MARIS, NAG-POST NA PAGOD AT UBOS NA UBOS NA, MGA BFF NA CELEBS, NAALARMA

ni Beth Gelena - @Bulgary Files | October 09, 2021

Nabahala ang mga supporters at followers ni Maris Racal sa kanyang cryptic post nu'ng October 1 na “Kapoy...ubos na ubos...”

Agad namang nag-reach out ang kanyang mga fans at maging ang mga kapwa niya celebrities. All are hoping na sana raw ay okey lang ang singer at matapang nitong harapin kung anuman ang kanyang pinagdaraanan.

Isa na nga ang actress na si Kathryn Bernardo sa mga nagbigay ng comforting words sa young singer.

"Oh, no... Here for you Maris!!!”

Ang iba naman ay na-curious kung ano raw ba ang ibig sabihin ni Maris sa kanyang post.

Akala ng mga faney ay may kaugnayan sa love life ni Maris at ng boyfriend nitong si Rico Blanco ang kanyang pinagdaraanan.

Para naman hindi mabahala ang mga nagmamahal sa kanya ay nag-post muli si Maris, "OMG! Joke lang. Drama lang. MERON PA PALAAAA."

Ang post pala ni Maris ay patungkol sa kanyang bagong commercial na isang shampoo brand kung saan endorser din si Kathryn.

KYLIE, NI-LIKE ANG PIKTYUR NG HOLDING HANDS NINA ALJUR AT AJ

ni Nitz Miralles - @Bida | October 09, 2021

Iba’t iba ang reaction ng mga netizens nang mabasa ang pangalan ni Kylie Padilla na ni-like ang photo nina Aljur Abrenica at AJ Raval sa isang website na naglalakad na magka-holding hands.

May nag-comment na gusto lang ipakita ni Kylie na wala na siyang pakialam kay Aljur. May naniniwala namang gusto lang asarin ni Kylie sina Aljur at AJ at may naniniwala ring tanggap na ni Kylie ang relasyon ng estranged husband niya at ni AJ.

May nag-comment naman na Kylie deserves better.

Hindi rin maiwasang pagkumparahin sina Kylie at AJ at mas pabor ang mga netizens kay Kylie sa lahat ng aspeto. Nagtataka nga sila kung bakit ipinagpalit ni Aljur si Kylie kay AJ.

Sa comments section, malalaman na sa locked-in shooting ng Viva Films movie na Nerisa nagkakilala at nagka-develop-an sina Aljur at AJ. Natatandaan namin, ang leading lady ni Aljur sa nasabing pelikula ang pinaghinalaang third party sa kanila ni Kylie. Maraming nagalit noon kay Cindy Miranda na maayos na itinanggi na siya ang “babae” ni Aljur.

Sabi ng mga netizens, nagsabi nang totoo si Cindy dahil lumalabas na hindi siya kundi si AJ ang pinuntirya ni Aljur. Marami pang babae ang pinaghinalaang “babae” ni Aljur, ‘yun pala, si AJ ang tinukoy ni Robin Padilla na “third party” sa hiwalayan nina Kylie at Aljur. In fairness, matagal ding naitago nina Aljur at AJ ang tungkol sa kanila.

Samantala, may mediacon ang BetCin movie nina Kylie at Andrea Torres next week, at siguradong matatanong si Kylie tungkol kina Aljur at AJ at ang pagla-like niya sa larawan ng dalawa.

Ang BetCin ay ang LGBT-themed series nina Kylie at Andrea, isang WETV Original series at streaming sa WETV sa October 15. May kissing scene at bed scene sina Kylie at Andrea rito. Ang biro kay Kylie, babae ang ipinalit niya kay Aljur.

Vilma, atras sa Senado… NORA, TATAKBONG PARTYLIST REPRESENTATIVE

ni Ador V. Saluta - @Adore Me! | October 09, 2021

Nakakatuwa ang mga nagsusulputang balita na kaya raw hindi tatakbo sa pagka-senador sa May 9, 2022 halalan ang Star for All Seasons na si Vilma Santos-Recto ay dahil nahihilig ang beteranang aktres sa pagba-vlog at balak nang maging isang successful YouTuber.

'Di hamak nga kasi na bumabaha ang pera sa pagba-vlog lalo na't ikaw ay isang sikat na celebrities na milyones ang followers gaya ng mga sikat na vloggers na sina Ivana Alawi, Alex Gonzaga at iba pa na kumukubra na nang milyones dahil sa kanilang vlog.

Salungat naman ito sa naunang naiulat na nais daw munang magpahinga sa pulitika ng aktres at walang balak tumakbo para sa huling termino bilang kongresista ng 6th District ng Batangas dahil ang kanyang kalusugan ang nakataya.

Kahapon ang huling araw ng filing ng Certificate of Candidacy ng mga tatakbo sa 2022 at hanggang natapos nga ang araw ay walang Ate Vi na nagpakita para mag-file ng kanyang COC.

Nauna nang inanunsiyo ni Vilma ang kanyang desisyong hindi tatakbo ngayong halalan sa pamamagitan ng isang official statement sa social media nitong Huwebes, Oct. 7, isang araw bago ang deadline ng paghahain ng COC.

Unang-unang dahilan ni Ate Vi kung bakit magpapahinga siya sa pulitika ay ang patuloy na nararanasan at patuloy na pagdami ng tinatamaan ng COVID-19. Kesa nga naman isugal niya ang kanyang kalusugan sa pangangampanya, mamahinga na muna, besides, napakahirap din ang ipinapatupad na health protocols kontra-COVID-19.

Matatandaang 1998 nang magsimula ang political career ni Ate Vi nang mahalal siya bilang mayor ng Lipa City, Batangas. Tatlong termino siyang naging alkalde ng Lipa.

From vlogging, may nakausap daw si Ate Vi from a source na balak nitong gumawa ulit ng pelikula dahil magkakaroon na siya ng panahon ngayong pahinga muna siya sa pulitika.