilang pinili kaya nairaos ang kasal na walang aberya.

Ang simbahan ay napapalamutian ng fresh giant sunflowers tulad ng request ni Kris Bernal.

Napakaganda ng kanyang wedding gown na gawa ng sikat na designer na si Mak Tumang. Balitang P500 thousand ang halaga ng nasabing wedding gown.

Well, sabi nga, minsan lang ikasal ang isang babae, kaya deserve niya ang the best sa kanyang wedding day.

Samantala, may good news naman ang mga fans and supporters ni Kris Bernal. Balitang pinapipirma siya ulit ng kontrata ng GMA Network at magbibida raw siya sa isang upcoming afternoon soap.

Kaya naman, ang saya-saya ngayon ni Kris na Mrs. Perry Choi na ngayon!