Dating mga miyembro ng Super Junior, nag-reunion

ni Eli San Miguel @Entertainment | May 27, 2024

Nagsama-sama ang dati at kasalukuyang mga miyembro ng Super Junior sa kasal ni Ryeowook, na umantig sa puso ng mga fans.

Matagal na rin mula nang huling nagkasama ang buong grupo, na noon pang 2009.

Ipinost ni Chris Lee ng SM Entertainment ang isang heartwarming photo ng Super Junior sa Instagram.

“Super Junior assemble,” nakasaad sa caption.

Kasama rito ang 15 na miyembro, kabilang si Ryeowook at ang kanyang asawa, ang dating miyembro ng TAHITI na si Ari, pati na rin ang kasalukuyang aktibong mga miyembro na sina Leeteuk, Kim Heechul, Yesung, Shindong, Eunhyuk, Donghae, Choi Siwon, at Kyuhyun.

Naroon din si Sungmin, na pansamantalang naka-hiatus, kasama ang dating mga miyembro na sina Kangin, Kim Ki Bum, at Hangeng.

Dumalo rin sa kasal sina Henry Lau at Zhoumi ng Super Junior M.

Nagsimula ng karera bilang mga K-Pop idols ang Super Junior noong 2005 na may 13 miyembro. Noong 2008, nag-debut ang Chinese sub-unit na Super Junior M kasama sina Henry at Zhoumi.

Naging isa sa mga pinakamatagumpay na second generation K-Pop groups ang Super Junior na may mga hit na tulad ng "Sorry Sorry" at "Mr. Simple."

Itinaas ng National Disaster Center ang bilang sa 2,000 sa isang sulat sa UN noong Linggo na inilabas sa publiko nitong Lunes. Sinabi rin sa liham na nagdulot ng malaking pinsala sa mga gusali at taniman ng pagkain ang pagguho.

Aktor, may ibang nabuntis... SHERYL, PUMAYAG NANG MAGPAKASAL KAY ANJO, 'DI NATULOY

ni Eli San Miguel @Entertainment | May 24, 2024

Ibinunyag ng aktres na si Sheryl Cruz na nag-propose ng kasal sa kanya si Anjo Yllana noon.

Gayunpaman, binanggit din ng aktres na nagkaroon siya ng tampo noon kay Anjo dahil hindi naituloy ang kasal.

"Actually, nagtampo ako sa kanya noon because… he asked for my hand in marriage that time before I left for the States and decided to actually try it there," pahayag ni Sheryl sa “Fast Talk with Boy Abunda.”

Pumayag na noon si Sheryl sa proposal ngunit kalaunan, nalaman niyang may nabuntis si Anjo.

"He asked for my hand in marriage, and I said yes. And then I found out na he got somebody pregnant, so kahit papaano 'di ba, he broke my heart," saad ng aktres.

Nilinaw naman ni Sheryl na hindi na ito isyu sa kanya ngayon dahil sila’y mabuting magkaibigan ni Anjo.

“That’s already water under the bridge. We’re good friends,” aniya.

Nakilala ni Sheryl sa States ang kanyang unang asawa na si Norman Bustos ngunit humantong ang kanilang pagsasama sa diborsyo noong 2008.

Matapos ang pangyayari, ibinahagi ni Sheryl na sinubukan nilang magkabalikan ni Anjo.

"It was actually amazing because by the time I went back here sa Philippines, I, myself, got separated and divorced. And then nagkaroon kami ng moment wherein we were able to see each other again and we were able to catch up on things and tried to, I guess have another go at it," kuwento niya.

Ibinahagi rin ni Sheryl na hinangaan niya si Anjo dahil isa itong mabuting ama.

"Ayos naman 'yung mga anak niya. Same thing naman for me? If you really didn't quite work out with your relationship, then it doesn't mean that you cannot be a good parent," aniya.

Francine, damage control lang daw ang pakikipagbati sa Orange and Lemons

ni Angela Fernando @News | May 5, 2024

Winakasan na raw nina Kapamilya star Francine Diaz at bandang Orange and Lemons ang naging 'eksena' nila sa isang event sa Occidental Mindoro kung saan sumingit diumano ang aktres sa dapat sana'y oras pa ng banda sa stage.

Nilinaw naman ng bawat kampo na isang malaking misunderstanding lang ang nangyari sa event at pawang speculations lang daw ng madlang pipol ang mga kumalat online.

Hirit ng mga netizens sa ‘X', ang bilis daw talagang maglinis ng kalat ng talent management lalo pa kung matunog ang pangalan ng kanilang mga alaga.

Sey pa nga ng tribu ni Mosang, damage control lang naman ang ginawa para hindi masira ang pangalan ni Francine dahil pumutok na sa mga social media platforms ang mga tsikang may attitude raw ito.