Patalbugan sa serye… PAUL AT MIKEE VS. RURU AT BIANCA

ni Nitz Miralles @Bida | February 13, 2023

May taping ng The Write One ang magdyowang Paul Salas at Mikee Quintos, kaya hindi sila makakapag-date at ang cast at production team ng upcoming series ng GMA-7 ang kanilang Valentine’s Day date. First taping day din ng dalawa, kaya magkasama talaga

sila.

“Nakakakilig kasi ang first taping day na magkasama kami ni Paul is Valentine’s Day,” ani Mikee na una nang nag-taping kasama sina Ruru Madrid, Bianca Umali at Lotlot de Leon.

"‘Yun na ‘yung date namin. At saka, first time ko na magte-taping doon. ‘Yung ibang cast, talagang ang gagaling, so ako, naha-hype na ako at gustung-gusto nang mag-work,” ayon naman kay Paul.

Excited sina Paul at Mikee na makatrabaho sina Ruru at Bianca na friends nila. Iba raw ang pressure sa kanila ni Paul.

“Mayroon kaming pride sa isa’t isa. It feels healthy. The competition is really healthy between us. Nakaka-excite lalo kasi excited kaming makita kung ano ‘yung mailalabas namin sa isa’t isa,” dagdag pa ni Mikee sa interview sa 24-Oras.

This year na ang airing ng romance drama na kasama sa cast sina Lotlot at Ramon Christopher sa direction ni King Marc Baco.

Tanggap na ang karibal ang reyna… KAREN, UMAMING NAHIRAPAN NA PINAGSASABONG SILA NI KORINA

ni Rohn Romulo - @Run Wild | November 1, 2022

Naganap na ang sinasabing imposibleng 'one-on-one' interview sa Korina Interviews na ipinalabas sa NET25 at sa kanilang YouTube channel last Sunday kung saan harap-harapang tinanong ni Korina Sanchez-Roxas si Karen Davila kung bakit sila pinag-aaway.

Sa bandang huli nga ng exclusive interview ni Korina, sinagot ito ni Karen ng, "Eh, kasi naman, ikaw 'yung reyna."

Say naman ni Ate Koring, “Teka muna, 'wag mo munang sagutin, sandali, kakain pa tayo ng salad…” at saka sila nag-high five at nagtawanan.

Nag-prepare nga si Karen ng pomelo salad with cashew nuts and carrots at flourless chocolate cake. Sa pagbabalik ng Korina Interviews ay sinimulan na nilang kainin ang healthy salad na inaming favorite rin ni Ate Koring at may pang-aasar pa ito kay Karen na, "So, kakain na tayo. Kung makakain ka?"

Para sa maraming taga-industriya, ang one-on-one sa pagitan nina Korina at Karen ay imposible at 'di nga makapaniwala na sinagot naman ni Korina, "Bakit, ano ba'ng problema n'yo? Saan n'yo ba nakukuha 'yan at bakit ba ang tingin n'yo, magkagalit kami ni Karen Davila?"

Sagot naman ni Karen, "Ang feeling ko, siguro nga, work wise, parang it's a competitive environment where we used to work. So, parang they always pit people against each other. Let's say after Korina, nand'yan si Karen, at napakahirap nu'n for any woman, kasi nga, you feel minsan, either may hinahabol ka or hinahabol ka. You understand."

Napag-usapan na ang dalawa bilang “magkalaban” sa kanilang dating network na ABS-CBN mula noong 90’s, kaya never pa silang nagkatrabaho sa isang proyekto.

Pag-amin pa ng panghihinayang ni Karen, "I would have to say this, from the bottom of my heart, ako sa pananaw ko, isa sa mga nasayang na panahon ko sa ABS-CBN is 'yung hindi kita nakilala noon. I'll be honest, dahil siguro pareho talagang busy.

"But I feel, it was lost opportunity for me, for both of us. I wish, I have gotten to know then. Even as a mentor, ha, and the whole experience of getting to know you. We never got to do that."

Nag-agree naman si Korina, dahil sobrang busy nga nila sa work, iba-iba ang schedules nila. Kahit si Bernadette Sembrano at Loren Legarda, ay hindi rin niya masyadong nakakatsikahan, dahil ang palagi niyang nakakasama ay si Ted Failon na partner niya.

Naloka nga si Korina nang humirit ng tanong si Karen kung niligawan pa siya ni Ted, na that time daw ay may asawa na, kaya parang wala namang ligawang nangyari.

Paglilinaw pa ni Korina, naunahan pa raw ng intriga na since pinalitan siya ni Karen sa TV Patrol ay baka nagalit siya. Desisyon daw 'yun ng management. In-invite pa raw niya si Karen nang tumakbo ang asawa na si Mar Roxas.

Sa middle part ng interview, hindi nga napigilang maluha ni Karen sa pagkukuwento sa kanilang pinagdaanan na mag-asawa sa pagkakaroon ng 'special child' na muntik na palang mamatay sa kanilang harapan noong 2019.

Marami pang rebelasyon si Karen sa buhay niya, kagulat-gulat lalo na 'yung pinagdaanan niyang depresyon.

Napapanood tuwing Linggo, ika-5 ng hapon ang Korina Interviews sa NET25, at puwedeng balik-balik ang mga episodes sa kanilang YouTube channel.

Dagdag-rebelasyon pa ni Ate Koring, “I didn’t know that Karen and I have so many things in our lives in-common. And it really surprised me."

Puring-puri naman ng mga netizens sina Korina at Karen sa kanilang masaya at mapusong kuwentuhan, na tanging sa NET25 lang naganap.

Wish ng mga netizens, magkaroon ng part two, dahil sobrang bitin talaga ang episode na ito.

At dahil naging matagumpay ang pagtatagpong ito, aabangan naman ang pagge-guest ni Korina sa YT vlog ni Karen.

May nagwi-wish din na sana raw sa mga future episodes ay isa si Jessica Soho sa mga mai-feature ni Ate Koring, na for sure, pag-uusapan din nang husto ang kanilang pagtatapat.

Ex-Viva Hot Babe, bigtime na... RACHEL, HAPI SA PAGBEBENTA NG LUXURY CARS, 'DI NA FEEL MAG-SHOWBIZ

ni Reggee Bonoan - @Sheet Matters | October 13, 2022

Tanda n'yo pa ba ang dating Viva Hot Babe na si Rachel Villanueva?

Isa na siyang matagumpay na negosyante ngayon.

Kung ang ibang Viva Hot Babes ay na-miss ang showbiz kaya nagbabalikan sa paggawa ng pelikula tulad ni Andrea del Rosario na may pelikulang ipinalalabas ngayon ay iba naman si Rachel na bagama’t nami-miss din ang showbiz, wala siyang planong balikan ito dahil masaya na siya sa kanyang trabaho bilang presidente ng Autoflare na may kinalaman sa pagbebenta ng luxury cars tulad ng Mercedes Benz, Chrysler, Dodge, RAM, Peugeot, Mazda, GAC, and Morris Garages or MG.

Sabi ni Rachel sa opening ng Auto iCon sa Alabang Town Center, “I am not getting any younger as I have to look for a stable job. I joined the sales of Mercedes Benz. Yes, I am happy, it’s even better than showbiz.”

Katuwang ni Rachel si Dexter Co, ang president at CEO ng Auto iCon na ayon sa ex-Viva Hot Babe ay natutunan niya ang lahat ng nalalaman niya sa pagbebenta ng luxury cars sa kanyang former boss.

“You really have to value your customers. Know what they want, what they need and what will make them happy,” saad ni Rachel.

Samantala, isa ang self-proclaimed Internet Action Star at komedyanteng si Ramon Bautista na sumulat din ng librong Bakit Hindi Ka Crush ng Crush Mo sa mga guests sa Auto iCon launch dahil isa rin siyang car enthusiast.

Sa ngayon ay nagtuturo ng film sa UP Diliman si Ramon kapag wala siyang ganap sa showbiz.

Ayon kay Mr. Dexter Co, “We invited Ramon because of his knowledge and enthusiasm about cars, which now makes him an influencer in this field. We are confident that he will be impressed with our line-up in this exhibit.”

Sabi naman ni Ramon, gusto niyang maging face o endorser ng Auto iCon dahil type niya ang Mercedes Benz na nasa exhibit dahil ang kotseng ginagamit niya ngayon ay graduation gift ng tatay niya noong nagtapos siya ng college — Mitsubishi Lancer.