BF, taob daw sa inuman… IBINUKING NI RICCI: ANDREA, LASENGGA!

ni Erlinda Rapadas - @Teka Nga | June 11, 2022

Nalolokah at shocked ang buong showbiz sa pinaggagagawa ngayon ni Andrea Brillantes. Kaybata-bata pa niya ay puro nega na ang mga nababalita sa kanya!

Tomador o lasengga raw, as in malakas uminom ng alak itong si Andrea. At mismong ang BF niyang basketbolista na si Ricci Rivero ang diumano'y nagkukuwento na daig siya ni Andrea sa inuman. At puro lalaki pa raw ang kanyang katropa.

Madalas ding papansin ang young actress at gustung-gusto na siya lagi ang pinag-uusapan.

Dedma rin si Andrea kung puro negatibo ang komento sa kanya. Basta ginagawa niya kung ano ang gusto niya at wala siyang paki sa sasabihin ng iba.

Masyado rin daw selosa si Andrea kaya kapag kasama niya ang BF na si Ricci Rivero, todo-angkla at sobrang clingy kahit nasa public place sila.

And it seems, nag-e-enjoy naman si Andrea habang siya ay pinapansin at pinag-uusapan ng lahat.

Well, ito kaya ang paraan ni Andrea Brillantes upang mabilis siyang sumikat? May kukuha pa kaya sa kanya na maging endorser sa kabila ng kanyang negative image?

Ang alam namin, may mga magulang pa naman ang young actress. Hindi ba nila kayang gabayan si Andrea? Dahil ba siya ang breadwinner ng pamilya kaya hindi na siya kayang pagsabihan?

Nawalan ng trabaho, tulog nang tulog… IBINUKING NI LIZA: ICE, 18 YRS. NANG DEPRESSED

ni Janiz Navida - @Showbiz Special | June 11, 2022

Mula year 2004 pa pala nag-umpisang makaranas ng depression ang magaling na singer na si Ice Seguerra.

At sa isang panayam sa misis niyang si FDCP Chairwoman Liza Diño-Seguerra, naikuwento nito ang matinding pinagdaraanan ni Ice sa kanyang depresyon.

Ani Chair Liza, may mga times na gusto ni Ice na tulog lang nang tulog at 20 hrs. itong tulog. Gusto rin daw nitong madilim lang ang kuwarto nila.

Kawalan ng trabaho ang sinabi ni Chair Liza na dahilan ng depression ni Ice. Sanay nga naman ang kanyang mister na 3 yrs. old pa lang ito ay nagtatrabaho na. Kaya malaking dagok nga naman kay Ice lalo na nang dumating ang pandemic na nawalan ito ng mga shows.

Ang nakakabilib sa mag-asawa, hindi nila ikinahihiya ang pinagdaraanan ni Ice, bagkus, gusto nilang maging inspirasyon ito sa mga katulad ng singer na dumaraan sa depression.

Kaya naman, pumayag si Ice na mai-feature ang tungkol sa depression niya sa documentary na kasama sa mga ipapalabas sa Healthy Pilipinas Short Film Festival (HPSFF) na magaganap sa darating na Hunyo 24, 2022 sa Shangri-La Plaza Red Carpet, Ortigas.

Magkakaroon din ng online screening mula June 25-26, 2022.

Ang festival ay ipinakilala ng FDCP at DOH sa mga miyembro ng press sa isang virtual launch noong ika-7 ng Hunyo, 2022.

Ang Film Development Council of the Philippines (FDCP) at Department of Health (DOH) ay nagsanib-puwersa upang ilunsad ang Healthy Pilipinas Short Film Festival (HPSFF) sa adhikaing makapagsulong ng mas malusog na bansa.

Ang Healthy Pilipinas ay isang communication campaign na pinangungunahan ng DOH at naglalayong makahikayat sa mga Pilipinong isabuhay ang mga positibong gawi upang maiwasan ang pagkahawa at pagkalat ng sakit.

Sinimulan ng DOH ang pakikipagpulong sa FDCP tungkol sa film festival noong isang taon bilang pagkilala sa bisa at inam ng short films bilang medium sa pagpapaabot ng kaalaman sa mas maraming manonood.

Anim na filmmakers mula sa iba’t ibang panig ng bansa ang inatasang lumikha ng mga pelikulang hindi hihigit sa 17 minuto na maglalahad ng iba-ibang mga health issues.

Ang anim na itatampok na filmmakers ay mula sa Pampanga, Cebu, Cagayan de Oro,

Zamboanga, at Metro Manila. Isinusulong ng proyektong ito 'di lamang ang malusog na pamumuhay para sa mga Pilipino kundi pati ang pagtatanghal sa talento ng mga Pilipinong filmmakers.

Ang mga sumusunod na short films ay magtatampok ng healthy habits gaya ng malusog na pangangatawan at pagkain, masinop na pamumuhay, mental health, ligtas na pagtatalik, at mga hakbang pangkaligtasan:

Ang Paboritong Pinggan ni Nanay ni Carlo Catu

Child’s Play ni Julienne Ilagan

Brand X ni Keith Deligero

Llegada nina Ryanne Murcia at Zurich Chan

Life on Moon ni Sheron Dayoc

Dito Ka Lang ni Ice Seguerra

Matapos ang opening ceremony ay magkakaroon ng dalawang araw na online screenings at panel discussion kasama ang ilang piling health experts at mga celebrity moderators.

Abangan ang mga karagdagang detalye tungkol sa online screenings at opening ceremony sa FDCP’s social media pages.

Kasal na raw… COCO AT JULIA, PAREHO NG SUOT NA SINGSING, BUKING!

ni Reggee Bonoan - @Sheet Matters! | June 11, 2022

Kasal na nga ba sina Coco Martin at Julia Montes?

Ito ang naririnig naming tsikahan ngayon sa mga umpukan ng media friends kapag may mga dinadaluhang showbiz events.

Nagsimula kasi ang tsikahang ito nang dumalaw si Coco sa burol ng Queen of Philippine Movies na si Ms. Susan Roces kung saan kapansin-pansin ang suot nitong gintong singsing sa left ring finger nito.

Sa tinagal-tagal naman kasi ng aktor sa showbiz ay ngayon lang siya nakitaang nagsuot ng singsing kaya talagang malaking isyu ito para sa mga ‘Marites’ na tulad namin.

Anyway, sa Showbiz Update YouTube channel nina Ogie Diaz at Mama Loi kasama sina Dyosa Pockoh, Ate Mrena at Tita Jegs ay isa ang Coco-Juls sa mga topic.

May nagpadala raw ng larawan na pareho ng singsing na suot sina Coco at Julia at ipinakita ang screenshot sa video kaya ang tanong ay "Kasal na nga ba sila?”

Hirit naman ni Tita Jegs, hindi pa nga raw siya nakaka-move on sa tsikang may anak na ang dalawa ay heto at kasal naman ang usapan.

Pagtatanggol ni Mama Loi, baka naghihintay ng perfect timing ang Coco-Juls kung kailan sila aamin o posibleng props lang 'yun para sa seryeng FPJ’s Ang Probinsyano na nalalapit na ang pagtatapos.

“Hayaan natin sila kung gusto nilang humanap ng timing para mag-comment tungkol doon sa singsing. Kasi malay naman natin, props lang pala sa Ang Probinsyano 'yung singsing na ‘yun,” say ng co-host ni Ogie.

“Ang paniniwala ko d'yan, ibigay natin sa kanila ang kanilang privacy dahil sabi nga ni Coco noong araw, ‘yung nagaganap sa loob ng pamamahay niya ay kanya lang. Hindi na niya para i-share pa ito sa mga tao,” pananaw naman ng talent manager-vlogger.

Dagdag pa, “Kung may mga chikang ganyan, hayaan natin silang sumagot kung totoo man 'yan. At the end of the day, hindi naman tayo ang magdadala n'yan. Hindi rin naman tayo ang bumubuhay sa kanila. Sila naman 'yan. Nakiki-Marites lang tayo kaya ibigay natin 'yan kay Coco kung totoo man na siya ay may anak na o sila ni Julia ay may anak na. Kung totoo man na sila’y kasal na.”

Oo nga, ano nga ba ang totoo, Coco at Julia?

Sana ay iregalo ninyo na sa mga sumubaybay sa Ang Probinsyano sa mahigit na anim na taon ang inyong pag-amin o sana sa pagtatapos ng serye, may ‘pasabog’ kayo para sa lahat.