Megastar Sharon, para kay KC Concepcion: “I love you forever and ever”

ni Lolet Abania | May 8, 2022

Kasabay ng pagdiriwang ng Mother’s Day, nagpahayag ng labis na pasasalamat ang aktres na si KC Concepcion sa kanyang inang si Megastar Sharon Cuneta.

Sa kanyang Instagram ngayong Linggo, nag-post si KC ng kanyang throwback picture kasama ang mommy niya, na todo-todo ang kanyang ngiti habang nakasandal naman sa kanya si Sharon.

“Mama, happy Mother's Day! Your voice is all I needed to jumpstart my recovery and win this battle against covid,” caption ni KC sa kanyang IG post.

“You are the salt to my pepper, you spice up my life in ways no one else can. I loved you the moment you made me, and I will love you forever and ever,” dagdag ni KC.

“Enjoy your special day today @reallysharoncuneta xoxo, Tutti.”

Samantala, inanunsiyo kamakailan ni KC na magsisimula na siya sa bagong US film na “Asian Persuasion”.

VP Leni, pinaaatras sa pagka-pangulo… SHARON KAY ISKO: 'DI KO MAKUHA ANG LOGIC

ni Janiz Navida @Showbiz Special | April 23, 2022

Hindi nakatiis ang Megastar na si Sharon Cuneta na dedmahin na lang ang panawagan ni Manila Mayor Isko Moreno na mag-withdraw na sa pagtakbong pangulo sa May 9 elections si VP Leni Robredo, kaya sa grand rally ng Team Kakampink sa Dumaguete kamakailan, sinagot niya si Yorme.

Ayon kay Megastar, “Pinawi-withdraw pa nga si Ma’am Leni. Hindi ko makuha ang logic ni Mayor. Hindi ko talaga makuha.”

Dagdag pa ng misis ni vice-presidentiable Kiko Pangilinan, “What planet does that kind of logic exists on? I’m so sorry.”

Pero sa kabila ng panonopla ni Ate Shawie kay Yorme, pinasalamatan din niya ang alkalde ng Maynila dahil marami raw supporters nito ang lumipat na sa Leni-Kiko tandem.

"Actually, that’s a beautiful Easter gift he gave us all. Thank you, Mayor,” sabi pa ng aktres-singer.

May kasabihan, "Less talk, less mistake," at minsan, kapag nagiging masyadong maboka ang isang tao, hindi na napag-iisipan kung tama o mali ang lumalabas sa bibig, na siya rin niyang ikinapapahamak.

Kaya esep-esep bago putak!

Sharon Cuneta, fully vaccinated na kontra-COVID-19

ni Lolet Abania | June 16, 2021

Nakumpleto na ni Sharon Cuneta ang ikalawa at huling dose ng bakuna kontra-COVID-19.

Sa Instagram ng Megastar ngayong Miyerkules, nai-share niya ang isang one-minute video ng sarili na nasa ospital habang tinuturukan ng COVID-19 vaccine. “Fully vaccinated!” post ni Shawie.

“Got my [second] Moderna vaccine jab! Thank You Lord!”

Natanggap ni Sharon ang kanyang first dose ng bakuna noong May sa United States. Ilang linggo makaraang ianunsiyo ng aktres na iiwan niya ang Pilipinas na aniya, siya ay uuwi sa kanyang “tahanan”, ibinulgar nito na lumipad siya abroad para sa kanyang multiple auditions.

Ito ay dahil na rin sa hindi natuloy na role sana niya sa all-Filipino cast ng Hollywood film ni Jo Koy nang makatanggap siya ng “false positive” na COVID-19 result.