PRAMIS NI WILLIE: WOWOWIN, ‘DI MAWAWALA!

ni Vinia Vivar - @Frankly Speaking | October 10, 2021

Matapos ang kanyang deklarasyon last Thursday na hindi na siya tatakbo sa 2022 elections, the following day, sa kanyang Wowowin show ay maaliwalas ang mukha ni Willie Revillame at parang nabunutan ng tinik, pagpapatunay na talagang masaya siya sa naging desisyon niya.

At hindi lang si Willie ang nabunutan ng tinik kundi maging ang kanyang mga staff sa Wowowin.

Kuwento nga niya, ilaw araw bago siya nag-announce ay malungkot ang mga ito dahil akala raw ay mawawala na ang show.

“Bago ako magsalita kahapon, ilang araw silang nangangamba at ilang araw silang… akala nila, magpapaalam na ‘ko tonight. So, lahat ho sila, medyo malungkot,” kuwento ni Willie.

Hanggang sa bandang huli nga ay nag-iyakan na raw ang mga ito at nagtatanong kung ano na ang magiging trabaho nila at kung paano na raw sila.

“Hindi, dito pa rin kami. Dito pa rin ang programang ito. Hindi mawawala ito hanggang may nalulumbay at nalulungkot,” paninigurado ni Willie.

At para lalong matuwa ang mga staff ay bibigyan niya raw ng bonus ang bawat isa.

“Lahat may bonus! Share your blessings, ‘di ba? Lahat kayo, bibigyan ng bonus,” deklara niya sa staff.

Samantala, lubos ang pasasalamat ng TV host sa suporta ng taumbayan sa kanyang naging desisyon. Dito nga niya lalong na-realize that he made the right decision.

“Overwhelming po ‘yung naging response. Salamat Lord, maraming salamat. Thank you po at I made the right decision because kailangan kong tulungan ang sarili ko.

“Kailangan, alam ko sa sarili ko kung ano ang kakayahan ko, dahil kapag niloko ko ang sarili ko, niloloko ko na kayong lahat.

“Ang totoo niyan, hanggang dito na lang ho muna ako. Mahirap kasi ‘yung wala kang mai-contribute tapos ‘Ibinoto ko ‘yan, wala naman palang kuwenta ‘yan.’ Ang sakit ho nu’n, ‘di ba? Masisisi ka pa,” sey ni Willie.

“Gusto ko lang magpasalamat sa lahat ng nagbigay ng magagandang mensahe, sa mga nag-text, sa mga nag-email, lahat, lahat-lahat,” seryoso niyang wika.

LGBT, tutulungan daw niya… NORA, PAPALITAN SI VILMA SA KONGRESO

ni Mercy Lejarde - @Showbiz Talkies | October 10, 2021

Nagpahayag na ang Star for All Seasons na si Vilma Santos na hindi na siya tatakbo sa kahit anong posisyon this coming 2022 elections. Gayunpaman ay sinabi nitong patuloy pa rin daw siyang tutulong sa madlang pipol sa abot ng kanyang makakaya.

Tipo kasing ini-enjoy ni Ate Vi ang kanyang vlog sa YouTube dahil masaya siyang nakikipagtsikahan kasama ang anak na si Luis Manzano at ang wifey nitong si Jessy Mendiola.

‘Niwey, kung si Vilma ay out na sa pulitika or sa Kongreso, si Superstar Nora Aunor naman ang tipong papalit kay Ate Vi at totohanan na nga ang balita ‘coz nagbigay na ng press statement ang Superstar.

“NORA AUNOR PRESS STATEMENT

“Ako po si Nora Cabaltera Villamayor o mas kilala bilang Nora Aunor sa Philippine Showbiz ay kumpirmado pong tatakbo po sa Halalan 2022 sa pamamagitan po ng party list na (NORA A) National Organization for Responsive Advocacies for the Arts.

“Sa mahigit limampung taon ko po sa entertainment industry ay marami pong umuudyok sa akin na pasukin po ang public service. Ito na po siguro ang tamang pagkakataon para po pagbigyan ang mga taong nagsusulong at naniniwala sa akin na ako po ay makakatulong lalo na po sa mga nangangailangan. Panahon na po para maibahagi ko rin ang mga adbokasiya at mga plataporma na aking binuo para po sa kapakanan ng nakakarami.”

Una sa listahan ng mga gustong tulungan ni Ate Guy ay ang mga kasamahan niya sa industriya na gusto niyang mabigyan ng sapat na medical assistance, gayundin ang mga nasa media na karamihan ay walang fixed na suweldo.

Aniya, “Sa tagal ko na po sa industriya ay naging saksi po ako sa hindi magandang trato sa mga naging kasamahan ko sa trabaho lalo na po ang mga maliliit na manggagawa na bukod sa hindi po nababayaran nang tama ay hindi po naibibigay ang nararapat para sa kanila.”

Pangalawa, gusto raw niyang mabigyan ng dagdag na pensiyon ang mga tulad niyang senior citizen na.

“Sa akin po kasing obserbasyon ay mas nakikinabang nang malaki ang mga nasa mauunlad na bayan na may malaking IRA. Kawawa po ang mga nasa malalayong pamayanan na wala pong pondo ang kanilang mga munisipalidad. Ang gusto ko pong maisabatas dito ay magkaroon ng National Fund para makinabang po ang mga senior citizens sa buong Pilipinas.”

Pangatlo sa mga gusto niyang tutukan ay magkaroon ng karagdagang pondo para sa mga OFWS.

“Para po hindi na maulit ang malagim na sinapit ng iba po nating kababayang OFWs. Karapat-dapat po silang bigyan ng atensiyon dahil napakalaki po ng kontribusyon nila sa ekonomiya ng ating bansa.”

Pang-apat, gusto niyang madagdagan ang pondo ng mga state universities para marami pang mga kabataan ang makinabang at magkaroon ng magandang kinabukasan. Gusto rin daw niyang isulong na mapataas ang suweldo ng mga guro.

Panglima, dahil malapit kay Ate Guy ang mga members ng LGBTQIA+, gusto raw niyang magsulong ng mas mabagsik na batas na poprotekta sa mga bading at tibo para magkaroon ng patas na karapatan at hindi ma-discriminate.

Ang iba pang sector na gustong tutukan at tulungan ni Ate Guy ay ang mga magsasaka, ang pangangailangang pang-kalusugan ng mga Pinoy at ang kabuhayan.

Aniya pa, “Ang lahat po ng ito ay maisasakatuparan ko po kung ako po ang inyong susuportahan. Wala po akong ibang hangad kundi ang makatulong at maipadama po sa inyo ang aking mabuting hangarin.”

Good luck sa ating nag-iisang Superstar!

KARLA, TATAKBONG REP. NG PARTYLIST NA NAGPASARA SA ABS-CBN

ni Julie Bonifacio - @Winner | October 10, 2021

Binatikos nang todo si Karla Estrada sa pagsama niya sa isang partylist na bumoto sa Kongreso para ma-deny ang prangkisa ng ABS-CBN.

In fact, nag-top trending pa ang #WithdrawKarlaEstrada sa Twitter after she filed her COC.

And from what we saw sa Twitter that day, nagkagulo ang mga fans ng love team ng anak ni Karla na si Daniel Padilla at ng onscreen and offscreen partner nitong si Kathryn Bernardo, ang KathNiel.

Most of those netizens na nagpu-push na mag-withdraw si Karla ng kanyang COC ay ang KathNiel fans. At kahapon nga, nag-number one trending ang #KathNielGising.

Kahapon din ay naglabas ng pahayag ang ABS-CBN ukol sa pagtakbo ni Karla bilang kapanalig ng partylist na bumoto ng denial para mabigyan ng prangkisa ang Kapamilya Network.

"In her desire to continue serving her kababayans, Karla Estrada has decided to run for public office. We respect her decision and wish our Kapamilya well as she pursues her mission of service," mensahe mula sa ABS-CBN.

On her side, nagpaliwanag naman si Karla sa ginawa niyang desisyon.

"Nagpaalam ako sa aking mga bosses sa ABS-CBN at ako naman ay pinayagan nila at talagang susuportahan nila ako. Hangad ko na magkaroon ng boses ang aking mga Kapamilya sa Kongreso," esplika ni Karla.

Pramis ni Karla, kapag dumating daw sa usapin tungkol sa prangkisa ng ABS-CBN, magiging bukas ang partylist na kinaaniban niya sa usapin ng “mother network” nila ng kanyang anak na si Daniel.

Pero mukhang hindi kumbinsido ang KathNiel fans sa sinabi ni Karla.

"‘Respect’ is different from ‘Support’. Pero Tita Karla, sana ikaw din po, natututong rumespeto. If you did, you would have never decided to run under that partylist #KathNielGising”

“Tumatakbo bilang public servant para makatulong. Hindi po ba? But this is NOT the only option to help. NOT for the same party list who said yes to shutting down the company she and her son worked for.”

“Kaya nga.. hugas-kamay si Karla.. grabe na ang kakapalan.”

Si Karla ay isa sa mga hosts ng Kapamilya morning talk show titled Magandang Buhay with Jolina Magdangal at Melai Cantiveros.

Ang Magandang Buhay ay napapanood mula Lunes hanggang Biyernes bago mag-It’s Showtime sa A2Z at Kapamilya Channel.