Mag-aregluhan na raw sila ni Vhong… SIGAW NG ABOGADONG LOLO NI DENIECE: MOVE ON NA LANG!

ni Reggee Bonoan - @Sheet Matters | October 13, 2022

Hindi natuloy ang face-to-face hearing nina Deniece Cornejo at Vhong Navarro para sa kasong rape nitong Martes, Oktubre 11.

Hiniling ni Vhong na sa pamamagitan ng Zoom na lang siya dumalo sa pagdinig na pinayagan naman ng korte, samantalang si Deniece ay kinailangang dumalo physically kasama ang head ng legal team niyang si Atty. Howard Calleja.

Marami lang ang nagtataka kung bakit nagbigay ng opinyon ang lolo ni Deniece na si Atty. Axel Gonzales na mag-usap na lang ang magkabilang kampo at mag-aregluhan.

Sabi ng lolo ng dalaga sa panayam niya sa TV Patrol, “Kung ako ang tatanungin as a lawyer, ‘no, hindi ko pinangungunahan si Atty. (Howard) Calleja, 'di ba? But as a lawyer, pareho silang may career, dapat i-settle na nila ang problema.

“Because may rape case si Deniece kay Vhong, si Vhong naman may (kasong) serious illegal detention sa kanila, so what will you do?

“Ang punto is tulungan na lang natin ang korte! Let us settle all these problems na puwedeng ma-settle, 'di ba? And then move on na lang para sa akin.”

Kaya balik-tanong sa abogadong kaanak ni Deniece ay, “Is this something that you recommend to Deniece?"

Sangga nito, “No, that is my personal opinion. Hindi ko iho-hold ang grupo, ‘no, especially marami ‘yan sila. Para sa akin, dapat siguro, mag-settle na lang sila, mag-move on na lang para matapos na, kasi ang mga nakikinabang lang dito, mga abogado, eh.”

Wala namang reaksiyon ang abogado ni Deniece na si Atty. Calleja dahil ang usapan nila ng kliyente niya ay dapat mapanagot si Vhong sa ginawa umanong panghahalay sa dalaga.

Samantala, nagbigay naman ng saloobin niya si Manay Lolit Solis sa pinagdaraanan ngayon ni Vhong.

“Naawa naman ako sa mga nangyayari ngayon kay Vhong Navarro, Salve. Hindi mo aakalain na sasapitin niya ang pangyayaring ito lalo na ngayon, nasa itaas ang kanyang career, at pati personal life niya ay maayos.

“Biglang nabuhay ang kaso na akala ng marami ay tapos na, pero heto ngayon at isang malaking iskandalo. Isang aral ito sa mga artistang lalaki, na maging maingat sa kanilang mga relasyon.

“Hindi lahat ay natatapos sa maganda, puwede may bitterness na maiwan at iyon ang maging dahilan para balikan ka sa pamamagitan ng anuman para lang makaganti sa iyo.

Sana nga, maging maayos na ang lahat sa kaso nina Vhong at Deniece.

“Sana nga, mapag-usapan nang maayos para maging maganda ang resulta. Mahihirapang makatayo uli si Vhong Navarro mula sa scandal na ito. Malaking suntok sa kanyang magandang career ngayon ang nangyaring scandal.

“Pero higit sa lahat, kawawa rin ang pamilya niya na nagsa-suffer ngayon, lalo na ang kanyang asawa. Kung anuman siguro ang naging kasalanan ni Vhong Navarro, sure ako na ngayon, sobra-sobra na ang pagsisisi niya.

“At kung maibabalik lang ang araw, tiyak na hindi niya gagawin kung anumang pagkakamali ang nagawa niya. Siguro nga, naisip na niya na sa isang iglap, puwedeng mawala ang lahat, kaya dapat na maging maingat sa anumang gagawin. Justice is fair kaya iwanan na natin sa hustisya ang lahat. Naniniwala tayo na kung ano ang nararapat, iyon ang mangyayari.

Hustisya, 'yan na lang ang hintayin natin. #classiclolita”

Kasal na raw… COCO AT JULIA, PAREHO NG SUOT NA SINGSING, BUKING!

ni Reggee Bonoan - @Sheet Matters! | June 11, 2022

Kasal na nga ba sina Coco Martin at Julia Montes?

Ito ang naririnig naming tsikahan ngayon sa mga umpukan ng media friends kapag may mga dinadaluhang showbiz events.

Nagsimula kasi ang tsikahang ito nang dumalaw si Coco sa burol ng Queen of Philippine Movies na si Ms. Susan Roces kung saan kapansin-pansin ang suot nitong gintong singsing sa left ring finger nito.

Sa tinagal-tagal naman kasi ng aktor sa showbiz ay ngayon lang siya nakitaang nagsuot ng singsing kaya talagang malaking isyu ito para sa mga ‘Marites’ na tulad namin.

Anyway, sa Showbiz Update YouTube channel nina Ogie Diaz at Mama Loi kasama sina Dyosa Pockoh, Ate Mrena at Tita Jegs ay isa ang Coco-Juls sa mga topic.

May nagpadala raw ng larawan na pareho ng singsing na suot sina Coco at Julia at ipinakita ang screenshot sa video kaya ang tanong ay "Kasal na nga ba sila?”

Hirit naman ni Tita Jegs, hindi pa nga raw siya nakaka-move on sa tsikang may anak na ang dalawa ay heto at kasal naman ang usapan.

Pagtatanggol ni Mama Loi, baka naghihintay ng perfect timing ang Coco-Juls kung kailan sila aamin o posibleng props lang 'yun para sa seryeng FPJ’s Ang Probinsyano na nalalapit na ang pagtatapos.

“Hayaan natin sila kung gusto nilang humanap ng timing para mag-comment tungkol doon sa singsing. Kasi malay naman natin, props lang pala sa Ang Probinsyano 'yung singsing na ‘yun,” say ng co-host ni Ogie.

“Ang paniniwala ko d'yan, ibigay natin sa kanila ang kanilang privacy dahil sabi nga ni Coco noong araw, ‘yung nagaganap sa loob ng pamamahay niya ay kanya lang. Hindi na niya para i-share pa ito sa mga tao,” pananaw naman ng talent manager-vlogger.

Dagdag pa, “Kung may mga chikang ganyan, hayaan natin silang sumagot kung totoo man 'yan. At the end of the day, hindi naman tayo ang magdadala n'yan. Hindi rin naman tayo ang bumubuhay sa kanila. Sila naman 'yan. Nakiki-Marites lang tayo kaya ibigay natin 'yan kay Coco kung totoo man na siya ay may anak na o sila ni Julia ay may anak na. Kung totoo man na sila’y kasal na.”

Oo nga, ano nga ba ang totoo, Coco at Julia?

Sana ay iregalo ninyo na sa mga sumubaybay sa Ang Probinsyano sa mahigit na anim na taon ang inyong pag-amin o sana sa pagtatapos ng serye, may ‘pasabog’ kayo para sa lahat.

Sising-sisi raw sa pag-alis sa GMA-7… RESBAK NI WILLIE: FAKE NEWS!

ni Reggee Bonoan - @Sheet Matters! | March 30, 2022

TINABLA ni Willie Revillame ang Bilyonaryo website sa ulat nilang gusto niyang bumalik sa GMA-7 dahil hindi pa raw makakapagsimula ang Advanced Media Broadcasting System o AMBS na pag-aari ng pamilya Villar.

Lumabas sa isang news website noong March 26 na nagpaparamdam daw ang Wowowin host sa mga executives ng GMA. Nasambit pa na nagsisisi na ang host sa pag-iwan niya sa nasabing network.

Nitong March 28, Lunes, ay nagsalita na si Willie sa Wowowin: Tutok Para Manalo Facebook at YouTube Live para klaruhin ito.

“Hindi ko na papatulan ang mga negative. Kung nakakabasa kayo ng fake news, huwag na lang pansinin ‘yan. Naku, mahirap na lang magsalita.

“Hindi ako naaapektuhan diyan, whatever you say, alam namin kung ano ang totoo, ang programang ito ay gumagawa ng paraan para makatulong sa mga kababayan.

“Saka, huwag n'yo ako isusulat sa Bilyonaryo (website), hindi ako bilyonaryo, hindi ako businessman na bilyonaryo. Simple lang po ako, masinop lamang ako sa buhay.

“Last week, may mga lumalabas sa diyaryo, sa mga Bilyonaryo na news diyan. Dapat reliable ang source n'yo, kasi nape-fake news kayo.

“Sayang lang 'yung news n'yo, isulat n'yo ako nang isulat, kahit anong sabihin n'yo sa akin, masama, walanghiya, wala sa akin ‘yan.

“Basta alam ng Diyos, alam ng aking mga nakakasama kung ano ang pagkatao ko at kung ano ang totoo. 'Di ba, 'yun ang importante?” diin ni Willie.

Samantala, malaki ang ipinagpapasalamat ni Willie dahil kahit wala na siya sa TV ay sinundan siya ng Shopee sa YT at FB dahil nag-research at gumawa ng survey at napag-alaman nila sa mga tao na nakilala ang e-commerce platform dahil sa Wowowin, kaya sabay sigaw ng host ng, ‘Salamat Shopee."

“Malay n’yo, ibalik natin ang Pera o Kahon kasama natin ang Shopee? At Randy Santiago at John Estrada 'pag okay na, gagawa na tayo ng (production) number,” masayang anunsiyo ni Willie.

At kapag nagkaayos sila ng Shopee ay madaragdagan ang mga papremyo niya sa mga sumusubaybay araw-araw bukod sa android cellphones.