Misis at panganay ni Sen. Bong… LANI AT BRYAN, PAREHONG CONG. SA CAVITE

ni Julie Bonifacio - @Winner | October 09, 2021

Gaya ng naibalita namin, opisyal na rin ang pagtakbo ni Bacoor City Mayor Lani Mercado bilang kongresista ng kanilang distrito sa Cavite. At si Bacoor City Congressman Strike Revilla naman ang kakandidato bilang mayor ng Bacoor City.

Kasabay ni Mayor Lani, nag-file rin ng COC ang panganay na anak nila ni Sen. Ramon 'Bong' Revilla, Jr. na si Bryan Revilla bilang congressman din sa Cavite.

Last month ay naisulat namin sa aming kolum ang balitang pagpasok na rin sa pulitika ni Bryan bilang partylist representative. At ayon sa aming source, katuwang niya dapat d'yan bilang co-nominee ng partylist si Hayden Kho.

Sinubukan naming tanungin ang misis ni Hayden at beauty surgeon na si Dra. Vicki Belo if true na papasok sa pulitika ang kanyang mister bilang nominee sa isang partylist.

Pero ayon kay Dra. Vicki, hindi tatakbo ngayong eleksiyon si Hayden. Tinanggihan daw ni Hayden ang offer sa kanya na maging partylist representative.

Dunno if that's the reason why Bryan finally decided na pumasok pa rin sa pulitika kahit na solo candidate as a congressman sa isang distrito sa Cavite.

Utol ni Toni, tikom ang bibig… ALEX, NAKUNAN, STOP MUNA SA SHOW SA TV5

ni Erlinda Rapadas - @Teka Nga! | October 09, 2021

Pansamantalang hindi mapapanood si Alex Gonzaga sa noontime show na Lunch Out Loud dahil kailangan niyang magpahinga.

Sa kanyang latest vlog ay hindi sinabi ni Alex ang dahilan kung bakit siya mawawala muna sa LOL. Pero, balitang-balita na sa showbiz circle na nagkaroon ng miscarriage (nakunan) ang actress-TV host kaya kailangan muna niyang magpahinga.

Walang kumpirmasyon ang kampo ni Alex sa nasabing balita. Pero, tiyak na sa kanyang YouTube channel ay malalaman ang buong detalye, tulad ng ginawa niya noong ma-COVID silang mag-anak.

Well, wala namang dapat ipag-alala si Alex Gonzaga kung pahinga muna siya sa Lunch Out Loud. Marami naman siyang endorsements at patuloy na kumikita nang malaki. Milyon na rin ang kita niya sa kanyang YouTube channel.

Dapat ay alagaan niya ang kanyang sarili kung gusto na niyang magka-baby na sila ni Mikee Morada.

Suportado raw ni Maine… ARJO, MAGKO-CONGRESSMAN SA KYUSI

ni Vinia Vivar - @Frankly Speaking | October 09, 2021

Nag-file na nga ng kanyang COC (Certificate of Candidacy) si Arjo Atayde kahapon (October 8) sa Comelec NCR Office in Intramuros, Manila. Kakandidato ang magaling na aktor bilang congressman sa 1st District ng Quezon City.

Sinamahan si Arjo ng kanyang mga magulang na sina Sylvia Sanchez at Art Atayde at ni Quezon City Mayor Joy Belmonte sa pagpa-file. Tatakbong independent ang aktor.

"Itong pandemya, ang dami kong na-realize na mga bagay-bagay, and this time, I have to act not as an actor but I have to act bilang serbisyo sa ating mga taga-Distrito Uno,” pahayag ni Arjo sa mga reporters.

Aniya, ang pandemic ang talagang nagtulak sa kanya para pasukin ang pulitika.

“If I told you right now that I had interest in running for politics since I was in high school, no one would believe, kasi ‘di ba, ngayon lang talaga ako nagpakita?

"The COVID situation has really pushed me to the limit of going for it. Because sabi ko nga, kailan at paano?” he said.

Ayon pa sa aktor, ang kailangan daw natin ngayon ay mga leaders na may malasakit sa kapwa at hindi lang basta may kaalaman.

“Pero this time, you know, given reality, I think more than dreams, more than the knowledge, we need leaders who have dignity, the heart, malasakit sa kapwa. ‘Yun po talaga ang importante and that’s what everyone needs to do.”

Nabanggit din ng aktor sa panayam na ang kanyang pagtakbo ay suportado ng kanyang girlfriend na si Maine Mendoza.

“Magulo po itong pinapasok natin and I’m just very happy that I have a supportive girlfriend,” he said.