Dec. 31, 2023 sa LA, California… ANGELICA AT GREGG, IKINASAL NA

ni Reggee Bonoan @Sheet Matters | January 1, 2024

Dalawang selebrasyon ang naganap sa buhay ng aktres na si Angelica Panganiban at ng partner niyang si Gregg Homan na ama ng anak niyang si Baby Bean o Amila Sabine Homan bago magtapos ang taong 2023.

Bukod kasi sa selebrasyon ng Bagong Taon, sinelyuhan na ng dalawa ang kanilang pagmamahalan dahil ikinasal sila kahapon, Disyembre 31, base ito sa post ng aktres sa kanyang Instagram account.

Ipinost ni Angge ang wedding picture nila ni Gregg at ipinakita rin ang kanilang wedding rings na sa tingin namin ay isa itong garden wedding na ginanap sa Los Angeles, California, base sa background. May larawan din ang kanilang anak na si Baby Bean.

Ang caption ng aktres sa mga larawan ay, “123123 (December 31, 2023). Patuloy na mananalig at maniniwala sa pag-ibig. Sa kabila ng lahat. Ang pagmamahal pa rin ang kakapitan. Maligayang bagong taon - Mrs Angelica Panganiban Homan.”

Present ang best friends forever ni Angelica na sina Bela Padilla at Kim Chiu para sa importanteng okasyon ng kaibigan nila.

At kaya nalamang sa ibang bansa ikinasal sina Angelica at Gregg ay dahil sa location na nakalagay kina Bela at Kim.

Ang caption ni Bela sa larawang ipinost niya sa kanyang IG account ngayong hapon ay, “The drought is over (emoji heart). Congratulations, Mr. and Mrs. Homan. The best day ever.”

Si Kim naman ay ipinost ang ilang larawang nakunan niya habang pinupunasan ni Gregg ang kanyang mga mata dahil sa kaligayahan.

Ang caption ni Chinita Princess sa mga larawan nila sa kasal, “12-31-23 Witnessed a love that is everlasting, love that comes in perfect timing, love that is unconditional, and love that deserves to be felt by one another. Congratulations momsy @iamangelicap and @gregg_homan.🥰

“I felt blessed to witness this beautiful ceremony. 🥹 I can’t miss this! (emoji smiling face) Love you, Momsy Angge! Thank you, @gregg_homan for loving our momsy. Alagaan mo ang momsy namin forever!”

At ang hashtag ni Kim ay, “#ANGBEKI IS EXTRA EXTRA HAPPY!!! Momsy @bela, I am glad to experience this with you!”

“𝑳𝒐𝒗𝒆 𝒊𝒔 𝒑𝒂𝒕𝒊𝒆𝒏𝒕, 𝒍𝒐𝒗𝒆 𝒊𝒔 𝒌𝒊𝒏𝒅." 1 𝑪𝒐𝒓𝒊𝒏𝒕𝒉𝒊𝒂𝒏𝒔 13:4

Sinagot ni Angge ang post ni Kim, “Mahal kita sagad hanggang buto. Thank you sa lahat today momsy.”

Say naman ni Bela, “You’re the best wedding buddy!!!”

Samantala, binati naman ang mag-asawa ng kanilang showbiz friends tulad ni Direk @tonetjadaone, “WAHHHHH (two hearts emoji at hearts).”

Sinundan ito ng aktres na si @msderossi, “Ahaaaa!!!!! Congratulations!!!!!”

Sabi ng naging leading man ni Angelica na si @onlyzanjoemarudo, “Mabuhay kayo Homans (heart emoji).”

Pawang heart emojis naman mula kina Agot Isidro, Gela Atayde at iba pa.

Hindi rin nakalimot ang nakasama ni Angge sa seryeng Apoy sa Dagat (2013) na si @regineangeles, “Congratulations and Best Wishes!”

Ang US based na si @yamconcepcion ay bumati rin, “Best wishes @iamangelicap.”

Ang Star Magic handler ni Angelica na si @ cristapang10, “Congratulations deserve na deserve Mrs Homan.”

Gayundin ang aktres na si @msbarbieimperial, “Congrats ate!!!”

Ang TV host na si @luckymanzano, “Congrats!”

Mula kay Maris Racal, @mariesteller, “ANG GANDANG BRIDE!!!!!! Congrats sa inyo!”

Say naman ng aktor na si @ketchup.eusebio, “Hayerp sa date! Cheers to a lifetime of quirky adventures and happily-ever-afters!”

Si @annecurtissmith, “Congratulations Mr & Mrs Homan!”

Sabi naman ni @missizacalzado, “Congratulations and Best Wishes!!!”

At marami pang ibang bumati sa bagong kasal.

Umaming GF na si Isabel… JOHN LLOYD, NANINIWALA NA SA KASAL

ni Reggee Bonoan @Sheet Matters | October 26, 2023

“Sobrang panalo, napakasuwerte ko," ani John Lloyd Cruz sa panayam sa kanya ni Boy Abunda sa Fast Talk with Boy Abunda, sabay tingin sa monitor kung saan nandu'n ang mga larawan nila ng anak na si Elias.

"Siya ‘yung (dahilan), ang lupit nu’ng role niya sa buhay ko nu’ng dumating na siya," dagdag pang chika ni Lloydie.

Abut-abot ang pasasalamat ni Kuya Boy kay Lloydie dahil finally ay nai-guest niya ito sa kanyang programa na dati’y puro sa cellphone lang sila nag-uusap.

Sa pagpapatuloy ng aktor, “Pinakasimpleng maipapaliwanag ko siya is, si Elias, parang iniligtas niya ang buhay ko. Hindi ko ma-imagine ang buhay ko kung paano tutuloy kung hindi dumating (si Elias). Ang daming ibinigay na bagong kahulugan, bagong duties. All of a sudden, iba na ang tingin mo sa lahat.”

Tinanong ng Fast Talk host kung paano ang co-parenting nila ni Ellen Adarna-Ramsay sa anak nilang si Elias.

“It’s a bit challenge, ayokong i-sugar coat kasi ayokong mag-pretend, you know. We’re co-parenting but depende sa definition mo ng co-parenting. Ako from my end, to make it simplify kung paano ko ba siya (Elias) pinapalaki, siguro to lead without imposing. Gusto ko siyang mag-develop ng capacity to decide certain things. Siyempre, ‘yung mga bagay na hindi niya kayang desisyunan, ‘yun ang role namin,” paliwanag ni JLC.

Nagkakatugma ba sila ni Ellen kung paano palakihin si Elias?

“Napakasuwerte ko, (dahil) marami siyang similar cases na kagaya sa akin, much-much lesser time with the child or halos no time at all. Napakasuwerte ko at ako’y nagpapasalamat kay Ellen, kay Derek (Ramsay) dahil iniisip nila ‘yung kapakanan ng bata,” pahayag ni Lloydie.

Okay bang pasukin ni Elias ang showbiz?

“Like I said without imposing, pero mas gusto kong kung ano ang hilig niya, kung mahilig siya sa sports, kung anuman ang kahilingan ng bata,” sambit ng papa ni Elias.

At sa unang pagkakataon ay inamin na ni John Lloyd kung sino si Isabel Santos sa buhay niya.

Natawa muna sabay sabing, “Si Isabel ay girlfriend ko, boyfriend niya ako, hahaha!"

Hirit ni Kuya Boy, “Tell me more. Tell me what you can.’

Napatingin ulit sa monitor si JLC, “What can I tell you? Hayan, wala! We’re boring people, wala kaming maikukuwento, ganyan lang kami (picture nila ni Isabel nang dumalo sa party)."

Pero dagdag niya, “Matagal na kaming magkakilala. Gallery nila ‘yung una kong pinasok na gallery (collector ang aktor). At that time, bago pa lang akong tumigil (umarte) with ABS (CBN), napadpad ako sa pag-e-explore ng (arts). Gallery nila ‘yung una kong napasok at sila ‘yung una kong nakilala, pamilya nila, sino ‘yung mga patrons ng gallery nila.

“We were talking before but hindi nag-evolve into something ideal for us at that time. Mula noon, present na siya sa buhay ko,” pagtatapat ng aktor.

Nakatulong ba si Isabel sa paniniwala na ngayon ni Lloydie sa usaping kasal?

“Yeah, malaki and she’s very elemental sa mga ganyang bagay kung paano namo-mold at kung anuman ang mga lumalabas sa bibig ko, kung anuman ‘yung nabubuo sa isip ko. 'Yung consideration for the two of us, especially para sa kanya, laging nandoon,” say ng aktor.

GIGI AT PRISCILLA, NASIMOT ANG BDO SA BANGKO DAHIL SA ONLINE SCAM

ni Reggee Bonoan @Sheet Matters | June 23, 2023

Ang former beauty queen na si Priscilla Meirelles na misis ng aktor na si John Estrada ang latest victim ng Banco de Oro (BDO) online scam pagkatapos ng mang-aawit na si Gigi de Lana.

Matatandaang nitong Martes (Hunyo 20) nang gabi lang ay nag-post si Gigi sa kanyang Facebook account na ninakawan ang kanyang BDO account.

Aniya, “Ninakawan ako sa BDO, kinuha ang lahat ng laman. Pang-medical bills sana ‘yun ni Mama, kaso wala kayong awa. Sinabihan pa ako sa phone call ng, ‘Get well soon po kay Ma’am Gigi.’

“Tapos after nu’n, tuluy-tuloy na akong ninakawan hanggang sa maubos ang laman. Grabe kayo! ‘Di na kayo naawa. Please, ‘wag kayong mang-scam or magnakaw.”

Hanggang ngayon, wala pang balita kung naayos na ng Banco de Oro (BDO) ang problema ni Gigi, pero heto at may bagong personalidad na namang nagrereklamo sa kanila.

Ipinost ni Priscilla ang art card ng BDO with warning alert sa kanyang mga IG Stories kagabi, “Oh my gosh!!! I’m so stressed. BDO online remitted a payment I did ONCE — 3 times to the same merchant and told me after waiting for 30 minutes or so on the line that I need to call the merchant to ask for my money back because most likely there was an error in their application. That’s so irresponsible and I am so shocked! What kind of bank does that?!”

Sa matagal na panahong kliyente si Priscilla ng nasabing bangko ay hindi niya naisip na mangyayari ito sa kanya.

“I have been a client of BDO since 2010. I have been a client of other banks here and abroad and I never in my wildest dreams thought this could happen and the bank would tell me, ‘SORRY our bad but you need to find your ways because we won’t.’

“I am astonished! That’s so bad and so irresponsible. Please be aware, because I am sure I am not the only one that encountered this problem.

“They will let me know in 3-5 bank business days what they can do for me, and in the meantime, my money is GONE.

“I just reported the incident that happened to me to BSP (Bangko Sentral ng Pilipinas).”

May payo rin si Priscilla sa lahat ng naging biktima ng ganitong klase ng online scam, ‘di lang sa BDO, pati na rin sa iba pang bangko.

“If you are also a victim of irresponsible BANKS like BDO in the Philippines, you may report it to the website below (BSP.GOV.PH). Let’s not be quiet about it. Victim mentally no more, take action!”

Kung nangyayari ang mga ganitong insidente sa mga kilalang personalidad, paano pa kaya sa mga ordinaryong netizens na nabibiktima rin umano ng online scam sa Banco de Oro?!

Anyway, bukas naman ang BULGAR para pakinggan ang panig ng BDO.